للیانی/ قصور کی خبریں 16/5/2016

Posted on May 16, 2016 By Mohammad Waseem سٹی نیوز

Lalyani

مصطفی آباد/للیانی (نامہ نگار) شارٹ سرکٹ کی وجہ سے لگنے والی آگ نے محنت کش کی زندگی بھر کی جمع پونجی راکھ بنا دی، ریسکیو ٹیموں کے پہنچنے تک ہر چیز جل چکی تھی، تفصیلات کے مطابق مصطفی آباد للیانی وارڈ نمبر دو کے رہائشی محنت کش بابا مہر دین قلفیاںوالا کے گھر میں شارٹ سرکٹ کی وجہ سے لگنے والی آگ کی زد میں آ کر بابا مہر دین کی بیٹی اور بہو کا جہیز سمیت گھر میں موجود اس کی زندگی بھر کی جمع پونچی راکھ کے ڈھیر میں تبدیل ہو گئی، ریسکیو ٹیموں کے پہنچنے تک سب کچھ جل چکا تھا، اہلیان مصطفی آباد کا کہنا ہے کہ اگر ریسکیو آفس مصطفی آباد میں ہوتا تو زیادہ نقصان سے بچا جا سکتا تھا، اہلیان مصطفی آباد کی طرف سے مصطفی آباد میں جلد از جلد ریسکیو آفس قائم کرنے کا مطالبہ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) پبلک سروس کمیشن کا نائب قاصد ملک محمد اکبر طویل علالت کے بعد انتقال کر گیا، تفصیلات کے مطابق مصطفی آباد للیانی کا رہائشی پبلک سروس کمیشن کا نائب قاصد ملک محمد اکبر طویل علالت کے بعد انتقال کر گیا ، مرحوم کو نماز جنازہ کے بعد بابا مٹھوہ شاہ والے قبرستان میں سپرد خاک کر دیا گیا، نماز جنازہ میں سیاسی وسماجی جماعتوں کے نمائندوں اور صحافیوں کی بڑی تعداد نے شرکت کی،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہریوں کی جا ن و مال اور عزت کی حفاظت ،کرائم کا خاتمہ اور عوامی خدمت پولیس کی پہچان ہو نی چاہیے ۔ڈی پی اوقصور
قصور (محمد عمران سلفی سے) شہریوں کی جان و مال اور عزت کی حفاظت ،کرائم کا خاتمہ ،عوام کیساتھ خوش اخلاقی اور عوامی خدمت پولیس کی پہچان ہو نی چاہیے ۔شہریوں کی جان و مال او رعزت کی حفاظت کی خاطر خون کا آخری قطرہ تک بہا دینے سے بھی دریغ نہیں کریں گے کیونکہ اللہ کو راضی کرنا ہے تو مخلوق خداکی خدمت کرو اس لیے ہمیں کریمنل اورجرائم پیشہ عناصر کیخلاف بہادری اور دلیری سے لڑتے ہوئے کیفر کردار تک پہنچا کر قانون کے کٹہرے میں لانا ہوگا ۔ ان خیالات کا اظہار ڈی پی اوقصور سید علی ناصر رضوی نے گزشتہ روز ڈسٹرکٹ پولیس لائن قصور میں منعقدہ پولیس دربار سے خطاب کرتے ہوئے کیا ۔اس موقع پر ایس پی انویسٹی گیشن بقاء محمد بگٹی ،ڈی ایس پی سٹی محمد اکرام خاں ،ڈی ایس پی صدر مرزا عارف رشید ،ڈی ایس پی چونیاں قدوس بیگ ،ڈی ایس پی پتوکی علی اختر انصاری ،ڈی ایس پی ہیڈ کوارٹر حسن دانیال بشیر ،ڈی ایس پی پٹرولنگ محمد طاہر وڑائچ،ٹریفک سٹاف اور حال ہی میں ریٹا ئرڈ ہونے والے پولیس افسران و ملازمان بھی موجود تھے ۔انہوں نے کہا کہ کرپٹ پولیس آفیسر اورجو جرائم پیشہ افراد کی پشت پناہی کرتے ہیں ان کو ہمیں اپنی صفوں سے باہر نکا ل دینا ہو گا کیونگہ یہ محکمہ پولیس کی بدنامی کا با عث ہیں ۔ انہو ں نے مزید کہا کہ پولیس کی وردی درحقیقت اللہ کی طرف سے دی گئی امانت ہے اور اس امانت کے متعلق جو بھی ذمہ داریاں ہیں وہ تمام ذمہ داری پوری کرنا ہوں گی تاکہ صحیح معنوں میں لوگوں کی خدمت کرسکیں۔ ڈی پی اوقصور نے پولیس کے جوانوں سے خطاب کرتے ہوئے مزید کہاکہ گزشتہ 9ماہ کے دوران قصور میںلو گوں کو تحفظ دینے کیلئے جتنی محنت ،جانفشانی اوردلیری سے پولیس کے جوانوں نے کام کیا ہے اس پر فخر محسوس کر تا ہوں اور قصور پولیس درحقیقت شاباش کی مسحق ہے ۔انہوں نے مزید کہا کہ قصور پولیس کے 28شہداء قوم کے ماتھے کا جھومر ہیں اور شہداء نے شہادت کے رتبہ پر فائز ہو کر جو تعلیمات دی ہیں ہمیں ان پر عمل پیرا ہوکرڈیوٹی عبادت سمجھ کر سرانجام دینا ہوگی ۔پولیس دربار کے دوران ڈی پی اوقصور نے ملازمین کے مسائل بھی سنے اور مسائل کے ازالہ کیلئے موقع پر ہی احکامات جا ری کیے۔پولیس دربار کے دوران ڈی پی اوقصور نے پھولنگر میں پولیس مقابلہ کے دوران بہادری کا مظاہرہ کرنے پرڈی ایس پی پتوکی علی اختر انصاری، ایس ایچ او حاجی اکرم اور انکی ٹیم کو تعریفی سرٹیفکیٹ اور نقد انعامات سے بھی نوازا۔ بعدازاں ڈسٹرکٹ پولیس لائن قصور میں پولیس کے جوانوں کو ظہرانہ بھی دیا گیا جس میں ڈی پی اوقصور ودیگر پولیس افسران نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (محمد عمران سلفی سے)معاشرے میں عائلی زندگی کا تصور ختم ہو نے سے سنگین نتائج برآمد ہو رہے ہیں ۔عورتوں کو آزادی کے نام پر بے حیائی کی دلدل میں دھکیلا جا رہا ہے ۔پاکستان کو امت مسلمہ کا سپہ سالار ہو نے کا شرف تو حاصل ہے مگر امریکہ کے اشاروں پر آج بھی اسلامی تشخص کی دھجیاں اُڑائی جا رہی ہیں۔ ان خیالات کا اظہارتحریک و فکرو عمل کے زیر اہتمام عید گا ہ صوفی عید گاہ میں تین روزہ درس قرآن میں پروفیسر سلیم اللہ اویسی، مفتی محمد صدیق ہزاروی اور مفتی محمد سعید رضوی آف فیصل آبادنے لوگوں وخواتین کی کثیر تعداد کو لیکچر دیتے ہوئے کیا ۔انہوں نے کہا کہ کیا ایسا ہو تا کہ مسلمان ایک پلیٹ فارم پر اکھٹے ہو کر قرآن کو اپنا مقصد حیات اور حضرت محمد مصطفیۖ کی زندگی کو مشعل راہ بنا لیں تو ہر سختی دور ہو جائے گی ۔ موجودہ دور میں جاری بد امنی ،افراتفری اور دہشت گردی کے حوالے سے اُنہوں نے کہا کہ پاکستان میں نظام حکومت ہی جس کی لاٹھی اسکی بھینس پر چل رہی ہے ہمیں مسلم اُمہ کے لیڈر ہو نے کا اگر فخر ہے تو اس فخر کو قائم رکھنے کیلئے اسلام کو بد نام کر نے والی قوتوں کیخلاف اُٹھ کھڑا ہو نا ہو گا تاکہ مسلمانوں کا تشخص قائم رہ سکے۔آج اگر بر ما ،میانمار اور دنیا کے دوسرے علاقوں میں مسلمانوں کو بے دردی سے قتل کر کہ انکی نسل کشی کی کو شش کی جا رہی ہے یہ امریکہ اور اسکے حواریوں کی گہری سازش ہے ۔اُنہوں نے مزید کہا کہ موجودہ صورت حال کو بھانپتے ہوئے اور مسلمانوں کی آپس میں تفرقہ بندیوں کو دیکھتے ہوئے تحریک و فکرو عمل قصور کے غیور طلباء اور خصوصا اس سے محبت رکھنے والے سابقین و دوستوں نے تین روزہ درس قرآن کا پرو گرام بنایا اس سے امن کو راستہ ملے گا ۔درس قرآن میں تحریک و فکرو عمل قصور کے عہدیداروں مفتی فیاض احمد، حافظ غلام مرتضی، سید نصرت عباس، ظفر علی بھٹہ ، حاجی محمدسعید بھٹہ ،محمد تنویر شاہد،نوید شاہد، ڈاکٹر اصغر نقشبندی ، حافظ محمد زمان و دیگر کی اس کا واش کو تمام احباب نے سراہتے ہوئے انکے اس عمل کواللہ تعالی قبول کر ے کی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (محمد عمران سلفی سے)نواحی علاقہ ہریے والا سے ایک معمر شخص کی نعش برآمد ۔پولیس تھانہ پھولنگر کو اطلاع ملی کی گاوں ہریے والا کے قریب سٹر ک کنارے ایک شخص 60/65سالہ شخص کی نعش پڑی ہے جس پر پولیس نے موقع پر جع کر نعش کو قبضہ میں لیکر اسے پوسٹمارٹم کے لئے پتوکی ہسپتال بھیج دیا ہے ۔ پولیس کے مطابق ملنے والی نعش کو شناخت تاحال نہیں ہو سکی ہے اور نہ ہی اس کے جسم پر کسی قسم کے نشان ہیں ۔قوی امکان ہے کہ اسکی ہلاکت ہارٹ اٹیک سے واقع ہوئی ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (محمد عمران سلفی سے)گردونواح میں ڈکیتی کی مختلف دو وارداتوں میں موٹرسائیکل سوار ڈاکووں نے دوکاندار اور سیل مین سے رقم لوٹ لی۔دیپالپور روڈ کچاپکا کے قریب دو موٹرسائیکل سوار ڈاکووں نے آئل فروخت کرنے والی وین کو روک کر سیل مین صدام حسین اور ڈرائیور محمد احمد سے چالیس ہزار کی رقم لوٹ لی اور فرار ہو گئے جبکہ کالج روڈ پتوکی میں واقع ایکشیشہ کی دوکان میں دو موٹرسائیکل سوار ڈاکو گئے اور گن پوائنٹ پر دوکان کے مالک ساجد علی سے چھ ہزار کی نقدی چھین کر فرا ہو گئے۔مقامی پولیس نے الگ الگ مقدمات درج کر لئے ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (محمد عمران سلفی سے)الہ آبادمقامی شادی ہال میں کسانوں کا ہنگامی اجلاس منعقد ہوا۔جس میں مختلف گائوں سے سینکڑوں کی تعداد میں کسانوں نے شرکت کی۔اور دوران تقریر مقررین نے حکومت وقت سے مطالبہ کیا کہ حکومت ہم کسانوں کواوور بلنگ ڈالنے سے گریز کرے ورنہ ہم چوہدری محمد انور صاحب کی قیادت میںحکومت کے خلاف دھرنے جاری رکھیں گے۔ تفصیلات کے مطابق مرکزی چئرمین چوہدری محمد انور نے اجلاس میں تقریرکرتے ہوئے کہا کہ ہم غریب اور مظلوم کسان ہیں اگر کسی واپڈا ملازم نے اوور بلنگ کی وجہ سے ہمارے کسی کسان بھائی کا میٹر کاٹنے کی کوشش کی توہم س کا ہاتھ کاٹ دیں گے۔اس کے علاوہ شریف برادران غورکر لیںکہ شوگر مل چونیاںکے حوالے سے شریف برادران کے رشتہ داروںنے ضلع قصور کے کسانوںکے پچھلے ڈیرھ سال سے ایک ارب دو کڑور کی جو رقم ہڑپ کر کے بیٹھ رہے ہیں ہم غریب کسان اس کا پورا پورا حساب لیں گے۔اور کسی کسان بھائی کے ساتھ حق تلفی نہیں ہونے دیں گے۔ اور انہوں نے کہا کہ میرے ضلعی صدر تبسم پرویز بھلڑ ،نائب صدر محمد احمد چھینہ، چئرمین پتوکی رانا ممتاز علی خان، تحصیل صدر حاجی محمد لوط،صدر لائر ونگ الیاس خان طاہر ایڈوکیٹ ہائی کورٹ ،چوہدری شمشادصاحب اورچئیرمین تحصیل چونیاںسردار محمد ارشد ڈوگر اٹاری آکیکے۔یہ سب میرے شیر کسان ہیں ضلع کی تمام تر ذمہ داری ان کی ہے ۔اور ہم 18/05/16بروز بدھ کو حکومت وقت کے خلاف اپنے جائز حقوق کیلئے اسمبلی ہال کے سامنے ایک بہت بڑا دھرنا دیں گے جس میں میری تمام کسانوں سے بھرپور شرکت کی اپیل ہے۔اس ہنگامی اجلاس میںسیاسی وسماجی شخصیات،محسن علی خان،ملک ذوالفقار اعوان،چوہدری امجد،محمد بلال،محمد احمد سندھو ایڈوکیٹ،صدر ٹریڈا نیک علی،صدر لنڈے منور علی سندھو،چوہدری اسحاق خان ایڈوکیٹ، جمیل وٹو،فیاض احمد، اور سینکڑوں کی تعداد میںلوگوں نے چوہدری محمد انورکی حمایت کرتے ہوئے حکومت کے خلاف دھرنے کا حلف اٹھایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور (محمد عمران سلفی سے)پاکستان مسلم لیگ ن لیبر ونگ میونسپل کمیٹی سٹی کنگن پورکے حوالے سے ایک اہم اجلاس چوہدری فیصل رضا خان صاحب ، چوہدری عبدالحمید خادم قصوری صاحب،ڈاکٹر عبدالغفور صاحب،مہر شوکت صاحب اور سردار محمد حسین ڈوگرصاحب کی قیادت میں منعقد ہوا۔تفصیلات کے مطابق ہاشم پورہ کنگن پور میںمسلم لیگ ن لیبر ونگ میونسپل کمیٹی کا اہم اجلاس منعقد ہوا۔جس میں چوہدری احسن رضا صاحب XMPAکی ہدایت پرنئے عہداداران میں ممبر سازی کی گئی۔اور ان کو نوٹیفکیشن بھی جاری کیے گئے۔ مسلم لیگ ن لیبر ونگ کیلئے ۔ضلعی صدرلیبر ونگPMLNسردار محمد ارشد ڈوگر صاحب،سٹی صدر لیبر ونگ PMLNریٹائرڈ سب انسپکٹر محمد عاشق صاحب اور سرپرست اعلی صفدر ساقی قرار پائے۔اور ان کو مبارکباد دیتے ہوے۔چوہدری یسین،چوہدری عبدالرحیم،ملک محمد علی کولو والے،ندیم فرد،عبدالستار آرے والے،محمد امداد،رانا عمر رئیس،چوہدری عمردراز،محمد اشرف،محمد عارف،نزیر حوالدار،مرزا افتخاراحمد،محمد شفیق، کونسلرمہر خادم حسین جج،مرزا رشید احمد،چوہدری بشیر احمد،محمد علی شاداب ،سابقہ کونسلر مہر شادصاحب ، چیئرمین غلام حسن،ریٹائرڈ رینجر غلام رسول،سیکرٹری اطلاعات محمد یسین، نے کہا کہ ہم سردار محمد ارشد ڈوگراور محمد عاشق صاحب کو دل کی گہرایوں سے مبارکباد دیتے ہیں اور ان سے توقع کرتے ہیں کہ سب عہداداران اپنی ذمہ داری بخوبی نبھائیں گے۔ اور ان کے علاوہ اہل علاقہ کے لوگوں نے سینکڑوں کی تعداد میں شرکت کرتے ہوئے مبارکباد پیش کی اور مٹھائی تقسیم کی گئی۔