فیصل آباد : انجمن تاجران منٹگمری بازار کے صدر و صوبائی رہنما مسلم لیگ (ن) حافظ طاہر جمیل میاں نے کہا ہے کہ ایک بین الاقوامی آڈٹ کمپنی نے وزیراعظم میاںنواز شریف کے گوشواروں کو ہر طرح سے قانونی قرار دیکر مخالفین کی حقیقی معنوں میں بولتی بند کر دی ہے ،اب مخالفین کو بھی چاہیے کہ وہ فضول کا واویلا کرنے کی بجائے عدالتوں کے فیصلوں کا انتظار کرے اگر وہ ایسا کرینگے تو یہ جمہوریت کی بہت بڑی خدمت ہو گی جو وہ شاید کرنا ہی نہیں چاہتے ،انہوں نے کہا کہ جس بین الاقوامی کمپنی نے ہمارے قائد کے گوشواروں کو درست قرار دیا اس کمپنی کا کبھی زندگی میں شریف برادران کے ساتھ کوئی رابطہ یا لین دین نہیں رہا ،مگر اس کمپنی نے حق سچ کی بات کرکے پاکستان میں پائی جانے والی فضول کی کنفیوژن کو دور کر دیا ہے ،یہ بھی ثابت ہوگیا کہ شریف برادران حقیقی معنوں میں محب وطن اور قوم پر جان چھڑکنے والے لیڈر ہیں ،انہوں نے کہا کہ پاناما لیکس ایک بلا جواز ہی لڑائی ہے جسے چند لوگوں نے اپنے مفادات کی خاطر ہوا میں ضرورت سے زیادہ اڑائی ہوئی ہے جس کا کوئی بھی نتیجہ ایس انہیں نکلے گا جس سے ملک و قوم کو کوئی نقصان پہنچ سکتا ہو،میاں محمد نواز شریف نے کبھی یہ نہیں کہا کہ مریم نواز ان کی کفالت میں نہیں رہیں تا ہم شادی ہونے کے بعد وہ اپنے میاں کی کفالت میں چلی گئیں اور یہ اکیلی مریم نواز ہی نہیں بلکہ پاکستان میں بسنے والی جس بھی بیٹی نے شادی کروا لی ہوتی ہے تو وہ اپنے باپ کے زیر کفالت میں نہیں رہتی ،اس لیے یہ ایسا معاملہ نہیں جسے ہوا میں بلا جواز اچھالا جا سکے ،لہذا مخالفین خدا کو خوف کریں اور غیر جانبدار افراد کی باتوں پر کان دھرتے ہوئے جھوٹے بے بنیاد اور لغو الزامات لگانے کا سلسلہ بند کر دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : امیدوار برائے ٹیکنو کریٹ سیٹ میونسپل کارپوریشن فیصل آباد فیصل علی رانا نے گزشتہ روز پی پی 67کے چیئرمینز سے ملاقات کی اور انہیں اپنے منشور بارے اعتماد میں لیا ،چیئرمینز سے گفتگو کرتے ہوئے شفاعت علی رانا نے کہا کہ میری کامیابی کے بعد انشاء اللہ فیصل آباد میں تعمیر و ترقی کا ایک نیا دور شروع ہو گا ،جس کے بعد اس صنعتی شہر کی محرومیوں کا حقیقی معنوں میں خاتمہ شروع ہو جائے گا ،اور لوگوں کا معیار زندگی حیرت انگیز حد تک بلند ہو جائے گا ،انہوں نے کہا کہ ہم کسی ذاتی مفادات کیلئے نہیں بلکہ اس شہر کے وسیع تر مفادات میں میدان عمل میں نکلے ہیں اوراپنے مشن کی تکمیل تک چین سے نہیں بیٹھیں گے فیصل آباد کو مسائل کی دلدل سے نکال کر ترقی یافتہ ڈویژنز کی صف میں لا کھڑا کرنا اور ہم اس مشن پر مرتے دم تک قائم رہیں گے ،اس موقع پر پی پی 67کے چیئرمینز نے متفقہ طور پر فیصل علی رانا کی حمایت کا اعلان کرتے ہوئے انہیں یقین دلایا کہ یہ حمایت صرف لفظی نہیں بلکہ عملہ ہو گی اور ہم عملی طور پر آپ کی کامیابی کیلئے دن رات ایک کر دینگے،انہوں نے کہا کہ آپ خاندانی مسلم لیگی ہیں اور ہمارے قائد میاںمحمد نواز شریف کے تمام دیرینہ ساتھی اس بات کی گواہی دیتے ہیں کہ آپ نے ہمیشہ دامے ،درمے ،سخنے پارٹی کا ہر آڑے وقت میں ساتھ دیا اور کبھی سے منجھدار میں نہیں چھوڑا،اس لیے ہمارے ووٹ کے حقیقی حقدار آپ ہی ہیں اور یہ ووٹ دیکر ہم آپ کو آپ کا حق لوٹا ئیں گے آپ پر یہ ہمارا کوئی احسان نہیں ہو گا کیونکہ حق دار کو اس کا حق لوٹانا ہر مسلمان پر فرض ہو تا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پاکستان تحریک انصاف سٹی کے سینئر نائب صدر رانا جاوید اشرف نے کہا ہے کہ ہمارا موقف بالکل درست ہے کہ میاںنواز شریف اوران کی فیملی نے قومی خزانے میں بری طرح نقب زنی کی ،جس کے نتیجہ میں ہمارا پیا را وطن ہر سطح پر مقروض ہوا اورا س کی سزا آج پوری قوم بدترین مہنگائی کی شکل میں بھگت رہی ہے ،انہوں نے کہا کہ جس کمپنی نے ان شریفوں کے اثاثوں بارے اپنی رپورٹ پیش کی ہے ہم اس کمپنی کو ہی تسلیم نہیں کرتے کیونکہ ابھی وہ رپورٹ ہمارے قومی اداروںنے نہیں پڑی تھی کہ یہ کمپنی شاہ سے زیادہ شاہ کی وفادار بنتے ہوئے نہ جانے کہاں سے اچانک منظر عام پر آئی اور چوروں و ڈاکوئوں کی صفایاں پیش کرنے لگی ،ہمارا صرف ایک سوال ہے کہ اس کمپنی کے جو بھی کرتا دھرتا ہیں وہ بتائیں کہ کیاان سے کسی نے اس بارے کوئی معاونت مانگی تھی؟انہوں نے کہا کہ یہ بات ثابت ہونے میں اب زیادہ دیر نہیں لگے گی کہ حکمرانوں نے نہ صر ف موجودہ دور بلکہ سابقہ ادوار میں بھی ڈکیتی اور چوری کی ہے ،جس کے نتیجہ میں ہم ہر سطح پر مقروض ہوئے جبکہ ہمارے آنے والے بچے بھی مقروض پیدا ہونے لگے ہیں،انہوں نے کہا کہ تحریک انصاف نے وطن عزیز میں مساوات اور ایک جیسا قانون انصاف کو لاگو کرنے کا جو تہیہ کر رکھا ہے وہ اللہ کی مدد و نصرت سے انشاء اللہ پورا ہو گا۔جس دن تحریک انصا ف اقتدار سنبھالے گی اسی دن لوگوں کو تبدیلی نظر آنے لگے گی یہی ہماری سب سے بڑھی اور بہترین کامیابی ہو گی اس کامیابی کے حصول کیلئے ہمیں سڑ دھڑ کی بازی بھی لگانا پڑی تو کسی صورت گریز نہیںکرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد (سٹی رپورٹر) پی پی 67کی ممتاز سیاسی و سماجی شخصیت چوہدری نجف ضیاء وڑائچ نے کہا ہے کہ پاناما لیکس کا معاملہ ملک کی اعلیٰ ترین عدلیہ میں چلے جانے کے بعد امید ہے کہ ملکی خزانے میں نقب زنی کرنے والے چاہے وہ کوئی بھی ہو بے نقاب ہونگے اور عوام ان کا چہرہ اچھی طرح پہچان لیں گے،جس کے نتیجہ میں لوگوں کو آئندہ اپنے نمائندے چننے میں انتہائی آسانی پیدا ہو گی ،لوگوں کو اس بات سے کوئی غر ض نہیںکہ چور کون ہے مگر اس بات سے غرض ضرور ہے کہ چور جو کوئی بھی ہے وہ سامنے ضرور آنا چا ہیے ،تا کہ اس سے آئندہ کیلئے محتاط رہاجاسکے،انہوں نے کہا کہ اصولی و اخلاقی طور پر جب بھی احتساب کاعمل شروع کیا جائے تو یہ حکمرانوں سے ہی شروع ہونا چاہیے کیونکہ اقتدار عوام کی امانت ہوتا ہے،احتساب کے نتیجہ میں یہ معلوم ہو جاتا ہے کہ حکمرانوں نے عوام کی امانت میں کوئی خیانت تو نہیںکی اگر خدانخواستہ کسی بھی جگہ خیانت ثابت ہوجائے تو عوااپنی امانت واپس لینے کے حقدار ہوتے ہیں،میاںنواز شریف بھی بھاری مینڈیٹ لیکر اقتدار میں آئے ہیں یہ مینڈیٹ انہیں عوام نے دیا ہے اس لیے وہ عوام کی خاطر بلا خوف وخطر اور لعیت و لعل سرنڈر کر دیں اور سٹیپ ڈائون کر کے اپنی ہی پارٹی میں سے کسی اور کو اوپر بٹھا دیں اور جس کو بٹھائیں اس کا ریموٹ کنٹرول بھی اپنے پاس نہ رکھیں تا کہ مکمل غیر جانبدار انہ احتساب ہو سکے اگر وہ احتساب کی چکی سے صیح سلامت نکل آئے تو پھر اقتدار سنبھالیں اور موجیں کر یں انہیں پوچھنے والا کوئی نہیںہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : پاکستان پیپلز پارٹی پی پی 71کے ٹکٹ ہولڈر چودھری عدیل تاج نے بلاول زرداری کے دورہ جنوبی پنجاب کے موقع پر عوام کی جانب سے والہانہ استقبال کو حقیقی تبدیلی قرار دیتے ہوئے کہا کہ ہمارے لیڈر عوامی رابطہ مہم پر نکل چکے ہیں وہ اب لوگوں کے دلوںمیں گھر کر کے ہی واپس لوٹیں گے جبکہ بار بار یوٹرن اور بداخلاقی کی وجہ سے عمران خان مسلسل اپنے وجود کی نفی کر رہے ہیں ،2013ء کے عام انتخابات میں عوام نے ان پر جو اعتماد کیا تھا وہ اس پر پورا اتریں، لہذا 2018ء کے انتخابات میں اب عوام انہیں نہیں بلکہ بلاول کے وہ امیدوار جو تیر کے نشان پر حصہ لینگے ان کو ووٹ دیکر اپنے اعتماد سے نواز یں گے جبکہ بلاول زرداری وزیر اعظم منتخب ہو نے کے بعد ان کے اعتماد کو کسی صورت بھی ٹھیس نہیں پہنچائیں گے ،انہوںنے کہا کہ بار بار دھرنے ،لانگ مارچ اور احتجاجی تحاریک سے مسلم لیگ (ن) کی بزدلی حکومت کی نااہلی ہے ،اگر نواز شریف اور ان کے درباری عوامی حقوق کے مطابق کام کرتے تو آج انہیں یہ دن دیکھنا نصیب نہ ہوتا،آج پوزیشن یہ ہے کہ ان کا ہر درباری اپنی تجو ر یا ں بھرنے میں مصروف ہے اور کسی کے پاس عوامی مسائل کی جانب توجہ دینے کا وقت نہیں یہی وجوہات ہیں جو حکومت اور مسلم لیگ (ن) کی نتزلی اور زوال کا باعث بن رہی ہیں آنے والا دور نوجوانوں اور بلاول کا ہے ،2018ء کے انتخابات میں پیپلز پارٹی ایک نئی اور بہت بڑی طاقت بن کر ابھرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : انجمن تاجران سٹی الائیڈ گروپ کے صدر پرویز اقبال کموکا ،چیئرمین ظفر اقبال سندھو،جنرل سیکریٹری میاں تنویر ریاض،سینئر نائب صدر طار ق محمود قادری و دیگر عہدیداران رانا خالد محمود ،شیخ زاہد،چوہدری عبدالوحید،مرزا دائو دابر اہیم ،میاں عابد ،حاجی شکیل احمد،شکیل عا بد بھٹی اور عرفان منج نے کہا ہے کہ جس ملک نے بھی معاشی طور پر ترقی کی ہے اس ملک کی تاجر برادری اور صنعت کار مراعت یافتہ ہیں،چین ،روس،جاپان ،کوریا،تھائی لینڈ او ر ترکی سمیت دیگر ممالک نے کاروباری طبقہ کو ہر سطح پر شاندارمراعات دیں جس کے نتیجہ میں کاروباری طبقہ نے اپنے تمام مفادات کو پس پشت ڈالکر دن رات ایک کر دیا اس کا ثمر ان ممالک کی حکومتوں کو یہ ملا کہ ان کی معیشت اپنی پیروں پر کھڑی ہو گی اور آج یہ ممالک دنیا کے 200سے زائد ممالک جن میں پاکستان بھی شامل ہے کو قرضے دے رہے ہیں،انہوںنے کہا کہ پاکستان بھی ان ممالک جیسی بلکہ ان سے بھی بہت آگے ترقی کر سکتا ہے تا ہم اس کیلئے بھی یہی شرائط ہیں کہ کاروباری طبقہ کو آنکھیں بند کر کے مراعات دی جائیں ،ٹیکسز کی شرح کو خاطر خواہ حد تک کم کیا جائے اور انرجی و توانائی بحران کا سرے سے خاتمہ کیاجائے ،اگر یہ سب ہو جائے تو پھر زیادہ دیر نہیں لگے گی صرف دو سے تین برسوں میں پاکستان اپنے تاریخی و قدیمی کشکول کو توڑ پھینکے گا اور ہماری معیشت قابل تسخیر ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : متوقع سٹی میئر ذوالفقار احمد شیخ نے کہا ہے کہ شہر میں بگڑتا ٹریفک کا نظام مسائل کی جڑ ہے،صرف ایک پارکنگ پلازہ بنا کر اگر یہ سمجھا جائے کہ مسائل حل ہوگئے تو یہ قطعاً غلط ہو گا،بیرون چنیوٹ بازار بننے والا صرف یہی ایک پارکنگ پلازہ شہر کے 10فیصد پارکنگ مسائل حل کر سکے گا ،امین پور بازار اور بیرون کارخانہ بازار میں پڑی سرکاری جگہ پر اگر مزید دو پارکنگ پلازے تعمیر ہو گئے تو مسائل پر 35فیصد تک قابو پایا جا سکے گا ،شہر کی ہر اہم سڑک کو پارکنگ کیلئے مختص کر دینا بھی کسی مسئلے کا حل نہیں ،انہوں نے کہا کہ آٹھوں بازاروں کے اندر اور گردو نواح میں کئی سرکاری جگہات ایسی ہیں جن پر پارکنگ پلازے بنا کر 100فیصد تک مسائل حل کیے جا سکتے ہیں چین میں پاکستان سے بہت زیادہ موٹر کاریں اور دیگر وہیکل ہیں مگر وہاں کوئی مسئلہ پیدا نہیں ہوتا کیونکہ وہاں تقریباً ہر سڑک پر پارکنگ پلازہ ہے اگر ہم اپنی ذمہ داریوں کو کما حقہ نبھاتے ہوئے ان مسائل کی جانب توجہ دیں تو یہ کوئی مسائل نہیں ،اگر قیادت نے مجھ پر اعتماد کرتے ہوئے سٹی میئر کا ٹکٹ دیا تو دو تہائی اکثریت سے کامیابی حاصل کرنے کے بعد ٹریفک مسائل کا خاتمہ میری اولین ترجیح ہو گی،ناجائز تجاوزات بھی ٹریفک مسائل حل کرنے میں بہت بڑی رکاوٹ ہے انشاء اللہ یہ رکاوٹ بھی اختیارات ملنے کے چند روز بعد دور کر دوں گا اوراپنے شہر کو مسائل فری بنانے کی لئے دن رات ایک کر دوں گا پھر کوئی مسئلہ’ مسئلہ نہیں رہیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد : مسلم لیگ (ن) کارپوریشن کے جنرل سیکریٹری و امیدوار ٹیکنو کریٹ میونسپل کارپوریشن شاہد محمود بیگ اور سٹی جوائنٹ سیکریٹری محمد علی بخاری نے کہا ہے کہ جب پاکستان مسائل کی دلد ل سے باہر نکلتا نظر آیا تو اس کی سب سے زیادہ تکلیف نریندر مودی کو ہوئی اور اس نے سی پیک منصوبوں کی مخالفت کرتے ہوئے اس کے خلاف دنیا بھر میں مہم شروع کر دی مگر وہ انتہائی ناکام رہا اور اسے منہ کی کھانا پڑگئی،مودی کو اپنی ناکامی ہضم نہ ہوئی تو اس نے اپنے لوگوں کی تلاش شروع کر دی جو پاکستان میں رہتے ہوں ان منصوبوں کو ناکام بنائیں ،آخر اس کی نظر ایک نیازی پر پڑی اس نیازی نے اسلام آباد میں دھرنا دے کر چین کے صدر کا دورہ منسوخ کر وا دیا چینی صدر بھارت گیا اور اس نے وہاں 114ارب ڈالر کی سرمایہ کاری کر ڈالی،دھرنا ختم ہوا تو چینی صدر پاکستان آئے اور صرف 47ارب ڈالر کی سرمایہ کاری کی نیازی کی اس کامیابی کو دیکھ کر شہباز شریف خود میدان میں آئے اور چین کے اوپر نیچے 7دورے کئے جس کا نتیجہ یہ نکلا کہ آج چین پاکستان میں 100ارب ڈالر سے زائد سرمایہ کاری کر رہا ہے ،انہوںنے کہا کہ اب جبکہ سی پیک منصوبے کامیابی کیساتھ تکمیل کے آخر مرحلے میں پہنچنے والے ہیں تو وہی نیازی ایک مرتبہ پھر میدان میں نکل آیا ہے تو وہ یاد رکھے سی پیک کی ذمہ داری فوج نے اٹھا رکھی ہے پہلے کی طرح اس بار بھی نیازی کو منہ کی بھی کھانا پڑے گیا اور سی پیک منصوبے ہر قیمت پر اپنی تکمیل کو پہنچیں گے۔
مسلم لیگ ن کا کارکن ہونے میرے لئے باعث فخر ہے : سمیع اللہ چوہدری
سانحہ ریلوے کراچی اور گڈانی کے متاثرین کو معاوضہ دیا جائے۔ آغا کریم خان