مصطفی آباد/للیانی کی خبریں 27/4/2016

Yaqoob Nadeem Sethi Meeting

Yaqoob Nadeem Sethi Meeting

مصطفی آباد/للیانی (نامہ نگار) میں نے اپنے دور اقتدار میں مصطفی آباد میں ریکارڈ ترقیاتی کام کروائے ، 7کروڑ کی لاگت سے زیر تعمیر سٹیڈیم کو جون تک مکمل کرکے عوام کیلئے کھول دیا جائے گا ، ان خیالات کا اظہار ایم پی اے مسلم لیگ ن محمد یعقوب ندیم سیٹھی پریس کلب مصطفی آباد للیانی(رجسٹرڈ) میں صحافیوں سے گفتگو کر رہے ہیں، انہوں نے کہا کہ میں نے اپنے دور اقتدار میں مصطفی آباد میں ریکارڈ ترقیاتی کام کروائے جن کی ماضی میں مثال نہیں ملتی، جن میں 20کروڑ کی لاگت سے گلیاں ، نالیاں اور نالے شامل ہیں، 9کروڑ کی لاگت سے گزلز کالج، 7کروڑ کی لاگت سے سٹیڈیم جو جون میں عوام کیلئے باقاعدہ طور پر کھول دیا جائے گا جو ڈسٹرکٹ قصور کا مثالی سٹیڈیم ہو گا،4کروڑ کی لاگت سے ہائی سکول کی عمارت تیار کی جو ڈسٹرکٹ قصورمثالی عمارت ہے، کوئی بھی منسٹر آئے تو اسی عمارت کا دورہ کرتا ہے، متعدد سکولوں کو اپ گریڈ بھی کروا یا گیا ہے، صدر پریس کلب محمد عمران سلفی کے صحافی کالونی کے مطالبے پر انہوں نے کہا کہ صحافی کالونی کیلئے ہر پلیٹ فارم پر میں آپ کے ساتھ ہوں آپ کی آواز وزیر اعلی پنجاب تک پہنچائوں گا ، پریس کلب مصطفی آباد کے صحافیوں کیلئے صحافی کالونی کے حصول کیلئے ہر ممکن کوشش کی جائے گی، انشا اللہ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) نوید نامی شخص نے تین نا معلوم ساتھیوں کے ہمراہ اسلحہ کے زور پر 22سالہ(ع) کو اغواء کرلیا، خاتون سمیت چار افراد 12/13سالہ لڑکی (ف)کو اغواء کرکے لے گئے، نقدی و طلائی زیورات بھی چوری، مقدمات درج، تفصیلات کے مطابق نواحی گائوں بھلو کے رہائشی محمد طارق کے مطابق 23اپریل کو میری12/13سالہ ہمشیرہ (ف) گھر میں اکیلی تھی کہ عمران میو، سیف اللہ میو اور ثریا بی بی نے اسے اغواء کرلیا اور گھر سے 40ہزار روپے اور ساڈھے چار تولے طلائی زیورات لے کر سفید رنگ کی کار پر قصور کی طرف فرار ہو گئے، مصطفی آباد کے رہائشی محمد رمضان کے مطابق میری بیوی دوسری منزل پر سوئی ہوئی تھی کہ نوید نامی شخص تین نا معلوم ساتھیوں کے ہمراہ میری 22سالہ غیر شادی شدہ بیٹی (ع) کواسلحہ کے زور پر زبردستی اغواء کرلیا اور گھر سے ایک لاکھ 80ہزار روپے نقدی اور ساڈھے تین تولے طلائی زیورات بھی چوری کرکے ساتھ لے گئے، پولیس تھانہ مصطفی آباد نے محمد طارق اور محمد رمضان کی مدعیت میں الگ الگ مقدمات درج کرکے ملزمان کی تلاش شروع کر دی ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) نا معلوم چور واپڈا کی 762میٹر ڈاگ تار چوری کرکے فرار،18دیہات اندھیرے میں ڈوب گئے، مقدمہ درج، تفصیلات کے مطابق ایس ڈی او سب ڈویژن لیسکو مصطفی آباد ثاقب منور کے مطابق 25/26اپریل کی درمیانی رات نا معلوم چور بھلو برانچ سے57ہزار روپے مالیت کی 762میٹر ڈاگ تار چوری کرکے فرار ہو گئے، جس سے 18 دیہات کی بجلی بند ہو گی، جن میں پنوی، ورن، قادی ونڈ، گرین کوٹ، کتلوہی خورد،کتلوہی کلاں، ترگا، واڑہ دلیپ سنگھ، شمع آباد، رحمت آباد،بھلو ودیگر سرحدی دیہات شامل ہیں،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) پولیس ناکے پر منشیات فروش گرفتار ، دس لیٹر دیسی شراب بر آمد، مقدمہ درج، تفصیلات کے مطابق انچارج انویسٹی گیشن تھانہ مصطفی آباد محمد اسلم نے سرہالی کٹ پر ناکہ کے دوران نواحی گائوں لکھنیکے کے رہائشی منشیات فروش غلام عباس کو گرفتار کرکے اس کے قبضہ سے 10لیٹر دیسی شراب بر آمد کرکے اسے حوالات میں بند کر دیا،مقدمہ درج ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) رائے کلاں کے 15بجلی چوروں کے خلاف مقدمہ درج، تفصیلات کے مطابق بی آر بی سب ڈویژن لیسکو لاہور کے ایس ڈی او عبدالخلیل کی مدعیت میںنواحی گائوں رائے کلاں سے بجلی چوری کرنے والے قاری واجد علی، محمد وحید،محمد امجد، محمد شکیل، مقصود ، نصیب خان،عابد علی، رحمت، محمد حنیف،سلیمان، شاہد علی، زاہد علی، محمد اعظم، لیاقت علی اور ارشدکے خلاف مقدمہ درج،

محمد عمران سلفی صدر پریس کلب مصطفی آباد للیانی رجسٹرڈ
0300-0334-7575126