لاہور (جیوڈیسک) علامہ اقبال انٹر نیشنل ایئر پورٹ پر تعینات امیگریشن سے جعلی سفری دستاویزات پر دبئی جانے والے دو مسافروں کو حراست میں لیا گیا ہے۔
لاہور کے علامہ اقبال انٹرنیشنل ایئرپورٹ پرتعینات امیگریشن حکام نے نجی ایئرلائن کی پرواز کے ذریعے دبئی جانے والے 2 مسافروں کو جعلی دستاویزات پر گرفتارکرلیا ہے۔
امیگریشن حکام کا کہنا ہے کہ گرفتار کئے گئے ملزمان کے نام ناصراورجمشید ہیں اوریہ جعلی ویزہ پرمتحدہ عرب امارات جانے کی کوشش کررہے تھے، ملزمان کو حراست میں لے کران سے تفتیش شروع کردی ہے۔
واضح رہے کہ گزشتہ چند ماہ کے دوران ایف آئی اے کی جانب سے انسانی اسمگلرز اور جعلی دستاویزات سے بیرون ملک جانے والوں کے خلاف کڑی کارروائیاں عمل میں لائی گئی ہیں۔
شکار پور : خانپور کے کچے میں دوسرے روز بھی ڈاکوئوں اور پولیس میں مقابلہ
اورکزئی ایجنسی میں سیکیورٹی فورسز کی کارروائی؛ بھاری تعداد میں اسلحہ و بارودی سرنگیں برآمد