مصطفی آباد/للیانی (نامہ نگار) ایس ایچ او تھانہ مصطفی آباد طارق بشیر چیمہ کی پریس کلب مصطفی آباد آمد، بہترین خدمات پر شیلڈ دی گئی،صحافیوں کی مثبت تنقید ہمارے لئے مشعل راہ ہے، 20روز میں 28منشیات فروش، 12 اشتہاری، 18 افراد ناجائز اسلحہ رکھنے میں جرم میں گرفتار ہو چکے ہیں،طارق بشیر چیمہ کی صحافیوں سے گفتگو، تفصیلات کے مطابق ایس ایچ او تھانہ مصطفی آباد طارق بشیر چیمہ کی پریس کلب مصطفی آباد للیانی(رجسٹرڈ) آمد، شاندار استقبال، ایس ایچ او تھانہ مصطفی آباد نے صحافیوں سے گفتگو کرتے ہوئے کہا کہ میں نے اپنے گزشتہ 20روز میں 28منشیات فروش، 18افراد ناجائز اسلحہ رکھنے والے افراد، 12خطر ناک اشتہاریوں کو گرفتار کرکے انہیں جیل بھیج چکا ہوں، مجھے ڈی پی او قصور سید علی ناصر رضوی نے منشیات فروشوں، جواریوں، سود خوروں کے خلاف مشن دے کر بھیجا ہے، انہیں کیفر کردار تک پہنچانے کیلئے صحافی اور شریف شہری ساتھ دیں، سود خور مجبور افراد کی مجبوریوں کا فائدہ اٹھاتے ہیں، جبکہ نشئی نشیہ نہ ملنے پر اور جواری رقم ختم ہونے پر چوری ، ڈکیتی اور راہزنی ودیگر جرائم کرتے ہیں، پریس کلب مصطفی آباد کی طرف سے ایس ایچ او تھانہ مصطفی آباد طارق بشیر چیمہ کو منشیات فروشوں کے خلاف کریک ڈائون کرنے پر شیلڈ دی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) سرہالی روڈ پرموٹر سائیکل اور ٹرالی ٹریکٹر میں تصادم، دو افراد جاں بحق، ایک شدید زخمی، تفصیلات کے مطابق چھٹیانوالہ کے رہائشی محمد رفیق، محمد نعیم اور اشرف موٹر سائیکل پر مصطفی آباد کی طرف سے آ رہے تھے کہ سامنے سے آنے والی ٹرالی ٹریکٹر سے ٹکرا گئے جس کی وجہ سے محمد رفیق اور محمد نعیم موقع پر جاں بحق ہو گئے جبکہ اشرف شدید زخمی ہو گیا جسے فوری طور پر جزل ہسپتال لاہور ریفر کر دیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمام مسلمان حضورۖ کی آمد پر آپۖ کے اسوہ حسنہ کو اپنانے کا عہد کریں: میاں محمد وقاص صدیق نقشبندی
مصطفی آباد/للیانی(نامہ نگار) تمام مسلمان حضورۖ کی آمد پر آپۖ کے اسوہ حسنہ کو اپنانے کا عہد کریں،حضورۖ کی آمدسے کائنات کا رنگ بدلہ، بہار اتری،موسم بدلے، جن کی آمد سے دنیا کی ہر چیز بدلی، جن کی ولادت دنیا والوں کیلئے سب سے بڑی خوشی لائی، ان خیالات کا اظہار علامہ میاں محمد وقاص صدیق نقشبندی پرنسپل جامعہ گلزار حبیب حبیب نگر مصطفی آباد نے جامع مسجد سقیاں والی میںاستقبال ربیع الاول کے حوالے سے منعقدہ تقریب سے خطاب کرتے ہوئے کیا۔انہوں نے مزید کہا کہ حضرت محمدۖ نے مسلمانوں کو آپس میں ملتے وقت اسلام و علیکم کہنے کا حکم دیا ہے، اسلام و علیکم کہہ کر ہاتھ ملانے والے کا ہاتھ بعد میں جدا ہوتا ہے اللہ تعالی گزشتہ تمام گناہ معاف فرما دیتے ہیں، مسلمان جب بھی آپس میں ملیں جانتے ہوں یا نہ جانتے ہوں آپس میں سلام کیا کریں، تقریب میں میاں ظفر حسین چشتی، حافظ محمد وحیدقادری، حافظ القاری محمد وفیاض سعیدی، حافظ محمد جہانگیرقادری، محمد سرور قادری ، حافظ غلام رسول قادری، حاجی ظفر، محمد عمران سلفی صدر پریس کلب مصطفی آباد للیانی(رجسٹرڈ)، عمر شاہین ودیگر نے شرکت کی
محمد عمران سلفی صدر پریس کلب مصطفی آباد للیانی رجسٹرڈ
0300-0334-7575126
بدین جماعت اسلامی کی جانب سندھ اسمبلی میں اسلام قبول کرنے پر پابندی کے بل کے خلاف احتجاجی ریلی
زمین ڈاٹ کام کی دسویں سالگرہ کی تقریبات، ملک بھر کے دفاتر میں جشن کا سماں