گلیانہ (زاہد مصطفی اعوان) لینڈ ریکارڈ سنٹر کھاریاں میں فرد کے حصول کے لئے سائلین خوار ہونے لگے۔ بتایا جاتا ہے کہ ضلع کی اہم تحصیل کھاریاں جہاں کے ہزاروں افراد بیرون ملک مقیم ہیں اور کروڑوں روپے ماہانہ زرمبادلہ بھتیجے ہیں وہاں اراضی ریکارڈ سنٹر انتہائی بدحالی کا شکار ہے عملہ لوگوں سے تعاون نہیں کرتا۔ دور دراز سے آنے والے سائلین گھنٹوں قطار میں لگنے پر مجبور ہوتے ہیں مختلف دیہات سے آنے والے سائلین رات کو ہی بستر لے کر ریکارڈ سنٹر میں پہنچ جاتے ہیں تاہم صبح بھی تاخیر سے ان کی باری آتی ہے انہوں نے چیف جسٹس اور وزیراعلیٰ سے نوٹس لینے کا مطالبہ کیا ہے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
گلیانہ (زاہد مصطفی اعوان ) الیکشن کمیشن آف پاکستان کی طرف سے نئی حلقہ بندیوں کے بعدقومی اسمبلی کے حلقوں کے نمبربھی تبدیل ہوجائیں گے ،حلقہ این اے 104نئے نمبرکے مطابق این اے 88ہوجائے گا،این اے 105اب این اے 89،این اے 106اب این اے 90اور این اے 107اب این اے 91ہوجائے گا۔1985کے انتخابات میں لالہ موسیٰ حلقہ این اے 49کاحصہ تھابعدمیں این اے 82ہوگیا ، مشرف کے دورمیں ہونے والے الیکشن میں این اے 106ہوگیااور اب وزیراعظم شاہدخاقان عباسی کے دورمیں یہ حلقہ این اے 90ہوجائے گا،این اے 107کے این اے 91میںتبدیل ہونے سے اس حلقہ کی افادیت بڑھ جائے گی ۔کیونکہ اس حلقہ میں صدر پاکستان مسلم لیگ ن ملک محمد حنیف اعوان ۔صدر پی ٹی آئی گجرات چوہدری محمد الیاس ۔اور صدر پاکستان پیپلز پارٹی گجرات ضیاءمحی الدین کا تعلق بھی اسی حلقہ سے ہو گا ،جو قومی اسمبلی کے الیکشن میں حصہ لینے کے لئے پر تول رہے ہیں ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
گلیانہ (زاہد مصطفی اعوان )پولیس کی شاندار کارکردگی بارہ دن گزرنے کے باوجود پولیس تھانہ ککرالی اغواءکے ملزمان کو گرفتار کرنے میں ناکام تفصیل کے مطابق 08/02/2018کوتیمور ولد ریاض قوم گجر سکنہ شاہ جہانیاں اور اس کے ساتھیوں نے محمد عاطف شہزاد ولد بہادر خان قوم اعوان سکنہ پہاڑے کواسلحہ کے زور پر اغوا کر کے لے گئے اور شدید تشدد کے بعد زخمی حالت میں ماجرا پلی کے نزدیک پھینک گئے ۔عاطف شہزاد تاحال ذہنی طور پر اپ سیٹ ہے ۔پولیس تھانہ ککرالی نے اس واقع کی ایف آئی آر درج کر لی ہے ۔تاحال ملزمان کو گرفتار کرنے میں ناکام ہے ۔ملک بہادر خاں اعوان نے وزیر اعلی پنجاب ۔ڈی پی او گجرات سے اپیل کی ہے کہ اغواءکاروں کو گرفتار کیا جائے اور انہیں قرار واقعی سزا دے کر انصاف کا بول بالا کیا جائے۔
پیرمحل کی خبریں 20/2/2018
الخدمت فاؤنڈیشن کے پروگرام ’’صاف پانی‘‘ کا سالانہ بورڈ اجلاس میں منعقد ہوا