مصطفی آباد/للیانی (محمد عمران سلفی سے) نامعلوم کار کی ٹکر سے چوکی بیدیاں میں تعینات محمد اکبر اے ایس آئی جاں بحق، محمداکبر اے ایس آئی اپنی موٹر سائیکل پر قصور سے واپس مصطفی آباد کی طرف آ رہا تھا کہ پکی حویلی کے قریب نا معلوم کار کی ٹکر سے شدید زخمی ہو گیا، بعد ازاں ہسپتال میں زخموں کی تاب نہ لاتے ہوئے زندگی کی بازی ہار گیا، تفصیلات کے مطابق 14ماہ سے تھانہ مصطفی آباد کی پولیس چوکی بیدیاں میں تعینات قصور کا رہائشی محمد اکبر اے ایس آئی گزشتہ روز ایس پی انویسٹی گیشن قصور کے پیش ہو کر موٹر سائیکل پرواپس مصطفی آباد کی طرف آ رہا تھا کہ پکی حویلی یوٹرن کے قریب نا معلوم کار نے ٹکر مار دی جس سے وہ شدید زخمی ہو گیا جسے فوری طور پر ڈسٹرکٹ ہسپتال قصور ریفر کر دیا گیاجہاں سے انہیں جزل ہسپتال لاہور ریفر کیا گیا لیکن وہ زخموں کی تاب نہ لاتے ہوئے جاں بحق ہو گیا، محمد اکبر اے ایس آئی 14ماہ کے قریب پولیس چوکی بیدیاں میں تعینات رہے، انہوں نے محکمہ پولیس میں 28سال تین ماہ ڈیوٹی کی،مرحوم نے سوگواروں میں چھ بیٹیاں چھوڑی ہیں، کزن مشتاق احمد کی درخواست پر مقدمہ درج،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)ابرار بھٹی نے یونین کونسل دفتوہ سے بطور چیئرمین الیکشن لڑنے کا اعلان کر دیا،مجھے مسعود احمد بھٹی گروپ کی مکمل حمایت حاصل ہے تحریک انصاف کے پلیٹ فارم سے الیکشن میں حصہ لیکر بھاری اکثریت سے کامیابی حاصل کروں گا، ابرار بھٹی کی صحافیوں سے گفتگو، تفصیلات کے مطابق مسعود احمد بھٹی شہید کے بھتیجے ابرار بھٹی نے یونین کونسل دفتوہ سے بلدیاتی الیکشن میںچیئرمین کا الیکشن لڑنے کا اعلان کرتے ہوئے کہا کہ مجھے مسعود احمد بھٹی شہید اور چوہدری فرغام گروپ کی مکمل حمایت حاصل ہے، بلدیاتی الیکشن میں تحریک انصاف کے پلیٹ فارم سے الیکشن میں حصہ لوں گا اور تبدیلی کے نعرے کو عملہ جامہ پہنائوں گا، مجھے یونین کونسل دفتوہ کے عوام کی بھر پور حمایت حاصل ہے بھاری اکثریت سے کامیابی حاصل کرکے عوام کے درینہ مسائل ان کی دہلیز پر حل کرنے کی ہر ممکن کوشش کروں گا، عوام بلدیاتی الیکشن میں میرا ساتھ دیں میں کامیابی حاصل کرکے ان کی بھر پور خدمت کروں گا،یونین کونسل دفتوہ کو عرصہ داراز سے نظر انداز کیا جا رہا تھا ، اب عوام کے مسائل ان کی دہلیز پر حل ہونے کا وقت آ گیا ہے، عوام کو کبھی مایوس نہیں کروں گا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)عیدی نہ دینے پر ٹریفک پولیس کے تھانیدار و اہلکاروں نے مزدہ ڈرائیور کو تشدد کا نشانہ بنا ڈالا، موبائل فون بھی توڑ دیا،دو گھنٹے تک اپنی گاڑی میں لیکر بیٹھائے رکھا، سبزی بر وقت منڈی نہ پہنچنے پر ہزاروں روپے کا نقصان،فوری کاروائی کا مطالبہ ، تفصیلات کے مطابق مزدہ ٹرک نمبری LES2350سبزی لیکر لاہور کی طرف جا رہا تھا کہ اسٹیل باغ کے قریب ٹریفک پولیس کے اے ایس آئی اسلم نے کاغذ چیک کرنے کے بہانے روک کر رشوت طلب جی، جس پر ڈروائیور محمد نوید نے سو روپے روشوت دے دی، جس پر ٹریفک پولیس کے تھانیدار نے کہا کہ ہم ساتھ عیدی بھی وصول کر رہے ہیں اس لئے دو سو روپے دو، جس پر محمد نوید نے سو روپے پھینک کر گاڑی بھگا دی، ٹریفک پولیس کے اے ایس آئی اسلم، ودیگر اہلکاروں سیف اللہ، یٰسین شاہ ودیگر نے گاڑی کا پیچھا کیا اور بھلو کے قریب جا کر گاڑی روک کر ڈرئیور کو تشدد کا نشانہ بنانا شروع کر دیا اور موبائل فون بھی توڑ دیا، بعد ازاں دو گھنٹے تک اپنی گاڑی میں بیٹھائے رکھا جس سے سبزی لیٹ منڈی پہنچنے پر انہیں 20ہزار روپے کا نقصان پہنچا، مزدہ کے مالک ساجد اقبال جٹ اور ڈروئیور محمد نوید نے اعلی حکام سے فوری نوٹس لینے کا مطالبہ کیا ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار)سرہالی کلاں پل پر ناکہ زن تین نا معلوم ڈاکوئوں نے اسلحہ کے زور پر افضال سے ہزاروں روپے نقدی وموبائل فون چھین کر فرار، تفصیلات کے مطابق گزشتہ رات سرہالی کلاں نہر والے پل پر ناکہ زن تین نا معلوم موٹر سائیکل سوار ڈاکوئوں نے اسلحہ کے زور پر مصطفی آباد للیانی کے رہائشی افضال سے ہزاروں روپے نقدی وموبائل فون چھین کر فرار ہو گئے،
محمد عمران سلفی صدر پریس کلب مصطفی آباد للیانی رجسٹرڈ
0300-0334-7575126
تلہ گنگ کی خبریں 26/6/2015
پیرمحل کی خبریں راحیل گجر سے 26/06/2015