مصطفی آباد/للیانی کی خبریں 9/2/2017

Adil Nouman Funeral

Adil Nouman Funeral

مصطفی آباد/للیانی (نامہ نگار) لاہور پولیس مقابلے میں ہلاک ہونے والا عادل نعمان عرف شانی وڈانہ میں سپرد خاک، پولیس کی بھاری نفری تعینات، تفصیلات کے مطابق لاہور میں پولیس مقابلے میں ہلاک ہونے والا نواحی گائوں وڈانہ کے رہائشی عادل نعمان عرف شانی سپرد خاک، نماز جنازہ میں اہلیان وڈانہ کے علاوہ عزیز و اقارب کی بڑی تعداد نے شرکت کی، نماز جنازہ میں پولیس کی بھاری نفری تعینات رہی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) چیف ایڈیٹر روز نامہ اوصاف مہتاب خاں کی والدہ و محسن بلال خاں کی داد ی کے انتقال پر پریس کلب مصطفی آباد کا تعزیتی اجلاس، مرحومہ کیلئے مغفرت اورلواحقین کیلئے صبر کی دعا، تفصیلات کے مطابق چیف ایڈیٹر روز نامہ اوصاف مہتاب خان کی والدہ وگروپ ایڈیٹر محسن بلال خان کی داد کے انتقال پر پریس کلب مصطفی آباد للیانی(رجسٹرڈ)، پاکستان میڈیا کونسل، یونین آف جرنلسٹ، انٹر نیشنل میڈیا فورم، الیکٹرنک میڈیا ایسوسی ایشن، ویلکن یوتھ ونگ، انجمن تاجران مصطفی آباد کا مشترکہ تعزیتی اجلاس صدر پریس کلب و آرگنائزر پاکستان میڈیا کونسل پنجاب محمد عمران سلفی کی زیر صدارت منعقد ہوا، اجلاس میںصدر انجمن تاجران بائو غلام رسول، صدر ویلکن یوتھ ونگ احمد جمال عارف،صدر یونین آف جرنلسٹ ڈاکٹر محمد اسلم انصاری، صدر الیکٹرنک میڈیا ایسوسی ایشن ارشد علی شامی، صدر پاکستان میڈیا کونسل مصطفی آباد چوہدری اصغر علی، شاہد عمر،اصغر علی شہزاد،سعید احمد بھٹی،محمد جمیل سندھو،عمر حیات خاں،بابا طارق مقبول،سردار ہارون اقبال سندھو ،عبدالقیوم ،چوہدری منظور احمد ،حافظ طاہر اقبال ،ارشد علی جوئیہ ،عمر شاہین ،چوہدری ہاشم علی ،رانا توقیر احمد،چوہدری منظور احمد ،رانا عرفان احمد ،محمد اکمل کھوکھر ،قیصر عباس ،محمد طاہر میو،نوید اشرف انصاری،عبدالمنان سلفی،عبدالرحمان انصاری،حاجی عبدالقادر،محمد عمران ،ذوالفقار علی ،احمد جمال عارف دیگر صحافیوں کی بڑی تعداد نے گہرے دکھ کا اظہار کرتے ہوئے مرحوم کیلئے مغفرت اور لواحقین کیلئے صبر کی دعا کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(محمد عمران سلفی سے) .ڈکیتی و رہزنی کی 32سنگین وارداتوں میں ملوث خطر ناک ڈاکو رانا امتیاز عرف امتیازی ساتھیوں کے فائرنگ سے ہلاک، ایک ڈاکو گرفتار، تین فرار، ڈی آئی جی کی طرف سے نقد ی و ڈی پی او قصور کی طرف سے تعریفی اسناد دینے کا اعلان،ملزمان راجہ جنگ،کوٹ رادھاکشن، مصطفی آباداور لاہور کے مختلف تھانوں کے حدود میں ڈکیتی و راہزنی کی وارداتیں کرتے تھے، فرار ملزمان کی گرفتاری کیلئے ٹیمیں تشکیل، ایس ایچ او طارق بشیر چیمہ کی مدعیت میں مقدمہ درج،تفصیلات کے مطابق دو موٹر سائیکلوں پر سوار پانچ افراد دفتوہ کی طرف جا رہے تھے کہ ناکہ پر موجود اہلکاروں نے رکنے کا اشارہ کیا تو ملزمان نے پولیس پر فائرنگ کرتے ہوئے دفتوہ کی طرف فرار ہو گئے، پولیس تھانہ مصطفی آباد نے مزید نفری طلب کرکے پیچھا کیا تو دفتوہ کے قریب ملزمان نے سٹرک کے دونوں طرف مورچہ زن ہو کر فائرنگ شروع کر دی، فائرنگ تھامنے پر پولیس نے فرار ہونے کی کوشش کرنے والے ایک ملزم غلام مرتضی کو گرفتار کر لیا، ساتھیوں کی فائرنگ سے شدید زخمی ہونے والے رانا امتیاز عرف امتیازی کو ہسپتال لیجایا جا رہا تھا کہ وہ راستے میں ہی دم توڑ گیا ، ملزمان کا پانچ رکنی گینگ راجہ جنگ،کوٹ رادھاکشن، مصطفی آباداور لاہور کے مختلف تھانوں کی حدود میں عرصہ داراز سے ڈکیتی و راہزنی کی وارداتیں کرتے تھے،پولیس کانسٹیبل کو بھی فائرنگ کرکے زخمی کر چکے تھے، پولیس مقابلہ میں حصہ لینے والے ایس ایچ او طارق بشیر چیمہ اور اس کی ٹیم کیلئے ایک لاکھ روپے نقد انعام اور ڈی پی او قصور سید علی ناصر رضوی کی طرف سے تعریفی اسناد دینے کا اعلان کیا گیا ہے، ایس ایچ او تھانہ مصطفی آباد طارق بشیر چیمہ کی مدعیت میںساتھی کو ہلاک کرنے اور پولیس پر فائرنگ کرنے والے فرار ملزمان اختر عرف اختری،سلیم تیلی، شوکت عرف شوکی کے خلاف 302.324.353.186.13.2a.15کی دفعات کے تحت مقدمہ درج کر لیا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) نا معلوم افراد نے اسلحہ کے زور پر شادی شدہ خاتون کو اغواء کر کے فرار، گھر سے نقدی و طلائی زیوارت بھی چوری کر لئے، مقدمہ درج ، تفصیلات کے مطابق نواحی گائوں سرہالی کلاں کے رہائشی جاوید اقبال کام کے غرض سے باہر گیا ہوا تھا کہ صدام ، لیاقت علی و ایک نا معلوم شخص کے ہمراہ گھر میں آْئے اور اسلحہ کے زور پر اس کی بیوی کو اغواء کر کے کیری ڈبہ میں ڈال کر فرار ہو گئے، جبکہ گھر سے طلائی زیورات و نقدی بھی چوری کر لئے، مقدمہ درج،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) ٹول پلازہ انتظامیہ کی طرف سے آور چارجنگ کا سلسلہ جاری، مقامی افرادکے ساتھ غنڈہ گردی کرنا معمول بن گیا، اعلی حکام سے فوری نوٹس لینے کا مطالبہ، تفصیلات کے مطابق ٹول پلازہ مصطفی آباد انتظامیہ کی طرف سے مزدہ ٹرک سے70روپے کی بجائے 120روپے لینے کا سلسلہ جاری رکھاہوا ہے، جبکہ مقامی افراد سے غنڈا گردی کرنا معمول بن چکا ہے، اہلیان مصطفی آباد نے اعلی حکام سے فوری نوٹس لیتے ہوئے ٹول پلازہ انتظامیہ کی آور چارجنگ اور غنڈا گردی بند کروانے کا مطالبہ کیا ہے

SHO Tariq Bashir

SHO Tariq Bashir

محمد عمران سلفی صدر پریس کلب مصطفی آباد للیانی رجسٹرڈ
0300-0334-7575126