چھوٹا منہ بڑی بات

Baby Girl

Baby Girl

تحریر: شاہ بانو میر
میری نواسی بہت پیاری باتیں کرتی ہیں جب آتی ہے تو اس کی باتیں سننے کیلئے گھر کا ہر فرد اسے لالچ دیتا ہے اور وہ پیارے من موہنے انداز میں باتیں کرتی ہے تو جیسے سچائی کے ساتھ معصومیت رونق بنجاتی ہے

اسکا چھوٹا بھائی جو ابھی کچھ ماہ کا ہے ابھی سے شائد اسے اپنی اہمیت کا اندازہ ہے تو وہ خوب نخرے دکھاتا ہے ہمیں محسوس ہوتا ہے کہ وہ اس بچی کی نسبت زیادہ توجہ چاہتا ہے اور یہ خواہش وہ رو کر پوری کرواتا ہے ‘ جب وہ کسی طور چپ نہیں کرتا تو میری نواسی ماتھے پے بڑے پیارے انداز میں ہاتھ مار کر کہتی ہے نانو جی بھائی روتااااااااااااااااااااااااا ہی رہتا ہے روتا کو جس خوبصورت انداز میں وہ لمبا کر کے بیان کرتی ہے تو بہت اچھی لگتی ہے۔

NA 122

NA 122

سب اس سے بار بار کہتے ہیں کہ بھائی کیا کرتا ہے جواب میں وہ چاکلیٹ کے لالچ میں بیان کرتی ہے اور ہر بار اس کا انداز بہت ہی پیارا لگتا ہے کچھ روز پہلے وہ آئی ہوئی تھی تو ٹی وی پر چلتے کارٹون تبدیل کر دئے گئے وجہ تھی لاہور میں ہونے والے 122 حلقہ کی رپورٹ بار بار کبھی ایک پارٹی کا فریق گرجتا برستا دکھائی دے تو کبھی دوسری پارٹی کا ہم سب تو منہک تھے کہ کیا کہہ رہے ہیں

مگر اس بچی کو بہت برا لگا کہ اس کا چینل تبدیل کر دیا ہے بڑے انداز سے میرے سامنے آکر ٹی وی کو دیکھ کر کہتی ہے نانو جی یہ لوگ بھائی کی طرح روتےےےےےےےےےےےےے ہی رہتے ہیں اس قدر بے ساختہ اور سادہ برجستہ بات تھی کہ اُس دن سے گھر میں سب جب جب حلقہ 122 کو دیکھتے تو کہتے یہ تو روتےےےےےےےےےےے ہی رہتے ہیں۔

Shah Bano Mir

Shah Bano Mir

تحریر: شاہ بانو میر