پارہ چنار (جیوڈیسک) کرم ایجنسی میں بارودی سرنگ کے دھماکے میں دس افراد جاں بحق اور بارہ زخمی ہو گئے ہیں۔
پارہ چنار کے علاقے گودر میں دہشتگردوں نے رات کی تاریکی کا فائدہ اٹھاتے ہوئے سڑک کے کنارے بارودی مواد نصب کیا تھا، پارہ چنار سے سدہ جانے والی مسافر وین جیسے ہی قریب پہنچی، دہشتگردوں نے ریموٹ کنٹرول سے دھماکا کردیا۔
پولیٹیکل انتظامیہ کے مطابق حادثہ اس وقت پیش آیا جب پاڑا چمکنی سے سدہ آنیوالی وین گودر کے مقام پر بارودی سرنگ سے ٹکرا گئی۔
پولیٹیکل انتظامیہ اور امدادی ٹیموں نے موقع پر پہنچ کر زخمیوں اور لاشوں کو سدہ ہسپتال منتقل کیا۔ جاں بحق ہونیوالوں میں ایک خاتون اور بچہ بھی شامل ہے۔
زخمیوں کو سدہ ہسپتال منتقل کر دیا گیا ۔ کرم ایجنسی میں ایک بار پھر دہشتگردی کی کارروائی ہوئی اور دہشتگردوں نے بارودی سرنگ کے ذریعے دھماکا کر دیا۔
بارودی سرنگ دھماکے کے بعد سیکورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
لاہور ہائیکورٹ کا 4 ماہ میں سوشل میڈیا سے توہین آمیز مواد ہٹانے کا حکم
فرانس، لے پین کا پارٹی کی قیادت سے علیحدگی کا فیصلہ