کھاریاں (جی پی آئی) وائس چیئرمین یوسی بھگوال ملک آفتاب حسین آف لمے شریف نے کہا ہے کہ آئندہ بلدیاتی الیکشن میں یوسی بھگوال سے کامیاب ہوکر عوام کی خدمت میںکوئی کسر باقی نہ چھوڑیں گے انشاء اللہ پی ٹی آئی کے پلیٹ فارم سے مکمل پینل کے ساتھ میدان میں اتریں گے اور مخالفین کو ٹف ٹائم دیں گے کپتان کا پیغام گھر گھر پہنچا رہے ہیںعوام موجودہ حکمرانوںسے تنگ آچکے ہیں جس کا بدلہ وہ آئندہ بلدیاتی الیکشن میںPTIکوووٹ دیکر لینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سود کا دھندہ عروج پر،سودی کاروبار کرنیوالے مجبور عو ام کو لوٹنے لگے،تفصیلا ت کے مطابق کھاریاں شہر اور اس کے گردونواح میں سود خوروںنے مجبورلوگوں کیساتھ کاروبار کرنا اپنا وطیرہ بنا لیا ہے، مکروہ دھندہ کرنے والوں کے خلاف اعلی حکام کوئی توجہ نہیں دے رہے جس کی وجہ سے آئے روزکئی قیمتی جانیں خودکشیوں پر مجبور ہو چکی ہیں،سروے کے دوران معلوم ہوا کہ سود کا کاروبار عروج پکڑتا جا رہا ہے،کئی لوگ سود کی رقم بروقت ادا نہ کرنے کی وجہ سے شدید ذہنی کوفت کا شکار نظر آتے ہیں،سود خور مجبور لوگوںکو ورغلا کر انہیں لوٹنے میں کوئی کسر اٹھا نہیں رکھتے ،اعلیٰ حکام نوٹس لیں۔عوامی حلقے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)بلدیاتی الیکشن2015،بلدیاتی الیکشن کا اعلان ہوتے ہی کھاریاں شہرمیں موسمی امیدواروں نے سر جوڑ لئے ہیں اس بار مسلم لیگ ق،پیپلز پارٹی کا اتحاد ہوسکتا ہے اگر مرکزی راہنما مسلم لیگ ق سنٹرل پنجاب چوہدری فرخ مجید،سابق چوہدری ناظم چوہدری اسفند اصغر اور سینئرراہنما پیپلز پارٹی چوہدری ضیاء محی الدین کا اتحاد ہوگیا تو مسلم لیگ ن کو شدید مشکلات کا سامنا کرنا پڑسکتا ہے باوثوق ذرائع سے معلوم ہوا ہے مسلم لیگ ق اور پاکستان پیپلز پارٹی کی اندروانی میٹنگ ہوئی رہی ہے جس کے اثرات جلد سامنے آئیں گے اگرچہ پیپلز پارٹی،مسلم لیگ ق اور تحریک انصاف کا اتحاد ہوجاتا ہے تو حکمران جماعت کیلئے بلدیاتی الیکشن جیتناانتہائی مشکل ہوجائے گا۔موجودہ حالات کے مطابق اس بار مسلم لیگ ق اور پاکستان پیپلز پارٹی کا بلدیاتی الیکشن میں ٹف مقابلہ ہوگا جبکہ پاکستان تحریک انصاف مقابلے میں ہے۔اس صورتحال میں جماعت اسلامی اور پاکستان عوامی تحریک بھی اپنا کردار ادا کرسکتی ہیں ان دونوں جماعتوںکا بھی کھاریاں وسیع ووٹ بینک موجود ہے جو کہ صورتحال کو تبدیل کرنے میںبھرپورکردارا دا کرسکتاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)MNAحلقہNA107چوہدری عابدرضا کوٹلہ نے کہا ہے کہ تعلیم، صحت ، زراعت، صنعت اورزندگی کے تمام شعبے دہشت گردی اور توانائی بحران سے متاثر ہوئے ہیں ـحکومت نے توانائی بحران کے خاتمے کو اپنی اولین ترجیح بنایا ہے اور اس ضمن میں ہر ضروری قدم اٹھایا جا رہاہےـانہو ںنے کہا کہ پاکستان مسلم لیگ(ن) کی سیاست کا مقصد عوام کی خدمت اورمحروم معیشت طبقات کے معیارزندگی کو بلند کرناہے۔ چین کے صدر کے دورہ پاکستان کے موقع پر 45 ارب ڈالر کے معاہدے اور مفاہمت کی یادداشت پر دستخط ہوئے، اس کا زیادہ تر حصہ توانائی کے شعبہ میں صرف ہو گا، توانائی بحران کے خاتمہ سے ہی پاکستان ترقی کے راستے پر گامزن ہو سکتا ہے، یہ 45 ارب ڈالر صرف ایم او یو نہیں بلکہ ان میں سے 28 ارب ڈالر کے منصوبوں کا سنگ بنیاد بھی رکھا گیا ہے اور ان منصوبوں کا چینی صدر کے دورہ کے موقع پر آغاز بھی ہو گیا ہے۔ ہائیڈل کے دو منصوبوں کے علاوہ باقی تمام منصوبے 2017ء کے آخر تک مکمل ہو جائیں گے پاکستان مسلم لیگ(ن) کی حکومت کی ٹھوس معاشی پالیسیوں کے باعث قومی معیشت بہترہوئی ہے ۔تجارتی ،معاشی سرگرمیوں اورسرمایہ کاری کے فروغ سے روزگار کے نئے مواقع پیدا ہوئے ہیں ۔انہوںنے کہا کہ شرح ترقی میں اضافے کیلئے اٹھائے گئے اقدامات بھی بارآور ثابت ہورہے ہیں ۔ مسلم لیگ(ن) کی حکومت توانائی بحران کے جلد خاتمے کیلئے بھی سنجیدگی سے آگے بڑھ رہی ہے ۔توانائی منصوبوں پر برق رفتاری سے کام کیا جارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)پاکستان تحریک انصاف PP115کے رہنماچوہدری ناصر احمدچھپر نے کہا ہے کہ پیپلز پارٹی اور مسلم لیگ ن نے ملک کو مسائلستان بنا دیا ہے لوگ گرمی کی وجہ سے مر رہے ہیں اور حکمران قومی دولت پر عیش کر رہے ہیں۔ تحر یک انصاف ملک سے اندھیر نگری مچانے والوں کو کبھی معاف نہیں کرے گی۔ قومی دولت لوٹنے والوں کو انصاف کے کٹہرے میں آنا ہو گا ملک کو ایماندار قیادت اور قومی سوچ رکھنے والے رہنما کی ضرورت تھی جو عمران خان کی شکل میں مل گئی ہے ۔ حکومتی دعوئوں کے برعکس سستے رمضان بازاروں میں لوٹ مار اور گراں فروشی کا بازار سرگرم رہا عوام کو کوئی ریلیف نہیں مل سکا سستے رمضان بازار اور لوڈشیڈنگ عوام کے ساتھ غیر انسانی سلوک اور ظالمانہ اقدام ہے حکمران ملکی و قومی مسائل حل کی بجائے ذاتی ترجیحات کی تکمیل میں مصروف ہیں اور اپنوں کو نوازنے کی پالیسی پر گامزن ہیں کارکنوں سے خطاب کرتے ہوئے انہوں نے کہا کہ طویل لوڈشیدنگ نے عوام کو زندہ درگور کر دیا ہے نماز تراویح کے دوران بجلی کی طویل بندش نے نمازیوں کو پریشان کئے رکھا انتخابات سے قبل بجلی، گیس، بیروزگاری، اور کرپشن کے خاتمہ کے دعوے کرنے والی مسلم لیگ ن نے اقتدار میں آنے کے بعد سب وعدے بھول گئی ہے۔ انہوں نے مزید کہا کہ کراچی میں حکمرانوں کی بے حسی کی وجہ سے بڑے پیمانے پر انسانی جانوں کا ضیاع قومی المیہ ہے۔ اگر حکمران پہلے دن ٹھوس منصوبہ بندی کے تحت بجلی کے بحران کو حل کرنے پر توجہ دیتے تو ملک اور قوم کا اتنا بڑا نقصان نہ ہوتا۔
گجرات کی خبریں 30/6/2015
گجرات کی خبروں کی تصویری جھلکیاں