لاہور (جیوڈیسک) وزیراعلی پنجاب شہباز شریف نے لاہور کے علامہ اقبال انٹرنیشنل ائیرپورٹ پرآئی ایل ایس تھری سسٹم کاافتتاح کردیا۔
وزیراعلی پنجاب شہبازشریف نے علامہ اقبال انٹرنیشنل ائیرپورٹ پر قطر کی حکومت کی جانب سے تحفے میں دیے گئے آئی ایل ایس تھری سسٹم کا افتتاح کردیا۔ آئی ایل ایس تھری سسٹم کے ذریعے شدید دھند کے دوران بھی جہاز ائیرپورٹ پرلینڈ کرسکیں گے۔
دوسری جانب سسٹم کے افتتاح کرنے کے بعد وزیراعلیٰ پنجاب سرکاری دورے پربرطانیہ روانہ ہوگئے جہاں وہ برطانوی حکام اورمختلف اداروں کے سربراہوں سے ملاقاتیں کریں گے جب کہ بیرون ملک مقیم پاکستانیوں سے بھی ملیں گے۔ اپنے دورے سے قبل ان کا کہنا تھا کہ پاکستان اور برطانیہ کے درمیان بہترین دوستانہ و معاشی تعلقات موجود ہیں اوراس دورے سے ان تعلقات کومزید تقویت ملے گی۔
کراچی : کورنگی انڈسٹریل ایریا کی ایک فیکٹری میں آگ لگ گئی
دہشت گردی مشترکہ چیلنج سے نمٹنے کیلیے ملکر کام کرنا ہوگا، افغان صدر