کوٹلہ ارب علی خان (چوہدری فیصل گجر+مہر جلال شائق) پٹرولنگ پوسٹ کوٹلہ ارب علی خان میں کرائم سین کورس کا انعقاد کیا گیا ،کورس 18 اپریل سے 22 اپریل تک جاری رہا۔ سب انسپکٹراعجاز احمد کی موجودگی میں تمام آفیسران اور ملازمان نے کورس سے استفادہ حاصل کیا۔ اس موقع پر سب انسپکٹر اعجاز احمد نے صحافیوں سے گفتگو کرتے ہوئے کہا کہ اس طرح کے کورسز کا انعقاد کرتے رہنا چاہیے اس طرح کے کورسز سے ملازمان کی پیشہ وارانہ صلاحیتوں میں اضافہ ہوتا ہے ۔انہوں نے کہا کہ محکمہ کی طرف سے ایسے کورسز کا انعقاد اچھی کاوش ہے ہم امید کرتے ہیں کہ آئندہ بھی ایسے کورسز اور ورکشاپس کا انعقاد لازمی کیا جائے جس سے ملازمان کو آگہی اور صلاحیتوں میں نکھار آتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خاں (چوہدری فیصل گجر+مہر جلال شائق) قانون نافذ کرنے والے اداروں اور حکومت پنجاب کی طرف سے نو گو ایریا کی تفصیلات سامنے آنے سے ضلع گجرات کے جرائم پیشہ عناصر میں تھر تھلی مچ گئی ہے ،نو گو ایریا میں پاک فوج کے آپریشن کیے جانے کا امکان ظاہر کیا جا رہا ہے ۔ جن علاقوں کی تفصیلات سامنے آئی ہیں ان میں کوٹلہ، ککرالی، جابہ ، بولانی ،مدینہ سیداں، معین الدین پور سمیت دیگر دیہات شامل ہیں، یاد رہے کہ ایک نجی ٹی وی کے پروگرام میں بھی ان دیہات ذکر کیا گیا ہے ،ایسے دیہات ،جنگلوں ،بیلوں کے خلاف پاک فوج خصوصی آپریشن کرے گی اور اسکی فضائی نگرانی بھی کی جائے گی ،ضلع گجرات میں کسی بھی جگہ کو نو گو ایریا نہیں رہنے دیا جائے گا سماج دشمن عناصر ،چوروں ،ڈکیتوں،بھتہ مافیا، قبضہ مافیا کے خلاف آئندہ چند ہفتوں تک سخت آپریشن کے امکانات واضع ہو گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خاں (چوہدری فیصل گجر+مہر جلال شائق) انشاء اللہ بہت جلد کوٹلہ ارب علی خاں ماڈل ویلج کے قیام کیلئے میگا پراجیکٹ منظور کروایاجائے گا جس سے کوٹلہ ارب علی خاں کی خوبصورتی میں اضافہ ہوگا ان خیالات کا اظہارمسلم لیگ ن کے رہنما ملک نعیم اعوان رہسیاں نے کیا انہوں نے کہا کہ ایم این اے چوہدری عابد رضا ،چوہدری شبیر احمد ایم پی اے ،چوہدری تنویر احمد کوٹلہ ”کوٹلہ ماڈل ”کے خواب کو حقیقی جامہ پہنانے کیلئے بہت بڑا پراجیکٹ منظور کروا رہے ہیں جس سے کوٹلہ ارب علی خاں گرین بیلٹ،کوٹلہ میںسٹریٹ لائٹ ،کوٹلہ میں صفائی کے انتظامات ،ڈبل روڈ کے دونوں اطراف لوہے کے جنگلے ،لنگڑیال چوک ، مراڑیاں چوک کی خوبصورتی بھی شامل ہے انشا ء اللہ اس میگا پراجیکٹ کی جلد منظوری ہو جائے گی ،کوٹلہ ارب علی خاں سدوال رو ڈ،لنگڑیال روڈ ،پہاڑے روڈ ،مراڑیاں روڈ ،مین ڈبل روڈ ککرالی تا حسن پٹھان ایک ماڈل نمونہ پیش کریں گی ،انہوں نے مزید کہا کہ چیئرمین چوہدری تنویر احمد کوٹلہ عوام الناس کے مسائل ترجیح بنیادوں پر حل کر رہے ہیںانشاء اللہ ضلعی چیئرمینی کا سہر اچوہدری تنویر احمد کے سر سجے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خاں (چوہدری فیصل گجر+مہر جلال شائق) دیوار مہربانی تعمیر کرنے پر چوہدری شفقات عدالت کو خراج تحسین پیش کرتے ہیں ان خیالات کا اظہار سیکرٹری ڈیرہ چوہدری عبدالمالک چوہدری غلام مصطفی نے اپنے بیان میں کیا ۔ انہوں نے کہ یہ ایک بہت احسن اقدام ہے جس سے غریب لوگوں کے پہننے کے کپڑے مفت مہیا کیے جائیں گے۔کوٹلہ کے با شعورشہریوں نے اتنا احسن اقدام کیاہے جوکہ قابل صد تحسین ہے۔
اقبال ظفر جھگڑا کی ہدایت پر خویزئی بائیزئی بہائی ڈاگ مڈل سکول میں داخلہ مہم کا آغاز
پانامہ لیکس کی محاز آرائی سے ملک سیاسی و معاشی عدم استحکام کی طرف بڑھ رہا ہے، ناہید حسین