لاہور (جیوڈیسک) ایجرٹن روڈ پر واقع پی ٹی سی ایل کی بلڈنگ میں لگنے والی آگ پر 3 گھنٹوں کی محنت کے بعد قابو پا لیا گیا۔ ریسکیو ذرائع کے مطابق پی ٹی سی ایل کی بلڈنگ میں لگنے والی آگ یک دم پھیل گئی اور دیکھتے ہی چوتھی ،پانچویں اور چھٹی منزل کو اپنی لپیٹ میں لے لیا۔
پی ٹی سی ایل کی بلڈنگ میں لگنے والی آگ کے باعث شہر کے متعدد علاقوں میں پی ٹی سی ایل اور انٹر نیٹ سروس بھی معطل ہو گئی۔ ڈی سی او لاہورکیپٹن ریٹائرڈ محمد عثمان یونس کے مطابق بلڈنگ میں لگنے والی آگ سے کوئی جانی نقصان نہیں ہوا تاہم اس میں جلے سامان کا تخمینہ بعد میں لگایا جائے گا۔
مالا کنڈ ایجنسی، شانگلہ، مردان، پشاور اور گرد ونواح میں زلزلے کے جھٹکے
کراچی: جعلی کرنسی سے قربانی کے جانور خریدنے والے 4 ملزمان گرفتار