لیہ کی خبریں 7/11/2016

Layyah

Layyah

لیہ : صدر تحریک لبیک یارسول اللہ لیہ شہر مولانا محمد وسیم شہزاد الباروی نے تنظیم کے ایک اجلاس سے خطاب کرتے ہوئے کہا ہے کہ حکومت پاکستان آسیہ ملعونہ سمیت تمام گستاخان رسول کوسرعام پھانسی دے۔دنیاکی زندگی ،آرام ،آسائش سب فانی ہیں ۔ہمیں آخرت کی فکرکرنی چاہیے۔حکمرانوںکوبھی اپنے اقتدارسے زیادہ آخرت کی فکرکرنی چاہیے۔اجلاس میں ایک قرارددادکے ذریعے حکومت پاکستان سے مطالبہ کیا کہ انڈین چینلز پرپابندی پر سختی سے عمل کرایاجائے ،فحاشی، عریانی، حیاسوزپروگرامزبندکرکے اسلامی طرزاورتاریخ اسلام پرمبنی پروگرام نشرکیے جائیں، اجلاس کے شرکاء نے حکومت وقت سے مطالبہ کیا ہے کہ پی ٹی وی پر روزانہ پانچ وقت کی اذان دی جائے۔اجلاس میں تحریک لبیک یارسول اللہ کے قائدین کی دینی، ملی، سیاسی کاوشوںکو خراج تحسین پیش کیاگیا۔ تحریک لبیک یارسول اللہ کے مطالبے پریوم اقبال کی چھٹی کی بحالی پرپوری قوم کومبارکبادپیش کی گئی۔اجلاس میں علماء اہلسنت نے کثیرمیں تعدادمیں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ : جامع مسجدجنڈ والی میںمنعقدہ محفل میلادمصطفی سے خطاب کرتے ہوئے پریس سیکرٹری تنظیم آئمةالمساجد جماعت اہلسنت محمدصدیق پرہارنے کہا ہے کہ اللہ کی رضا کی نشانی مال ودولت نہیں نیک اعمال ہیں۔شیخ کاشف سجاد، عبدالرشیدخان، طاہراقبال، کامران چشتی، ملک ظفراقبال، عبدالقیوم صابری اوردیگرنعت خوانوںنے ہدیہ نعت پیش کیا۔محمدصدیق پرہارنے خطاب کرتے ہوئے کہا کہ جس کے پاس دولت ہو، بڑی سی کوٹھی ہو، جائیدادیںہو، وسیع کاروبارہو لوگ کہتے ہیںکہ اس شخص پراللہ راضی ہے، یہ اللہ کی رضاکوکوئی معیارنہیں ہے۔ اللہ اس شخص پرراضی ہے جو نمازاداکرتاہے، روزے رکھتا ہے، صدقہ خیرات کرتاہے، محافل میلادمیں شرکت کرتا ہے،محافل میلادمنعقدکراتاہے۔استطاعت ہوتوزکواة اداکرتا ہے ، حج کرنے جاتاہے،غریب مسکین اورضرورت مندوں کی مددکرتے ہیں۔محفل میلادمصطفی میں عوام الناس نے کثیرتعدادمیں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیہ : علم جفر کے طالب علم محمدرضوان رضوی نے میڈیاسے بات چیت کرتے ہوئے کہا ہے کہ انہوںنے علم جفرکی مددسے یہ پشین گوئی کی ہے کہ پاکستان میں آئندہ حکومت بھی مسلم لیگ ن بنائے گی اورنوازشریف ہی اگلے وزیراعظم ہوں گے۔ انہوںنے گفتگوکرتے ہوئے مزیدکہا کہ انہوںنے دیگرسیاسی پارٹیوں اوران کے قائدین کے بارے میں بھی یہ جاننے کی کوشش کی کیاان کی حکومت بھی بن سکتی ہے یانہیں مگراس کاجواب منفی ہی آیا۔انہوںنے کہا کہ یہ صرف میری کوشش ہے اصل علم تواللہ کے پاس ہے کہ آئندہ حکومت کون سی سیاسی جماعت بنائے گی اورکون سی شخصیت وزارت عظمیٰ کے عہدے پر فائز ہوگا۔