لاہور (جیوڈیسک) علامہ اقبال ایئرپورٹ پر تعینات اینٹی نارکوٹکس فورس نے بذریعہ کورئیر بیرون ملک ہیروئن اسمگل کرنے کی کوشش ناکام بنادی ہے۔
علامہ اقبال ایئرپورٹ پر کورئیرز کی بیرون ملک روانگی سے قبل جانچ پڑتال کے دوران اے این ایف حکام نے ہالینڈ بھجوائے گئے ایک مشکوک پارسل کو کھولا تو اس میں سے ہیروئن برآمد ہوئی۔اے این ایف حکام کا کہنا ہے وہاڑی سے بھجوائے گئے پارسل سے ملنے والی ہیروئن کا وزن ایک کلو گرام ہے اور اس کی مالیت بین الاقوامی مارکیٹ میں ایک کروڑ روپے سے زیادہ ہے۔
دوسری جانب وہاڑی پولیس نے اے این ایف کی اطلاع پر پولیس نے منشیات بھجوانے والے ملزم اورمحکمہ ڈاک کے کلرک کوگرفتارکرلیا۔
پی آئی اے کی کراچی سے لاہور جانے والی پرواز 16 گھنٹے تاخیر کا شکار
اپنوں سے ناراض ہو کر غیروں کے پاس نہیں جاتے، بھٹکنے والے واپس آ جائیں