گجرات (جی پی آئی) اتفاق ویلفیر سوسائٹی گولڑہ ہاشم کے زیر اہتمام گورنمنٹ بوائز ایلمنٹری سکول میں ایک روزہ فری میڈیکل کیمپ کا انعقاد کیا گیا ۔جسمیں گائنی کے مریضوں کے لئے لیڈی ڈاکٹر و الٹر اسائونڈ کا انتظام تھا ۔ممتاز میڈیکل سپیشلسٹ ڈاکٹر فیصل لطیف چوہدری نے مریضوں کو چیک کیا ۔جبکہ لیڈی ڈاکٹر سعدیہ فیصل نے 85خواتین مریضوں کا الٹر اسائونڈ بھی کیا۔350مریضوں کو چیک کیا گیا اور ادویات دی گئیں۔مہمان خصوصی ممتاز سماجی شخصیت سید خالد شاہ جھانڈلہ نے کیمپ کے لئے10ہزار روپے کا عطیہ بھی دیا ۔دیگر مہمانوں میںملک بشارت اعون گولڑہ ہاشم،جنرل کونسلر ملک عطا ء الہی شامل تھے۔تمام ممبران کے علاوہLHWمسرت جبیں،LHWطاہرہ سلطان نے کیمپ کی کامیابی میں اہم کردار اداکیا۔اہل علاقہ کیمپ کی کامیابی پر انتظامیہ کو مبارکباد پیش کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز مسلم لیگی رہنما مسز نزہت بٹ نے مطالبہ کیا ہے کہ پاکستان مردہ باد کہنے والوں پر بغاوت کا مقدمہ قائم کر کے برطانیہ سے پاکستان واپس لاکر تختہ دار پر لٹکایا جائے پاکستان مردہ باد کے نعرے کسی طور پر بھی قابل قبول نہیں ”را” کے ایجنٹوں کے خلاف بزدلانہ کاروائی کرنے کی بجائے دلیرانہ فیصلے کیے جائیں ۔ دشمن ملک کے ہاتھوں استعمال ہونے اور ان کی فنڈنگ کے ذریعے وطن کے خلاف کام کرنے والی تنظیم کو بین کیا جائے۔انھوں نے کہا کہ ان ہی لوگوں نے منی پاکستان کراچی کی رونقوں کو تباہ ، برباد کیا وہاں قتل وغارت کا بازار گرم کیا آئے روز کی قتل وغارت نے وہاں کے عوام کا جینا دوبھر کردیا کراچی شہر جو ایم کیو ایم کے قیام سے قبل دنیا میں جنت کا نقشہ پیش کرتا تھا آج انسانوں کی قتل گاہ بن چکا ہے۔ رہنمائوں نے کہا کہ میڈیا کے دفاتر پر حملہ کرنے والے دہشت گردوں ،قاتلوں اوربھتہ خوروں کو کیفرکردار تک پہنچایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز سماجی رہنما مہر فاروق خالدنے کہا ہے کہ پاکستان مخالف نعرے بازی اور الطاف حسین کی اشتعال انگیز تقریر کے بعد اب کوئی شک نہیں رہا کہ ایم کیو ایم ایک دہشت گرد اور فاشسٹ جماعت ہے، جوکہ طالبان سے زیادہ خطر ناک شکل اختیار کرچکی ہے مہر فاروق خالدنے کہا کہ قومی سلامتی کے خلاف ایم کیو ایم کی نفرت اور اشتعال انگیزی کے بعد اسے سیاسی جماعت کے طور پر زندہ رکھنے کا کوئی جواز نہیں، اب مہاجروں کو ان سے اظہار لاتعلقی اختیار کرلینی چاہیے۔ انہوںنے کہا کہ بھارت کے ساتھ گٹھ جوڑ کی بنا پر اس کے خلاف ایکشن لیا جانا ضروری ہوچکا ہے، حکومت بہانے بازیوں سے باز آجائے، اس کے لئے ضروری ہے کہ قانونی راستہ اختیار کیا جائے۔ ان کا کہنا تھا بھتہ خوری اور قتل وغارت گری کے ملزم الطاف حسین کو وطن واپس لاکر اس کا عدالتی ٹرائیل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ضلع گجرات کا اعزاز ۔ بورڈ آف انٹرمیڈیٹ اینڈ سیکنڈری ایجوکیشن کے زیر اہتمام جماعت نہم کے امتحانات میں گورنمنٹ کمپنریہینسو ہائی سکول گجرات کے سٹوڈنٹ صارم ارھاس نے بوائز میں پہلی پوزیشن حاصل کر لی۔ 505 میں سے 499 نمبر حاصل کر کے صارم ارھاس نہ صرف ضلع گجرات بلکہ بورڈ میں پہلے نمبر پر رہے۔ وہ سابق ڈسٹرکٹ ایجوکیشن آفیسر ناصر بٹ کے صاحبزادے ہیں۔ پرنسپل گورنمنٹ کمپنری ہینسو ہائی سکول گجرات اکرام اللہ صفدرنے پریس کانفرنس کے دوران کہا کہ حکومت پنجاب کی پالیسیوں کی وجہ سے سرکاری تعلیمی اداروں میں معیار تعلیم بہتر ہو رہا ہے اور یہ ادارہ گجرات کا تاریخی ادارہ ہے۔ جس میں طلباء کی بہتر تعلیم و تربیت کا بندوبست کیا جا رہا ہے۔ 38 سے زائد طلبہ نے A+گریڈ حاصل کیا۔ جبکہ گریڈ A’ اور گریڈ B میں شامل طلبہ کی تعداد کہیں زیادہ ہے۔ ضلع گجرات میں فروغ تعلیم کیلئے گورنمنٹ کمپنری ہینسو ہائی سکول گجرات کی کاوشیں قابل تحسین ہیں جس میں تمام تر تعلیم فری دی جاتی ہے۔ کتابیں بھی فری دی جا رہی ہیں ۔ حکومت پنجاب کی پالیسیوں کی وجہ سے اساتذہ اپنے فرائض احسن طریقہ سے سرانجام دے رہے ہیں۔ پریس کانفرنس کے موقع پر ممتاز ماہر تعلیم چوہدری ساجد زمان’ علامہ ساجد محمود قادری’ رخسانہ قدیر’ و دیگر بھی موجود تھے۔ اس موقع پر تمام طلباء و اساتذہ نے صارم ارھاس کو مبارکباد پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) حکومت پنجاب نے ملک کے ممتاز ماہر تعلیم اکرم اللہ صفدر کو گورنمنٹ کمپنری ہینسو ہائی سکول گجرات میں بطور پرنسپل تعینات کر دیا ہے۔ وہ گریڈ 20کے آفیسر ہیں۔ اور راولپنڈی سے تعلق رکھتے ہیں۔ انہوں نے کہا کہ میں گورنمنٹ کمپنری ہینسو ہائی سکول کو ایک مثالی ادارہ بنائوں گا۔ جس طرح پہلے اس ادارے کی کارکردگی بہتر ہے اس کو مزید بہترین کریں گے۔ اساتذہ اور طلبہ کے مسائل حل کریںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) وزیر اعلی پنجاب میاں شہباز شریف کے وژن کے مطابق ضلع گجرات کے سرکاری تعلیمی اداروں میں بہتر سہولیات کی فراہمی کیلئے گذشتہ مالی سال کے دوران 216ملین روپے منصوبہ جات پر کام شروع کیا گیا ، خطرناک عمارتوں کی تعمیر، عدم دستیاب سہولیات کی فراہمی، آئی ٹی اور سائنس لیب اور اضافی کلاس رومز کی تعمیر کے ان منصوبہ جات پر 90فیصد کام مکمل ہو چکا ہے جبکہ فنانشل پراگریس 94فیصد ہے۔ ان خیالا ت کا اظہار ڈی سی او لیاقت علی چٹھہ نے محکمہ تعلیم کی کارکردگی کے جائزہ کے موقع پر کیا۔ ڈی سی او لیاقت علی چٹھہ نے بتایا کہ مالی سال 2015-16کے دوران 8سکولوں کی خطرناک بلڈنگز کی از سر نو تعمیر کا آغاز کیا منصوبہ پر اخراجات کا تخمینہ 48.670ملین روپے تھا، ان عمارتوں کی تعمیر کی فزیکل پراگریس 99فیصد جبکہ فنانشل پراگریس 94فیصد ہے۔ انہوں نے بتایا کہ عدم دستیاب سہولیات کی فراہمی کے پروگرام کے تحت سکول مینجمنٹ کونسلز اور بلڈنگز دیپارٹمنٹ کی زیر نگرانی 258سکولوں میں ٹائلٹ بلاک، پینے کیلئے صاف پانی کی فراہمی، چار دیواری اور بجلی کی فراہمی کے منصوبہ جات پر کام کا آغاز کیا گیا ، مجموعی طور پر 138ملین روپے اخراجات کا تخمینہ تھا ان پراجیکٹس میں سے 225منصوبہ جات سکول مینجمنٹ کونسلز کے ذریعے شروع کئے گئے ان میں سے 170مکمل ہو چکے ہیں جبکہ 55پر کام جاری ہے، بلڈنگز ڈیپارٹمنٹ کے ذریعے 33میں سے 22منصوبہ جات مکمل کر لئے گئے ہیں گیارہ پر کام جاری ہے مجموعی طور پر فزیکل پراگریس 95جبکہ فنانشل پراگریس 93فیصد ہے۔ ڈی سی او لیاقت علی چٹھہ نے بتایا کہ حکومت پنجاب کے خصوصی پروگرام کے تحت 32ملین روپے لاگت سے 18سکولوں میں آئی ٹی لیب اور سائنس لیب کی فراہمی کے منصوبے پر 100فیصد کام مکمل کر لیا گیا ہے جبکہ 36ملین روپے لاگت سے 15سکولوں میں اضافی کلاس رومز کی تعمیر کا منصوبہ شروع کیا گیا ان میں سے 9منصوبہ جات مکمل کر لئے گئے ہیں جبکہ چھ پر کام جاری ہے ، اضافی کلاس رومز کی تعمیر کے منصوبے پر کام کی فزیکل پراگریس 90فیصد جبکہ فنانشل پراگریس 94فیصد ہے۔ ڈی سی او لیاقت علی چٹھہ نے ہدایت کی کہ بلڈنگز ڈیپارٹمنٹ تمام منصوبہ جات کی تیزی سے تکمیل یقینی بنائے جبکہ ایجوکیشن افسران ان منصوبہ جات پر کام کی خود نگرانی کریں۔ انہوںنے بتایا کہ سکول مینجمنٹ کونسلز کے ذریعے عدم دستیاب سہولیات کی فراہمی کا تجربہ نہایت کامیاب رہا ہے اور مستقبل میں 5لاکھ روپے مالیت تک کے منصوبہ جات سکول مینجمنٹ کونسلز کے ذریعے ہی مکمل کئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات۔23اگست2016()سپیشل پرائس مجسٹریٹس ڈاکٹر واجد ارشد اور ڈاکٹر طاہر عزیز نے ریٹ لسٹ آویزاں کئے بغیر اور انتہائی ناقص و مضر صحت سیب فروخت کرنیوالے وزیر ستان کے رہائشی 4افراد کے خلاف مقدمہ درج کرادیا، مہنگی روٹی فروخت کرنے پر 2ہوٹل مالکان کیخلاف بھی مقدمات درج کرادیے گئے۔ ڈی سی او لیاقت علی چٹھہ کی ہدایت پر پرائس چیکنگ کے دوران پرائس مجسٹریٹس نے تھانہ رحمانیہ کے علاقہ میں چار افراد کو چیک کیا جو ایک ٹرک میں لدا سیب فروخت کررہے تھے ، وزیر ستان سے تعلق رکھنے والے ان افراد نے ضلعی حکومت کی طرف سے جاری کردہ ریٹ لسٹ بھی آویزاں نہیں کی تھی جبکہ انہوں نے شاپر وں میں نہایت ناقص کوالٹی اور مضر صحت سیب پیک کررکھا تھا اور کم نرخوں کا جھانسہ دے کر شہریوں کو فروخت کررہے تھے ۔ رحمت وغیر ہ چاروں افراد کے خلاف تھانہ رحمانیہ پولیس نے مقدمہ درج کر لیا ہے ، نمونہ جات تجزیے کیلئے لیبارٹری بھجوادیے ہیں۔ دریں اثنا منگوال کے علاقہ میں پرائس چیکنگ کے دوران روٹی مہنگے داموں اور کم وزن فروخت کرنے پر دو ہوٹل مالکان کے خلاف بھی مقدمات درج کرادیے گئے ہیں۔ ڈی سی او لیاقت علی چٹھہ نے ڈاکٹر واجد اور ڈاکٹر طاہر عزیز کی کارکردگی کو سراہا ہے اور کہا ہے کہ کسی بھی فرد کو بغیر ریٹ لسٹ آویزاں کئے اور ناقص و مضر صحت اشیائے خورد و نوش کی ہرگز اجازت نہیں دی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) تحریک لبیک یا رسول اللہ ضلع گجرات کے 2000علماء ومشائخ کا اجلاس زیر صدارت بانی تحریک لبیک یارسول اللہ پیر محمد افضل قادری جامعہ سیدنا علی گجرات میں منعقد ہوا۔پیر محمد افضل قادری نے کہا: قرآن وحدیث کے واضح احکام اور آئین پاکستان کی اسلامی شقوں پر پابندی لگانے اور قادیانیوں وگستاخانِ رسول کو تحفظ دینے کی تمام سازشوں کو ناکام بنا دیا جائے گااور پاکستان بنانے والے سنی علماء ومشائخ کے وارثین اِن عظیم مقاصد کیلئے کسی قربانی سے دریغ نہیں کریں گے ۔اجلاس کے بعد تحریک لبیک یارسول اللہ کے 2000 علماء ومشائخ نے ضلع کچہری میں پہنچ کر تین گھنٹے دھرنا دیا اور ضلعی انتظامیہ کے نمائندے اے ڈی سی جی عرفان علی کاٹھیا پر واضح کر دیا کہ کسی صورت میں چاروں اطراف میں لائوڈ سپیکر پر اذانیں بند نہیں ہو ںگی اور ضلعی انتظامیہ کو وارننگ دی کہ وہ مسلمانوں کو چاروں اطراف سے لائوڈ سپیکر پر اذان دینے سے نہ روکے وگرنہ ضلع گجرات کے علماء اور تمام شعبہ زندگی کے مسلمان سڑکوں پرنکل آئیں گے جس کی تمام تر ذمہ داری ضلعی انتظامیہ پر ہو گی ۔بانی تحریک لبیک یارسول اللہ نے اعلان کیا ہے کہ 24اگست کو لاہور میں تحریک لبیک یارسول اللہ کا ہنگامی اجلاس طلب کر لیا ہے جس میں حکومت کے دین شکن اقدامات کی مزاحمت کا لائحہ عمل مرتب کیا جائے گا ۔اجلاس میں حضرت پیر قاضی محمود قادری اعوان شریف،حضرت علامہ مفتی کمال الدین خطیب اعظم کوٹلہ ارب علی خان ، علامہ عبد الرشید اویسی،مفتی عبد الرحمن نعیمی ،علامہ محمد شاہد چشتی ،علامہ ارشد نقشبندی،مولانا سلطان محمود نقشبندی کاسب شریف،سید زین العابدین شاہ کھاریاں ، صاحبزادہ عبد الواحدسیالوی لالہ موسیٰ ،مولانا محمد عابد قادری جلالپورجٹاں ،مولانا محمد ندیم نقشبندی صبورشریف ،مولانا امتیاز جلالی فتح پور،مولانا محمد ساجد مدنی کوٹلہ ارب علی خان،علامہ عبد الغفور گولڑوی جامعہ ام رسول کھاریاں ، ڈاکٹر نور محمد دانش لالہ موسیٰ ،مجاہد اسلام بشارت بٹ صاحب جلالپور صوبتیاں ،مولانا محمد اکرم دیوانہ ،قاری خالد محمود قادری سیالکوٹی ،اور دیگر نے اظہار خیال فرمایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ 6لین کی سیالکوٹـ لاہور موٹروے کی تعمیر کا منصوبہ میری حکومت نے 2006ء میں بنایا تھا اور یہ 23ارب روپے کی لاگت سے 2010ء میں مکمل ہو جاتا لیکن نوازشریف اور شہبازشریف نے ہمارا منصوبہ روک دیا، اب اس میں سے گجرات کو نکال کر ہمارے مقابلہ میں تقریباً دوگنا خرچے یعنی 43ارب 85کروڑ روپے سے مکمل کرنے کا اعلان کیا ہے۔ چودھری پرویزالٰہی نے گجرات میں میڈیا سے گفتگو میں کہا کہ موجودہ حکمران ہمارے دور کے منصوبوں کو پہلے بند کرتے ہیں اور پھر ان میں کانٹ چھانٹ کے بعد اپنے نام کی تختی لگانے کیلئے کہیں زیادہ لاگت سے دوبارہ شروع کر دیتے ہیں، سیالکوٹـ لاہور موٹروے کی تعمیر کے منصوبہ 2007ء میں باقاعدہ افتتاح کے بعد کام کا آغاز ہوا، یہ موٹروے سیالکوٹـ وزیرآباد روڈ پر سمبڑیال سے شروع ہو کر سیدھی لاہور جاتی اور دریائے چناب پر شہبازپور کے قریب پل کے ذریعے اسے گجرات سے ملا دیا جاتا، منصوبہ میں چین کے تعاون سے اس پر تین انڈسٹریل زون اور سویڈن اور آسٹریا کے تعاون سے 2انٹرنیشنل ٹیکنیکل یونیورسٹیوں کا قیام بھی شامل تھا، مگر فنڈز کی عدم دستیابی کا بہانہ بنا کر موٹروے کا ہمارا منصوبہ بند کرنے سے دونوں یونیورسٹیاں بھارت منتقل ہو گئیں جبکہ 60ہزار افراد نئے روزگار سے محروم رہے، این ایچ اے نے اسے ایم۔II کا نام دیا تھا جبکہ اسے لاہورـ سیالکوٹ موٹروے کے علاوہ شاہراہ صنعت (انڈسٹریل ہائی وے) بھی کہا جاتا تھا، منصوبہ میں 8فلائی اوورز، 40پلوں اور 70انڈرپاسز کی تعمیر بھی شامل تھی اور اس سے سیالکوٹ، گجرات کے علاوہ شیخوپورہ، ڈسکہ، نارووال، پسرور، ظفروال، چونڈہ، وزیرآباد بھی براہ راست نیشنل موٹروے گرڈ میں شامل ہو جاتے، اس پر سات انٹر چینج بنائے جانے تھے، اس موٹروے کی تکمیل سے لاہور سیالکوٹ کا درمیانی فاصلہ صرف 45 منٹ کا رہ جاتا لیکن گجرات دشمنی میں موجودہ حکمرانوں نے سیالکوٹ، شیخوپورہ، نارووال اور گوجرانوالہ کے اضلاع کے عوام کو بھی اتنے سال تک اس سہولت سے محروم رکھا اور اس علاقہ کے علاوہ صوبائی اور قومی معیشت کو نقصان پہنچایا۔ چودھری پرویزالٰہی نے میڈیا سے گفتگو کے دوران اپریل 2007ء کے اخبارات کے تراشے بھی دکھائے جن میں سیالکوٹـ لاہور موٹروے کی افتتاحی تقریب کی خبریں شامل تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ایڈمنسٹریٹر ٹی ایم اے گجرات عرفان علی کاٹھیا نے قربانی کے جانوروں کی خرید و فروخت کے لئے شاہ جہانگیر روڈ، پرانی فروٹ منڈی، بھمبر روڈ، سرگودھا روڈ پر قائم سیل پوائنٹس کا اچانک دورہ کیا، ٹی ایم اے افسران اور اہلکار بھی انکے ہمراہ تھے۔ ڈی سی او لیاقت علی چٹھہ کی ہدایت پر دورے کے موقع پر ایڈمنسٹریٹر عرفان علی کاٹھیا نے سیل پوائنٹس پر ٹی ایم اے ، لائیو سٹاک اور دیگر محکموں کی طرف سے کئے گئے انتظامات کا جائزہ لیا اور ہدایت کی کہ متعلقہ افسران اس امر کو یقینی بنائیں کہ مقررہ سیل پوائنٹس پر ہی جانور فروخت کیلئے لائے جائیں ۔ انہوںنے واضع کیا کہ ضلعی انتظامیہ کے فیصلے کے مطابق صرف سیل پوائنٹس کے علاوہ کسی او ر جگہ پر قربانی کے جانور فروخت کرنیوالوں کے خلاف دفعہ 144کے تحت قانون کے مطابق سخت کاروائی کی جائے گی۔ اس سے قبل ٹی ایم اے کے افسران نے انہیں انتظامات بارے بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز سیاسی دانشور سید باقر رضوی نے ملک کی موجود سیاسی صورتحال کو خطر ناک قرار دیتے ہوئے کہا ہے کہ ملک میں جاری حلقہ جاتی سسٹم (پارلیمانی) مکمل طور پر ناکام ہو چکا ہے اور یہ سسٹم نہ تو ملک کے اٹھانوے فیصد عوام کے مسائل کو حل نہ کر سکا ہے اور نہ ہی ملک کی سا لمیت کے تحفظ فراہم کرنے کے لیے کوئی مضبوط سیاسی ادارہ بنا سکا ہے اس وقت صرف اور صرف افواج پاکستان ہی ایک ایسی فورس ہے جو پاکستان کی بائیڈنگ فورس ہے کچھ عناصراس کو بھی داگ دار کر نا چاہتے ہیں جو کہ ملک دشمنی کے مترادف ہے ،سید باقر رضوی نے کہا کہ ملک کو بحرانوں سے نجات دلانے کا واحدایک ہی طریقہ بچا ہے ایک عبوری نگران حکومت بنائی جائے جس کی مدت چار سال تک ہو اور اپنی کابینہ کو بنانے میں آزاد ہو وہ منتخب نمائندوں یا غیر منتخب نمائندوں سے، اس کے علاوہ ملک کو بحرانوں کو نکالنے کا اور کوئی راستہ نہین ہے پاکستان جنگ کا شکا ر ہے اور ملک میں جنگی حالات ہیں اور اس طرح کے ہنگامی حالات اور انتطامات ضروری ہو چکے ہیں عدلیہ اور انتظامیہ پر بھی بھاری ذمہ داری ان پڑی ہے اور یہ ذمہ داری وقومی ذمہ داری ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) سول سوسائٹی کے ضلعی صدر اور ممتاز سماجی شخصیت حاجی خالد پرویز منگا نے کہا ہے کہ گجرات شہر میں نکاسی آ ب کا سسٹم بری طرح ناکام ہو چکا ہے جس کی وجہ سے پورے شہر کے لوگ ٹی ایم اے گجرات اور گجرات کے منتخب عوامی نمائندوں کو ہاتھ اٹھا کر بددعائیں دے رہے ہیں گجرات شہر میں ایک عرصہ سے سیوریج کی بندش کا مسئلہ ابھی تک حل نہیں ہو سکا ،انہوں نے کہا کہ اس سلسلہ میں ٹی ایم اے گجرات کے آفسران ہر سال سیوریج کی درستگی کے نام پر لاکھوں روپے کے فنڈز ہڑپ کر جاتے ہیں اور سیوریج کا مسئلہ جوں کا توں پڑا رہتا ہے ،خالد منگا نے کہا کہ شہر بھر میں صفائی کا بدترین نظام ہے گجرات شہر کی تمام یونین کونسلیں گندگی سے اٹی پڑی ہیں شہری موزی بیماریوں میں مبتلا ہو رہے ہیں اور ٹی ایم اے کے ملازمین مفت کی تنخواہ وصول کر رہے ہیںایک طرف تو شہر کی خوبصورتی پر کروڑں روپے خرث کیے جارہے ہین مگر افسوس گجرات کے شہریوں کے مسائل حل کرنے کی بجائے ان کو مسائل میں ڈالا جارہا ہے اگر وہی فنڈز گجرات شہر کے سیوریج کی درستگی پر خرچ کر دئیے جائیں تو شہر کے آدھے سے زیادہ مسائل حل ہو جائیں گے مگر اس طرف کو ئی دھیان نہیں دے رہا ،انہون نے کہا کہ محلہ گریب پورہ اورجناح روڈ پر جگہ جگہ سے واٹر سپلائی کے پائپ پھٹ چکے ہیں اور علاقہ کے مکین گندا پانی پی رہے شہر بھر میں پینے کاصاف پانی بھی میسر نہیں ہے، کہاں ٹی ایم اے گجرات کا عملہ جو شہریون کے مسائل حل کرسکے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ ن کے سینئر راہنما اور ممتاز کاروباری شخصیت منور حسین بٹ نے کہاہے کہ پاکستان مسلم لیگ ن کے حکومت عوامی مسائل کے حل کے دن رات کوشاں ہے اور عوام کے مسائل ان کی دہلیز پر حل ہور رہے ہیں انہون نے کہا کہ وزیر اعلی پنجاب میاں شہباز شریف اور ان کی پوری ٹیم نے پنجاب بھر میں تعمیر وترقی کے جان بچھا دئیے ہیں ، منور بٹ نے کہا کہ موجودہ حکومت نے بجلی کے بحران پر بھی قابو پالیا ہے اور لوڈ شیڈنگ میں ریکارڈ کمی واقع ہو ئی ہے اس کے علاوہ وزیر اعلی پنجاب میاں شہباز شریف نے جس طرح مہنگائی کو کنٹرول کیا ہے اس کی پوری دنیا میں مثال نہیں ملتی ،انہوں نے کہا کہ مسلم لیگ ن گجرات نے بھی پورے ضلع گجرات میں تعمیروترقی کے ریکارڈ منصوبے شروع کیے ہیں اور وہ پایہ تکمیل تک پہنچ چکے ہیں ،گجرات میں کڈنی سنٹر کی تعمیر،میاں شہباز شریف پارک کی تعمیرکے علاوہ دیگر بڑے بڑے منصوبے ضلعی حکومت اور ن لیگ کی عوامی خدمت کا منہ بولتا ثبوت ہیں ،منور بٹ نے مزید کہا کہ انشاء اللہ آئندہ انتخابات میں بھی پاکستان مسلم لیگ ن اپنی شاندار کار کردگی نکی بنیاد پر ریکارڈ برتری سے کامیابی حاصل کر گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ٹی ایم اے کرپشن کیس میں ملوث سینٹری انسپکٹر اللہ رکھا اور شامی کھٹانہ کو ٹی ایم او چوہدری خرم ترہنگی نے نوکری سے فارغ کر دیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) جامعہ گجرات میں مختلف شعبہ جات میں آن لائن ایڈمشن جاری۔5ستمبر تک درخواستیں جمع کروائی جا سکتی ہیں۔ تمام شعبوں میں مختلف پروگراموں و کورسز کے لیے تمام داخلہ جات آن لائن درخواستوں کے ذریعے ہونگے۔ آن لائن ایڈمشن کی راہنمائی کے لیے حافظ حیات کیمپس کے علاوہUOGسٹی کیمپس جی ٹی روڈ، UOGسٹی کیمپس مرغزار کالونی اورUOGسٹی کیمپس فاطمہ جناح گجرات میں ہیلپ سنٹر قائم کیے گئے ہیں۔آن لائن داخلہ کے لیے انٹرمیڈیٹ کے طلبہ و طالبات سال اوّل کے نتیجہ کی بنیاد پر درخواست جمع کروا سکتے ہیں۔ آن لائن ایڈمشن کا مقصد طلبا و طالبات کو غیر ضروری کاغذی کاروائی سے نجات دلاتے ہوئے انہیں داخلہ کے سلسلہ میں سہولیات مہیا کرنا اور داخلہ کے عمل میں میرٹ اور صرف میرٹ کو ترجیح دیتے ہوئے شفافیت کو مؤثر بنانا ہے۔ تمام آن لائن داخلہ جاتUOGکی ایڈمشن پالیسی2016ء کے تحت کیے جائیں گے۔ داخلہ کے خواہشمند تمام طلبا وطالبات اپنی درخواستیںجامعہ گجرات کی ویب سائٹwww.uog.edu.pkپر مقررہ آخری تاریخ5ستمبر2016ء تک لاگ ان ہو کر جمع کروا سکتے ہیں۔ داخلہ کے لیے درخواست کی پراسینگ فیس700روپے مقرر کی گئی ہے۔ یہ ناقابل واپسی فیس کمپیوٹر کے ذریعے حاصل کردہ چالان فارم پر حبیب بنک لمیٹڈ کی کسی بھی برانچ میں جمع کروائی جا سکتی ہے۔ فیس جمع کروانے کے بعد کمپیوٹر کے ذریعے ہی حاصل کی جانے والی ہر طرح سے مکمل درخواست کا پرنٹ آؤٹ معہ ضروری دستاویزات و اسناد وغیرہ اور چالان فارم بذریعہ کورئیر سروس یا دستی طور پر متعلقہ کیمپس میں جمع کروا دی جائے گی۔ مقررہ تاریخوں پر میرٹ لسٹ ویب سائٹ پر آویزاں کر دی جائے گی۔ آن لائن درخواست دینے کے لیے ہر امیدوار کا اپنا ای میل ایڈریس ہونا ضروری ہے تاکہ اُسے موقع بہ موقع ضروری اطلاعات کی ترسیل ممکن ہو سکے۔ امیدوار ویب پورٹل یاsmsکے ذریعے بھی اپنی درخواست کے سٹیٹس سے مطلع رہ سکیں گے۔ امیدوار اپنی درخواستوں کے متعلق معلومات کے لیےatadmission2016@uog.edu.pkپر رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان کے معرو ف دانشوروں اور ادیبوں راحت سعید اور ڈاکٹر بدرالد ین اُجّن نے جامعہ گجرات میں وائس چانسلر پروفیسر ڈاکٹر ضیاء القیوم سے ایک خصوصی ملاقات کی اور جامعہ گجرات میں جاری علمی و تحقیقی سرگرمیوں کے حوالہ سے اپنے تعاون کا بھرپور یقین دلایا۔ راحت سعید کئی کتابوں کے مصنف ہیں اور پاکستان بھر میں ایک روشن خیال و دانشور ادیب کی حیثیت سے انکی شہرت مسلّم ہے۔ ڈاکٹر بدر الدین اُجّن ایک محقق اور نامور قلمکار ہونے کے علاوہ ایک ماہر لسانیات اور مترجم کی حیثیت سے ملکی ادبی و علمی حلقوں میں قدر کی نگاہ سے دیکھے جاتے ہیں۔ راحت سعید اور ڈاکٹر بدر الدین اُجّن نے جامعہ گجرات کے مرکز برائے السنہ و علوم ترجمہ کی علمی سرگرمیوں کو بھرپور ستائش پیش کرتے ہوئے اس مرکز کو ملک بھر کی جامعات کے لیے قابل تقلید ادارہ قرار دیا۔ ڈاکٹر ضیاء القیوم نے ادیبوں کے ساتھ اپنی ملاقات میں کہا کہ لکھاری کسی بھی ملک کا قابل قدر سرمایہ ہوتے ہیں کیونکہ وہ اپنی تحریروں کے ذریعے معاشرہ کے مختلف طبقات میں باہمی ہم آہنگی کے روّیوں کو فروغ دیتے ہیں۔ ادیب اپنے وسیع تر مشاہدہ کو بروئے کار لاتے ہوئے سماج کی قیادت کے فرائض سر انجام دیتا ہے۔ ترجمہ ادب کی ایک بہت اہم صنف ہے۔ ترجمہ کی روایت کئی قوموں کی زندگی میں انقلابی اقدامات کو متعارف کرواتے ہوئے انہیں اقوام عالم کی صف میں اہم مقام دلا چکی ہے۔ جامعات کو صحیح معنوں میں علم کے مراکز میں ڈھالے بغیر ہماری تمام تعلیمی و علمی کوششیں بے سُود ہیں۔ ایک استاد کا اصل مرتبہ طلبہ میں علم و ادب کی سچی لگن کو پروان چڑھانا ہے۔ ڈائریکٹر میڈیا شیخ عبدالرشید اور کوآرڈینیٹرCeLTSڈاکٹر غلام علی نے بھی اس ملاقات میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ(جی پی آئی) پاکستان تحریک انصاف حلقہ پی پی 112لالہ موسیٰ کے راہنمائوں سہیل نواز خاں ،طاہر رفیق بٹ،لیاقت علی کھٹانہ،غلام عباس بھٹہ نے اپنے ایک مشترکہ بیان میں کہا کہ گجرات کا جلسہ عام منسوخ ہو نے کی وجہ سے کارکنان کے جذبات مجروح ہو ئے ہیں کیونکہ لالہ موسیٰ اور پی پی 112کے کارکنان جوش و جذبے کے ساتھ کام کرتے ہوئے جلسہ عام کو گزشتہ جلسہ عام جو کہ 24اکتوبر 2014کو ہوا تھاکی طرح یاد گار بنانے کیلئے پروگرام ترتیب دے رہے تھے لیکن موجودہ آرگنائزنگ کمیٹی کی باہمی مشاورت سے ضلع گجرات میں فی الحال جلسہ عام کو منسوخ کرنے کا فیصلہ کیا گیا ،انہوں نے کہاکہ گزشتہ 2014کے جلسہ عام میں اس وقت کی آرگنائزنگ کمیٹی نے انتھک محنت ،بہترین حکمت عملی اور تنظیم سازی سے کام لیتے ہوئے انتہائی قلیل وقت میں جلسہ عام کو گجرات کی تاریخ کا سب سے بڑا جلسہ بنا دیا تھاجس کا ریکارڈ کوئی بھی پارٹی نہ توڑ سکتی ہے اور آج بھی لوگ یاد کرتے ہیں اور اس جلسہ عام کی آرگنائزنگ کمیٹی کے سیکرٹری نوازش علی شیخ ایڈووکیٹ نے اپنے سیاسی اور تنظیمی تجربے کی بنیاد پر سخت محنت اورلگن سے کام کرتے ہوئے مثالی جلسہ کا انعقاد کروانے میں اہم کردار ادا کیاتھا جس کو چیئرمین عمران خان سمیت مرکزی اور صوبائی ذمہ داران نے بھی سراہتے ہوئے خراج تحسین پیش کیاتھا انہوں نے کہاکہ اگر اس مرتبہ بھی نوازش علی شیخ ایڈووکیٹ کو ذمہ داری سونپی جاتی تو گزشتہ جلسہ ئِ عام کی طرح اس بار بھی کامیاب جلسہ کا انعقاد ہوتا اور یقیناکارکنان کو مایوسی اور خفت کا سامنا نہ کرنا پڑتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) راہنما مسلم لیگ(ن) سابق امیدوار چیئرمین یونین کونسل بدرمرجان ملک فضل حسین اعوان بدرمرجان گذشتہ دنوں حج کی سعادت حاصل کرنے کے لئے سعودی عرب روانہ ہو گئے گائوں اور ایئر پورٹ سے رشتہ دار، دوست احباب اور مسلم لیگ (ن) کے مقامی راہنمائوں نے الوداع کیا حج کے دوران ملک و قوم اور علاقہ میں امن و امان کے لئے خصوصی دعائیں بھی کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) یونین کونسل بھگوال کے عوام کے ساتھ سیاسی نہیں محبت کا رشتہ ہے ہم عوام کی خدمت کے لئے 24گھنٹے حاضر ہیں اپنی استطاعت کے مطابق عوام کی بے لوث خدمت کا سلسلہ آئندہ بھی جاری رکھیں گے ان خیالات کا اظہار ممتاز سیاسی سماجی شخصیت سابق امیدوار وائس چیئرمین یونین کونسل بھگوال ملک آفتاب حسین اعوان لمے شریف نے کیا۔ انہوں نے کہا کہ عوامی خدمت کے لئے اللہ تعالیٰ کی طرف سے توفیق کی ضرورت ہے نہ کہ کسی عہدے یا پلیٹ فارم کی ضرورت ہوتی ہے ہم اپنی استطاعت کے مطابق عوام کی بے لوث اور بلاتفریق خدمت کا سلسلہ جاری رکھیں گے ہم ان مہربانوں کو ہرگز نہیں بھولے جنہوں نے الیکشن میں ہمیں ووٹ دیئے ہر مشکل دور میں ان کے شانہ بشانہ رہیں گے اور ان کے ساتھ ساتھ عوام کے دکھ درد اور خوشی میں بھی شریک ہوتے ہیں اور انشاء اللہ یہ سلسلہ ساری زندگی جاری بھی رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ویلڈن گورنمنٹ ہائی سکول پنڈی ہاشم کا نہم کلاس کا رزلٹ شاندار رہا اس سال 89 فیصد رزلٹ حاصل کیا گیا طالبہ انشاء جبیں نے 465 نمبر حاصل کر کے سکول میں پہلی، طالبہ اریبا نعیم نے457نمبر حاصل کر کے دوسری جبکہ طالبہ اقراء عارف نے 437 نمبر حاصل کر کے تیسری پوزیشن حاصل کی ہے پرنسپل سکول مسز مریم ظہیر نے کامیاب ہونے والی طالبات اور اساتذہ کرام کو مبارکباد دی ہے انہوں نے کہا کہ انشاء اللہ آئندہ برس کارکردگی کو مزید بہتر بنایا جائے گا اور سو فیصد رزلٹ حاصل کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) امت مسلمہ کا متحد ہونا ناگزیر ہو چکا ہے پوری دنیا میں صرف مسلمانوں پر ہی دہشت گردی جیسے سنگین الزامات لگائے جا رہے ہیں اور اس آڑ میں مسلمان ممالک کے خلاف فوجی کارروائیاں کر کے نسل کشی کی جا رہی ہے اور ان ممالک کو تباہ کیا جا رہا ہے کشمیری نہتے عوام کو ظلم وبربریت کا نشانہ بنا کر انڈین آرمی انسانیت سوز کارروائی کر رہی ہیں جو کہ قابل مذمت ہیں کشمیری عوام پر مظالم کو روکا جائے ان خیالات کا اظہار ممتاز سیاسی سماجی شخصیت سید ضیاء اللہ شاہ ایڈووکیٹ صدر الخدمت فائونڈیشن پنجاب نے کیا انہوں نے کہا کہ حکمران مودی کے بیان کے خلاف چپ بیٹھے ہیں جوکہ کشمیری عوام کے زخموں پر نمک پاشی کے مترادف ہے 20کروڑ عوام اپنے کشمیری بہن بھائیوں کے شانہ بشانہ ہیں اور ان کی اخلاقی امداد جاری رکھے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) ایم این اے چوہدری عابد رضا کوٹلہ اور ایم پی اے چوہدری شبیر احمد کوٹلہ کی قیادت میں علاقہ کی تعمیر وترقی اور عوام کی فلاح و بہبود کے لئے اپنی تمام تر توانائیاں اور وسائل بروئے کار لا رہے ہیں یونین کونسل ڈوگہ کی تعمیر و ترقی کے لئے کسی قسم کی کسر باقی نہ چھوڑیں گے ان خیالات کا اظہار مشترکہ طور پر چیئرمین ملک محمد اشفاق اعوان ڈوگہ اور وائس چیئرمین حاجی راجہ فضل الرحمن مکوال نے کیا۔ انہوں نے کہا کہ مسلم لیگ(ن) ہی ملکی تعمیر و ترقی اور عوامی فلاح و بہبود کے لئے عملی طور پر کام کر رہی ہے اپوزیشن کے پروپیگنڈے پھر ناکام ہوں گے دھرنے اور ریلیاں صرف اور صرف ملکی نقصان کے لئے تھے اور ہوں گے ملکی ترقی کے دشمن یہ لوگ ترقی کی راہ میں رکاوٹیں ڈال رہے ہیں مسلم لیگ(ن) رکاوٹوں کے باوجود ملکی ترقی کے لئے کام کر رہی ہے جس کی کئی مثالیں موجود ہیں حلقہ این اے107 میں بھی مسلم لیگ(ن) ہی تعمیر و ترقی کا فریضہ سرانجام دے رہی ہے ہم ایم این اے چوہدری عابد رضا اور ایم پی اے چوہدری شبیر احمد کوٹلہ کی قیادت میں یونین کونسل ڈوگہ کو ہر لحاظ سے مثالی بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں (جی پی آئی) نادرا آفس کھاریاں عوام کی تذلیل کا مرکز بن گیا بزرگ خواتین سارا سارا دن دھوپ میں لائن بنا کر کھڑے رہنے پر مجبور جبکہ افسران ٹھنڈی ہوا میں بیٹھ کر سفارشیوں کا کام کرنے میں مصروف۔ عوامی سماجی حلقوں نے چیئرمین نادرا سے اپیل کی ہے کہ کھاریاں نادرا آفس میں فرض شناس اور ایماندار عملہ تعینات کیا جائے غیر مناسب رویے کی وجہ سے عوام الناس میں شدید غم و غصہ پایا جاتا ہے سارا دن لوگ لائنوں میں کھڑے رہ کر ذلیل و غوار ہوتے ہیں اور کئی تو صبح سے قطاروں میں لگے ہوتے ہیں اور دفتر کا ٹائم ختم ہو جاتا ہے جس کی وجہ سے انہیں اگلے دن بھی ذلیل و خوار ہونا پڑتا ہے۔ شہریوں نے چیئرمین نادرا اور چوہدری عابد رضا ایم این اے سے اپیل کی ہے کہ کھاریاں میں کسی فرض شناس عملہ کو لگایا جائے تاکہ لوگوں کی پریشانیوں کا ازالہ ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) تعلیمی اداروںمیںقوموںکامستقبل پرورش پاتا ہے۔تحریک پاکستان کی لہربھی علی گڑھ کے تعلیمی ادارے سے اٹھی۔ماہ اگست پاکستانی تاریخ میںاہمیت کاحامل مہینہ ہے۔پچاس سال قبل 23اگست کوقائم ہونے والامیونسپل انٹرکا لج مختلف مراحل طے کرتے ہوئے اب پوسٹ گریجویٹ کالج کی شکل میںایک تناوردرخت بن چکاہے ۔اس عملی درسگاہ سے کئی نامورڈاکٹرز،انجنئیرز،وکلاء علم حاصل کرکے ملک وقوم کی خدمت میںمصروف ہیں۔اس ادارے کواوج ثریاپرپہنچانے میںہزاروی خانوادے کے پروفیسرڈاکٹرمحمدآصف ہزاروی کی بطورپرنسپل خدمات کوبھلایا نہیںجاسکتا۔ان خیالات کا اظہارمقررین نے بطل حریت بابائے صحافت کے نام سے منسوب گورنمنٹ پوسٹ گریجویٹ مولاناظفر علی خان کالج کی پچاس سالہ گولڈن جوبلی تقریب کے موقع پرکیا۔سا بق صوبائی وزیرشاہنواز چیمہ، ڈپٹی ڈائریکٹرکالجزمحمداقبال کلویا ،ڈاکٹرجمال ناصر،خواجہ محمدجمیل ایڈووکیٹ،،ملک محمدیوسف چاند،احمدیاروڑائچ،ڈاکٹر سیدرضاسلطان،ملک محمدشہبازکلیار، محمدادریس سپال ایڈووکیٹ،شیخ محمدبلال،مہرعرفان رفیع، سعید احمدجوندہ ایڈووکیٹ،میرماجد علی سالار،حاجی حبیب الرحمان،پروفیسرمحمداشفاق،خالد محمودہنجرائ،حافظ عبد الستار حامد،حافظ منیراحمد،نذیراحمداعوان،شیخ الیاس کامران،شیخ ثناء اللہ،محمدارشد بخار،سید رضا سلطان،عمران رضا نقوی،ابراراکرم ودیگرمعززین علا قہ اورسٹاف ممبرموجودتھے۔کمپیوٹرلیب کوپروفیسرامتیازاحمدبھٹی کے نام سے منسوب کرتے ہوئے کالج کے سب سے پرانے درجہ چہارم کے ملازم قمرحسین بھٹی سے افتتاح کروایا گیا۔کالج کے پانچ بانی ممبران سے چار اس دارفانی سے کوچ کرچکے جبکہ پانچویں تقریب کے مہمان خصوصی چوہدری شاہنواز چیمہ نے کہا کہ یہ کالج بڑی محنت اورکوششوںسے بنایا گیا تھا۔اس کالج کی تعمیروترقی میںوزیرآباداورگردونواح کے ہرفرد نے اپنااپناحصہ ڈالاآج اس کالج میںایم اے کی کلاسزمیںپڑھتے طالب علم کودیکھ کربہت ہی مسرت اورخوشی حاصل ہوئی کہ پچاس سال قبل جوپودالگا یا گیا تھاوہ علا قے میںچہورسوعلم کے خزانے تقسیم کررہا ہے۔موجودہ پرنسپل پروفیسرڈاکٹرمحمدآصف ہزاروی اس ادارے کومثالی ادارہ بنانے میںدن رات مصروف رہتے ہیں۔ان کی کوششوںاورمحنت سے یہ ادارہ ضلع بھرمیںنمایاںمقام حاصل کئے ہوئے ہے۔تقریب کے اختتام پرپرنسپل پروفیسرڈاکٹرمحمدآصف ہزاروی کی قیادت میںفروغ تعلیم کارواںریلی نکالی گئی جوسول کورٹس جاکر اختتام پذیر ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) عید الضحیٰ پر مویشی منڈی تاج گارڈن جی ٹی روڈپر ہی قائم ہوگی ۔بیوپاریوںکومکمل سیکیورٹی ،بجلی وپانی سمیت دیگرتمام سہولیات مفت میسرہونگی ۔اسسٹنٹ کمشنرمحمدانوربریار نے اجلاس سے خطاب کرتے ہوئے کہا کہ مویشی منڈی میںداخلہ سے قبل قربانی کے جانوروںکی مکمل ویکسینیشن اورسپرے کیا جائے گا۔مقرر کردہ مویشی منڈی کے علاوہ شہرکی کسی جگہ یاسڑک پرجانوروںکی خریدوفروخت کی اجازت نہیںدی جائے گی۔ٹی ایم او کی سربراہی میںانسدادی ٹیمیںبنا دی گئی ہیں۔خلاف ورزی کے مرتکب کوبھاری جرمانہ اورعید جیل میںگزارنا ہوگی۔دریں اثناء ڈی ڈی ایچ او ڈاکٹرمحمداصغر چوہدری،ٹی ایم او قیصر امین وڑائچ،سی اوشہریاروڑائچ ودیگرنے ڈینگی کے حوالہ سے اوراسے سے بچائو کے حوالہ سے لائحہ عمل طے کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جماعت اسلا می یوتھ ونگ کے زیراہتمام میڈیاپرحملہ،پاکستان کے خلاف ہرزہ سرائی پرایم کیو ایم کے خلاف نکالی گئی ریلی کی قیادت ضلعی نائب صدریوتھ ونگ صابر حسین بٹ،ز مان حیدرچیمہ،عقیل احمد،چیئرمین میڈیا کلب مہرفیاض فیضی،ڈویژنل جنرل سیکرٹری شعیہ علماء کونسل مرزا تقی علی اورمسلم لیگی رہنماملک محمدشہبازکلیار نے کی۔ریلی کے شرکاء سے خطاب کرتے ہوئے مقررین نے کہا کہ غدار وطن ،غدار ملت الطاف حسین کولندن سے واپس لاکرپاکستان میںقانونی کاروائی کی جائے۔الطاف حسین جیسے ملک دشمن کومنطقی انجام تک پہنچانا قومی ذمہ داری ہے۔لندن میںبیٹھ کرپاکستان کے خلاف سازشیں کرنے والے مہاجرین کوبدنام کرنے والے الطاف حسین نے پاکستان،پاک فوج اورملک کے خلاف تقریی اورنعرہ بازی کرکے بھارتی ایجنٹ ہونے کاثبوت دیا ہے۔پاکستان اورملکی اداروںکے بارے بے سروپا الزامات ناقابل برداشت ہیں۔الطاف حسین کومنطقی انجام تک پہنچاناقومی فریضہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) دہشت گردی کے خاتمہ کی کوششوںمیںعسکری،سیاسی اورعوامی طاقتیںایک صفحے پر ہیںدہشت گردی کے بیج کنی کرنے پرفوج پولیس اورعوام کوسلیوٹ پیش کرتے ہیں۔احتجاجی سیا ست کرنے والے ملکی استحکام کوکمزورکررہے ہیں۔انکی سیا ست کوعوام نی یکسرمستردکردیا۔ان خیالات کااظہارممبرقومی اسمبلی جسٹس (ر)افتخاراحمدچیمہ نے کونسلرافتخاراحمدبٹ کی رہا ئشگاہ پرصحافیوںسے گفتگوکرتے ہوئے کیا۔اس موقع پرضلعی صدرمسلم لیگ (ن)مستنصر علی گوندل ایڈووکیٹ،تحصیل جنرل سیکرٹری عمران رسول بٹ،سٹی صدرمقصودڈار،میرایازعامر ودیگرمسلم لیگی ورکروکارکن موجودتھے۔انہوںنے کہا کہ کنٹینرسیاست والے ملک میںانتشارانارکی پھیلاکرارض پاک کوکمزورریاست بنانے کے منصوبے پرکام کررہے ہیں۔پاکستانی عوام انکے سامنے سیسہ پلائی دیوارثابت ہوگی۔انشاء اللہ اقتصادی راہداری سی پیک منصوبہ سے لوڈشیڈنگ کاخاتمہ ہوگا۔2018تک ملک میںخوشحالی کادوردورہ ہوگااورمسلم لیگ 2018کے الیکشن میںعوام کے ووٹ کی طاقت سے حکومت بنائے گی۔انہوںنے کہا کہ بندوق کے زورپربات منوانے کی اجازت نہیںدی جاسکتی آزادصحافت ملک وقوم کااثاثہ ہے۔میڈیا پرحملوںسے آزاد صحافت کاگلہ نہیںدبایا جاسکتا۔کراچی میںٹی وی چینلزپرحملوںکی مذمت کرتے ہیں۔تحصیل وزیرآبامیںداربوں روپے کی گرانٹ سے ترقیاتی منصوبوںپر کام ہورہا ہے۔کئی بڑے منصوبے مکمل ہوچکے ہیں۔میونسپل کمیٹی کی چیئرمین شپ مسلم لیگ (ن)کے ورکروکارکن کے حصے میںآئے گی ۔ماضی میںمسلم لیگ (ن)مخالف کوئی بھی شخص وزیرآبادکی بلدیہ کاچیئرمین نہیںبن سکے گا۔مخصوص نشستوںپر بھی مسلم لیگ (ن)کے حمایت یافتہ امیدوارہی کامیاب ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی) جشن آزادی کی روح کی اصل حقیقت کوپانے کے لئے نوجوان نسل میںقومی نظریہ اورفکری سوچ کی آزادی کی اہمیت کواجاگرکرنا ہوگا۔ ہندو بنیاء ہماری نوجوان نسل کے گمرا ہی کے اسباب پیداکررہا ہے۔14اگست تاریخ ساز دن برصغیرکے مسلمانوںنے حضرت قائد اعظم محمدعلی جناح کی ولولہ انگیزقیادت میںمائوں،بہنوں،بوڑھوںاوربچوںکی لاتعدادشہادتوںکے بعداللہ تعالیٰ کے فضل وکرم سے ملک پاکستان معرض وجودمیںآیا۔ان خیالات کااظہارمسلم لیگ (ن)کے راہنماڈاکٹرمحمدرفیق فضل نے آزادی کانفرنس سے خطاب کرتے ہوئے کیا۔اس موقع پرشازیہ سپرائ،محمدکامران،عاطف احمد،محمدیوسف مومن ودیگربھی موجودتھے۔پاکستان ہمارے بزرگوںسپہ سالاروںاورراہنمائوںکی امانت ہے پاکستان کی سلا متی اورفروغ اسلا م کے لئے امت مسلمہ کومل جل کرجدوجہدکرنا ہوگی۔آزادی ایک نعمت ہے اسکا حقیقی ادراک انہیںلوگوںکوہے جواس نعمت سے محروم ہیں۔ انہوںنے کہا کہ ہندوبنئے کی گھٹیامتعصبا نہ سوچ کے تدارک کے لئے ہمیںاپنی نوجوان نسل کومذہبی تعلیمات کے ساتھ ساتھ تحریک آزادی کے ہیروزکے کارنا مے اوردوقومی نظریہ بارے آگا ہی کے پروگرام منعقدکرنا ہوںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جمعیت علماء پاکستان کے صدر پیر اعجاز احمد ہاشمی،صاحبزادہ شاہ محمد اویس نورانی اور علامہ قاری محمد زوار بہادر نے مطالبہ کیا ہے کہ پاکستان مردہ باد کہنے والوں پر بغاوت کا مقدمہ قائم کر کے برطانیہ سے پاکستان واپس لاکر تختہ دار پر لٹکایا جائے پاکستان مردہ باد کے نعرے کسی طور پر بھی قابل قبول نہیں ”را” کے ایجنٹوں کے خلاف بزدلانہ کاروائی کرنے کی بجائے دلیرانہ فیصلے کیے جائیں ۔ جے یو پی کے رہنمائوں نے کہا کہ دشمن ملک کے ہاتھوں استعمال ہونے اور ان کی فنڈنگ کے ذریعے وطن کے خلاف کام کرنے والی تنظیم کو بین کیا جائے۔رہنمائوں نے کہا کہ ان ہی لوگوں نے منی پاکستان کراچی کی رونقوں کو تباہ ، برباد کیا وہاں قتل وغارت کا بازار گرم کیا آئے روز کی قتل وغارت نے وہاں کے عوام کا جینا دوبھر کردیا کراچی شہر جو ایم کیو ایم کے قیام سے قبل دنیا میں جنت کا نقشہ پیش کرتا تھا آج انسانوں کی قتل گاہ بن چکا ہے۔ رہنمائوں نے کہا کہ میڈیا کے دفاتر پر حملہ کرنے والے دہشت گردوں ،قاتلوں اوربھتہ خوروں کو کیفرکردار تک پہنچایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) شیعہ علماکونسل پنجاب کے صدر علامہ سید سبطین حیدر سبزواری نے کہا ہے کہ بھارت مقبوضہ کشمیر کو اٹوٹ انگ قراردینے کی رٹ چھوڑ کر اقوام متحدہ کی قراردادوں کے مطابق کشمیریوں کو حق خود ارادیت دے، کسی قوم کو زبردستی محکوم نہیں رکھا جاسکتا۔ نریندر مودی کو سفارتی آداب کا ہی علم نہیں، جو بلوچستان اور گلگت بلتستان کے بارے میں بدزبانی اور ہرزہ سرائی کرتے ہیں۔میڈیا سے گفتگو میں علامہ سبطین سبزواری نے کہا کہ کشمیریوں نے بھارت کا جینا دو بھر کردیا ہے، اورایک بار پھر فیصلہ دے دیا ہے کہ کشمیری اپنا آزاد وطن چاہتے ہیں۔ وہ بھارتی تسلط کو تسلیم نہیں کرتے اور مزید قربانیاں دے کر بھی اسے آزاد کروائیں گے۔ انہوں نے کہا کہ کشمیر تقسیم برصغیر کا نامکمل ایجنڈا ہے، بھارت اسے آزاد کرے تاکہ وہ پاکستا ن کے ساتھ الحا ق کرکے قومی دھارے کا حصہ بنیں ، اقوام متحدہ اورعالمی برادری کو سمجھنا چاہئے کہ بھارت کے پاس اس کے سوا کوئی حل نہیں۔ ان کا کہنا تھاکہ اقوام متحدہ میں مسئلہ کشمیر خود بھارت لے کر گیا اور اسے متنازع علاقہ تسلیم کیا، جس میں کشمیری اور پاکستان ایک فریق ہیں۔ اور اب تک آنے والا ردعمل ظاہر کررہا ہے کہ کشمیر کو آزاد کئے بغیر خطے میں امن قائم کرنا ممکن نہیں۔ اس لئے بھارت ہوش کے ناخن لے۔علامہ سبطین سبزواری نے کہا کہ بلوچستان پاکستان کا صوبہ ہے، جس کے عوام محب وطن اور جفاکش ہیں، دہشت گردوں کا افواج پاکستان نے خاتمہ کردیا ہے، جو بچ گئے ہیں وہ بھی ختم ہوجائیں گے۔ انہوں نے کہا کہ حکومت گلگت بلتستان کو پانچواں صوبہ قرارد ے کر بھارت کا منہ بند کیا جائے۔ کیونکہ اس خطے کو ابھی تک آئینی حقوق نہیں دیے گئے۔ جس کے باعث ایک طرف محب وطن عوام میں تشویش ہے تو دوسری طرف بھارت جیسے شرارتی ممالک خرافات بکتے رہتے ہیں۔کراچی کی ایک سیاسی جماعت کے کارکنوں کی طرف سے اے آروائی نیوز اور سما ٹی وی چینلز پر حملوں کی مذمت کرتے ہوئے علامہ سبطین سبزواری نے کہا کہ پاکستان کے خلاف نعرے بازی اور قومی اداروں کے خلاف نفرت ناقابل برداشت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) اسلامی تحریک پاکستان کی سینٹرل کمیٹی کا دو روزہ اجلاس قائد ملت اسلامیہ علامہ سید ساجد علی نقوی کی زیر صدارت جامعہ زینبیہ میں اختتام پذیر ہوا ۔ جس میں تمام سیاسی امور پر باریک بینی سے غور کیا گیااور سیاسی سیل کے گذشتہ روز کے اجلاس کے تمام فیصلوں کی توثیق کی گئی۔اجلاس میں علامہ عارف حسین واحدی، علامہ سبطین حیدر سبزواری، آغا محمد عباس رضوی،سندھ ،بلوچستان ،خیبر پختونخواہ ،گلگت بلتستان ،کشمیر کے مرکزی سیاسی سیل کے ممبران موجود تھے ۔ اجلاس میںیہ طے کیا گیا کہ آئندہ انتخاب 2018ء کے لئے صوبوں میں بھی مرکز سے ہم آہنگی کے ساتھ سیاسی عمل کو تیز کیا جائے گا۔ علامہ ساجد نقوی کا کہنا تھا کہ ہم بلا امتیاز عوامی خدمت پر یقین رکھتے ہیں ،اور کراچی سے لے کر خیبر اور گلگت بلتستان تک مثبت انداز میں عملی طورپر سیاسی میدان میں موجود ہیں جس کی بڑی مثال یہ ہے کہ ماضی میںکے پی کے میں متحدہ مجلس عمل کی حکومت میں بھی شریک تھے اس سے قبل پی ڈی اے کی حکومت کا بھی حصہ رہے اور اسلامی تحریک پاکستان گلگت بلتستان قانون ساز اسمبلی میں مسلم لیگ ن کے بعد دوسری بڑی پارلیمانی جماعت ہے اور ہم مثبت انداز میں آئین کے عین مطابق گلگت بلتستان کے آئینی کے تحفظ اور عوام کی فلاح و ترقی کیلے کوشاں ہیں ۔ علامہ ساجد نقوی کا کہنا تھا کہ مثبت سیاسی جماعتوں کے ساتھ روابط بڑھانے سمیت اسلامی تحریک پاکستان قومی و صوبائی سطح پر ملک بھر میں انتخابی حلقوں کا جائزہ لے کر مخلص اور مضبوط امید وارسامنے لائے گی اور اس سلسلہ میں مرکزی سیاسی سیل نے کام شروع کر دیا ہے ۔ پہلے مرحلہ میں سیاسی عمل کو بڑھاتے ہوئے ووٹرز کا اندراج اور شناختی کارڈ کے اجرا کے لئے یونٹس سطح تک کارکنان کو فعال کیا جائے گا۔ علامہ سید ساجد علی نقوی کا مزیدکہنا تھا کہ ہم ملک میں موجودہ بدلتی ہوئی سیاسی صورتحال کاباریک بینی سے جائزہ لے رہے ہیں اور انہوں نے باور کرایا کہ اسلامی تحریک پاکستان کسی قسم کی ایسی منفی سرگرمیوں کا حصہ نہیں بنے گی جس سے ملک میں جمہوریت کو خطرہ لاحق ہو ۔ ان کا کہنا تھا کہ ہم نے ہمیشہ پاکستان میں بھرپور مثبت سیاسی کردار ادا کیا اور قائد اعظم کاپاکستان بنانے کیلئے جمہوری قوتوں کو مثبت کر دار ادا کر نا ہو گا۔ہم آئین کی بالا دستی اور قانون کی حکمرانی پر یقین رکھتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) “میری پہچان پاکستان”ہر پاکستانی کی آوا ز بن چکا ہے،پاکستان مسلم لیگ یوتھ ونگ نے نوجوان نسل کی راہنما ئی اورتحریک پاکستان میں اہم تاریخی شخصیات کی خدمات پر روشنی ڈالنے کیلئے یوم آزادی کی مناسبت سے ماہ اگست میں “میری پہچان پاکستان”کے عنوان سے ایک اچھی، مثبت اور تعمیری کاوش کا آغاز کیا ہے ان خیالات کا اظہار چوہدری ظہیرالدین جنرل سیکرٹری پاکستان مسلم لیگ پنجاب و سابق اپوزیشن لیڈر پنجاب نے سید بلال مصطفی شیرازی مرکزی صدر مسلم لیگ یوتھ ونگ کے ہمراہ یوتھ ونگ کے عہدیداران سے گفتگو کرتے ہوئے کیا ۔چوہدری ظہیرالدین خاں نے کہا کہ یوتھ ونگ کی مرکزی تنظیم نے پورے ماہ اگست میں ایک اچھے کام کا آغاز کیا ہے نوجوان نسل کو پاکستان کے قیام کے مقصد اوراپنی تاریخ سے آگاہ کرنا موجودہ دور میں ایک اہم ضرورت بن چکا ہے میری پہچان پاکستان کے تحت سوشل میڈیا میں تحریک پاکستان میں نمایاں خدمات سرانجام دینے والی شخصیات اور ان کے کارناموں کو اجاگر کیا جارہا ہے ۔یقینا ہم سب کی پہچان پاکستان ہے جس کے لیے ہمارے بزرگوں، نوجوانوں، خواتین نے بے پناہ قربانیاں دیںاور پاکستان کیلئے اپنی جانوں تک کا نذرانہ پیش کرکے ایک علیحدہ اسلامی فلاحی مملکت کا خواب شرمندہ تعبیر کیا۔اب ہم پر یہ بھاری ذمہ داری عائد ہوتی ہے کہ ہم نوجوان نسل کو اسلامی مملکت کے قیام کی وجوہات اور اس میںقائدین کی قربانیوں سے روشناس کروائیں اور جن مقاصد کیلئے ایک علیحدہ اسلامی مملکت کا قیام عمل میں آیا نوجوان نسل کو ان سے آگاہ کریںاور تکمیل پاکستان کیلئے نوجوان نسل کو تیار کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی) جمعیت علما پاکستان نیازی کے سربراہ قائد اہل سنت پیر سید محمد معصوم حسین نقوی نے کہا ہے کہ پاکستان مخالف نعرے بازی اور الطاف حسین کی اشتعال انگیز تقریر کے بعد اب کوئی شک نہیں رہا کہ ایم کیو ایم ایک دہشت گرد اور فاشسٹ جماعت ہے، جوکہ طالبان سے زیادہ خطر ناک شکل اختیار کرچکی ہے۔ جمعیت سیکرٹریٹ میں احتجاجی اجلاس سے خطاب میں پیر معصوم نقوی نے کہا کہ قومی سلامتی کے خلاف ایم کیو ایم کی نفرت اور اشتعال انگیزی کے بعد اسے سیاسی جماعت کے طور پر زندہ رکھنے کا کوئی جواز نہیں، اب مہاجروں کو ان سے اظہار لاتعلقی اختیار کرلینی چاہیے۔ انہوںنے کہا کہ بھارت کے ساتھ گٹھ جوڑ کی بنا پر اس کے خلاف ایکشن لیا جانا ضروری ہوچکا ہے، حکومت بہانے بازیوں سے باز آجائے، اس کے لئے ضروری ہے کہ قانونی راستہ اختیار کیا جائے۔ ان کا کہنا تھا بھتہ خوری اور قتل وغارت گری کے ملزم الطاف حسین کو وطن واپس لاکر اس کا عدالتی ٹرائیل کیا جائے۔ پیر معصوم نقوی نے کہا کہ ایم کیو ایم طالبان سے زیادہ خطرناک جماعت بن چکی ہے، اس پر پابندی لگانا ضروری ہے۔ انہوں نے کہا کہ پاکستان جمہوری ملک ہے، جس میں آئین اور قانون کی بالادستی ہونی چاہیے، لیکن قانون کو ہاتھ میں لینے والوں کو آہنی ہاتھوں سے نمٹنا چاہیے۔ اور کراچی کے لوگوں کو خوف کی فضا سے نجات کے لئے اقداما ت کئے جانا ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال (جی پی آئی) پاکستان کو مردہ باد کہنے والے خود مردہ ہیں ۔پاکستان زندہ باد ہے اور زندہ باد رہے گا۔ کیونکہ وطن سے محبت ایمان ہے ۔پاکستان ہمارے اسلاف کی قربانیوں کا ثمر ہے جس سے وفاداری ہمارا فرض اولین ہے ۔ ایم کیو ایم کی طرف سے پاکستان مردہ باد کے نعرے کھلی بغاوت اور غداری ہے ۔الطاف حسین اور اس کی جماعت پوری پاکستانی قوم کی مجرم ہے ۔افواج پاکستان اور رینجرز کی کاروائیوں سے وطن عزیز مستحکم و مضبوط ہوا جو را کے ایجنٹو ں کو برداشت نہیں ہو رہا ۔ کراچی کے امن کی تباہی بھی انہی لوگوں کی کارستانیوں کا نتیجہ ہے ۔پاک فوج ہر غدار وطن کو کیفر کردار تک پہنچائے پوری قوم پاک فوج کے شانہ بشانہ ہے ۔ایم کیو ایم جیسی دیگر ملک دشمن پارٹیوں پر فوری پابندی عائد کی جائے ۔پاکستان کی سلامتی و بقا ہمیں جان سے عزیز ہے ۔ان خیالات کا اظہار چیئرمین عالمی ختم نبوت فائونڈیشن و انجمن خدام الصوفیہ رجسٹرڈ و امیر ملت ٹرسٹ انٹرنیشنل پیر سید منور حسین شاہ جماعتی سجادہ نشین دربار عالیہ حضرت امیر ملت علی پور سیداں شریف، چیئرمین ادارہ تاجدار یمن پاکستان علامہ پیر محمد تبسم بشیر اویسی، صدر تحریک اویسیہ پاکستان ضلع نارووال و جنرل سیکرٹری JUPنورانی چوہدری محمد یعقوب اویسی ایڈووکیٹ ،صدر بزم رضائے محمد ۖ ضلع نارووال حافظ محمد عرفان اسلام اویسی، صدر عالمی تنظیم اہلسنت نارووال حافظ محمد اعظم عطاری، ترجمان مرکز اویسیاں نارووال صاحبزادہ محمد عاصم بشیر اویسی ودیگر نے کراچی میں ایم کیو ایم کی طرف سے پاکستان مردہ باد کے نعرے لگانے کے رد عمل میں اپنے تحریری بیان میں کیا ۔ انہوں نے کہا کہ پاکستان میں دہشت گردی اور بد امنی میں بھارتی ایجنسی را کے ساتھ ایم کیو ایم ملوث نظر آتی ہے ۔جو پاکستان کا خیر خواہ نہیں وہ ہمارا نہیں۔ پاکستان نعمت خداوندی کا جس کا انکار کفر کے مترادف ہے ۔ افواج پاکستان آپریشن ضرب عضب میں تیزی لائے اور دشمنان ملک و ملت کا صفایا کردے تاکہ آئندہ نسلوں کو پر امن و مستحکم پاکستان دیا جا سکے۔ انہوں نے مطالبہ کیا کہ حکومت ایم کیو ایم کو کالعدم قرار دے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال(جی پی آئی) سید منظور حسین گیلانی نو منتخب صدر جمعیت علمائے پاکستان ضلع نارووال اور نو منتخب جنرل سیکرٹری چوہدری محمد یعقوب اویسی ایڈووکیٹ کی اطلاع کے مطابق جمعیت علمائے پاکستان (نو رانی ) ضلع نارووال کے زیر اہتمام نیشنل پریس کلب رجسٹرڈ نارووال میں مقام مصطفےٰ ۖ کے تحفظ ،دہشت گردی کے تدارک اور نظام مصطفےٰ ۖ کے نفاذ کیلئے ”پاکستان زندہ آباد پریس کانفرنس ”آج مورخہ 24/08/2016بوقت 5بجے شام زیر سرپرستی علامہ پیر محمد تبسم بشیر اویسی سربراہ اتحاد تنظیمات اہلسنت منعقد ہو گی جس میں مہمان خصوصی حضرت پیر سید اظہر الحسن گیلانی سجادہ نشین آستانہ عالیہ کلی شریف نارووال ہونگے۔ پریس کانفرنس سے مرکزی جنرل سیکرٹری جمعیت علمائے پاکستان نورانی حضرت پیر سید محفوظ شاہ مشہدی MPA،مرکزی سیکرٹری اطلاعا ت علامہ سردار محمد خاں لغاری، صوبائی راہنما JUPعلامہ سید واجد علی گیلانی فرمائیں گے۔ پاکستان زندہ آباد پریس کانفرنس میں پرنٹ اور الیکٹرانک میڈیا کے نمائندگان شرکت کریںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی) خیبر پختونخوا اسمبلی کی سٹینڈنگ کمیٹی برائے زراعت ،لائیو سٹاک ،فشریز اینڈ کوآپریٹو کے چئیرمین ارباب جہانداد خان ایم پی اے نے کہا ہے کہ سٹینڈنگ کمیٹی صوبہ کے تمام سرکلز کا دورہ کرکے مذکورہ محکمہ کے تمام ذیلی محکموں کی کارکردگی اور ضروریات کا جائزہ لے کر تفصیلی رپورٹیں محکمہ کے حکام بالا کے علاوہ وزیر اعلیٰ پرویز خٹک کو پیش کریں گے تاکہ ان محکموں کے مستقبل کی ضروریات کے پیش نظر مناسب اقدامات اٹھائے جائیں اور زراعت ، لائیو سٹاک ،فشریز و کوآپریٹو کے شعبہ میں زیادہ سے زیادہ ترقی کو یقینی بنایا جا سکے کیونکہ یہ محکمے روزگار کی فراہمی اور زیادہ سے زیادہ عوام کی حالت زندگی بہتر بنانے میں کلیدی کردار ادا کرسکتے ہیں انھوں نے کہا کہ پولٹری ،لائیو سٹاک اور دیگر زرعی شعبہ جات میں بہت زیادہ استعداد موجود ہے جو زمینداروں اور کاشتکاروں کی آمدن میں اضافہ کر سکتے ہیں اس موقع پر ضیاء اللہ بنگش ایم پی اے نے بھی خطاب کیا ۔خاتون ایم پی اے محترمہ رقیہ حنا بھی اس موقع پر موجود تھیں۔ مذکورہ بالا تمام محکموں کے ضلع سوات ،شانگلہ ،بونیر ،ملاکنڈ ،دیر لوئیر،دیر اپر اور چترال کے ضلعی افسران نے کمیٹی کو تفصیلی بریفنگ دی انھوں نے اپنی کارکردگی اور مسائل تحریری طور پر بھی کمیٹی کو پیش کئے۔خیبر پختونخوا اسمبلی کے ایکٹنگ سیکرٹری کفایت اللہ آفریدی اور ڈپٹی سیکرٹری غفران اللہ بھی کمیٹی کے ہمراہ ہیں جبکہ کمیٹی مختلف اضلاع میں ان محکموں کے منصوبوں کا موقع پر معائنہ کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)چئیرمین ڈیڈیک سوات فضل حکیم خان نے منگل کے روز گورنمنٹ ڈگری کالج مینگورہ میں سیکنڈ شفٹ کا باضابطہ آغاز کیا ،اس موقع پر کالج کے پرنسپل پروفیسر محمد ریاض ،تحصیل کونسلر شاہد علی ،پی ٹی آئی کے منتخب کونسلرز اور ورکرز بھی موجود تھے۔چئیرمین نے اپنے جذبات کا اظہار کرتے ہوئے کہا کہ سیکنڈ شفٹ کا آغاز جلد ہی دوسرے کالجوں میں بھی کیا جائے گا تاکہ قابل اور محنتی طلبہ کا وقت ضائع نہ ہو اور ان کو ملک وقوم کی خدمت کے بہترین مواقع مل سکیں ۔انھوں نے وزیر اعلیٰ خیبر پختونخوا کا تہہ دل سے شکریہ ادا کیا او ر کہا کہ قوم کے نونہالوں کو اعلیٰ تعلیم کے مواقع فراہم کرنے کے لیے انھوں نے عملی قدم اٹھایا اور ثابت کیا کہ وہ نئی نسل کے مستقبل کے بارے میں کتنے مخلص ہیں ۔انھوں نے یقین دلایا کہ جلد ہی دوسرے کالجوں میں بھی سیکنڈ شفٹ کا اجراء کر کے ہزاروں طلبہ کو داخلہ کے مواقع فراہم کئے جائیں گے ۔یاد رہے کہ ڈگری کالج مینگورہ میں سیکنڈ شفٹ کے داخلے 27اگست تک جاری رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)تحصیل کبل میں گزشتہ کئی ہفتوں سے ٹیلی نار کے نا قص سروس نے صارفین کو کشمکش میں مبتلا کر دیا ہے عوامی حلقوں نے 2دن کے اندر اندر ٹیلی نار سروس میں خرابی دور کرنے کی دھمکی دیتے ہوئے کہا کہ سروس میں خرابی اور 3Gکو فعال نہ کیا گیا تو ٹیلی نیٹ ورک چھوڑنے پر مجبور ہوجائینگے انہوں نے کہا کہ ٹیلی نار والوں نے کئی ہفتوں سے اپنی من مانی شروع کر رکھا ہے ایزی کارڈ اور فری منٹس کے بہانے پر لوٹ مار کا بازار گرم انہوں نے حکومتی وقت اور متعلقہ حکام سے فوری طور پر نوٹس اور قانونی کاروائی کا مطالبہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات(جی پی آئی)تحصیل کونسل میں پولیو مہم کے حوالے ایک اجلاس ہوا جس میں تحصیل نا ظم حاجی رحمت علی، اسسٹنٹ کمشنر حمید علی ، AACسید قادر ، DSPظفر خان کے علاوہ ویلج سیکرٹریز محکمہ ہیلتھ کے نمائندگان سمیت ، محکمہ تعلیم کے نمائندہ نے شرکت کی اجلاس میں پولیو مہم کے حوالے مختلف قسم کی مسائل و مشکلات پر بات چیت کی گئی محکمہ تعلیم کے نمائندہ نے کہا کہ پرائمری سکولز کی 70آسامیاں خا لی ہونے کی وجہ سے پولیو ڈیوٹی پر جانے میں مشکلات ہے ان اسا تذہ کے پروموشن ہوا ہے لہٰذا پرائمری سکول ٹیچرز کے سا تھ ساتھ ہائی سکولز سے پولیو ڈیوٹی کے لئے سٹاف لیا جائے انہوں نے کہا کہ پولیو ڈیوٹی میں مائینٹرنگ کرنے والے اسا تذہ تا حال معاوضوں سے محروم ہے اجلاس میں ویلج سیکرٹریز نے بھی یہ مسئلہ اٹھا یا کہ ہمیں بھی کئی مہینوں سے پولیو ڈیوٹی کے معاوضے نہیں دی گئی ہے اس طرح پولیس اہلکاروں کو بھی معاوضے نہ دینے کی اطلا عات اجلاس سے خطاب میں تحصیل نا ظم حاجی رحمت علی نے کہا کہ پولیو مہم کے حوالے کسی بھی قسم کی مسائل و مشکلات ہو تو فوری طور پر ہمیں اگاہ کیا کریں تاکہ آپ لوگوں کی مسائل و مشکلات کو متعلقہ محکموں کے ساتھ بات چیت کر کے حل کیا جائیگا۔
میڈیا ہاؤسز پر حملہ آزادی اظہار رائے پر حملہ ہے، راجہ ضرار سجاد
گجرات کی خبروں کی تصویری جھلکیاں