پوران (ڈاکٹر تصور حسین مرزا) ممبر قومی اسمبلی و سابق وزیر نوابزادہ اقبال مہدی طویل علالت کے بعد وفات پاگئے ، فوتگی کی خبر جنگل میں آگ کی طرح پھیل گئی ،وزیر اعظم پاکستان اور وزیراعلیٰ پنجاب کا اظہار افسوس، رہائش پر سیاسی ، سماجی ، دینی ، صحافتی اور تمام مکاتب فکر سے تعلق رکھنے والے افراد کا تانتا بندھ گیا ۔ مرحوم و مغفور کا نمازِ جنازہ ان کے آبائی گاؤں دارا پور آج بروز بدھوار مورخہ 25.5.2016 دن 11بجے ادا کی جائے گئی۔۔ تفصیلات کے مطابق سابق وزیر جنگلات و ممبر قومی اسمبلی راجہ نوابزادہ اقبال مہدی طویل علالت کے بعد رضائے الٰہی سے وفات پاگئے ہیں ، وہ گزشتہ کئی ماہ سے جگر کے عارضہ میں مبتلا تھے ، گزشتہ دنوں علاج کی غرض سے انڈیا کے شہر نئی دہلی کے ایک ہسپتال میں علاج کیلئے گئے ، دوران علاج ہی اچانک طبیعت ناساز ہوگئی جو کہ جان لیوا ثابت ہوئی ، فوتگی کی اطلاع ملتے ہی ضلع بھر میں سوگ کی فضاء قائم ہوگئی ،وزیراعظم پاکستان میاں نواز شریف اور وزیراعلیٰ پنجاب میاں شہباز شریف نے فوتگی کی اطلاع سنتے ہوئے ان کی بیٹے راجہ مطلوب مہدی سے بذریعہ ٹیلیفون انتہائی افسوس اور رنج و غم کا اظہار کیا ہے ، مرحوم کی نعش انڈیا سے براستہ واہگہ بارڈر لاہور لائی گئی ہے ،نمازجنازہ بروز بدھ دن گیارہ بجے آبائی گائوں دارا پور میں ادا کی جائے گی۔ یاد رہے کہ مرحوم راجہ نوابزادہ اقبال مہدی جہلم کی سیاست کے بے تاج بادشاہ تھے ، جنرل پرویز مشرف کے آمریتی دور میں بھی مسلم لیگ(ن) کے ساتھ وابستہ رہے ،ان کی خاص بات تمام انتخابات میں ناقابل شکست رہے ، ایک مرتبہ صوبائی وزیر جنگلات اور ایک مرتبہ چیئرمین استحقاق کمیٹی قومی اسمبلی رہے جبکہ چھ مرتبہ قومی اسمبلی کے ممبر رہے ، دوران انتقال بھی وہ مسلم لیگ(ن) کے پلیٹ فارم سے ممبر قومی اسمبلی تھے۔ مرحوم میاں برادران کے انتہائی قریبی حلقہ احباب میں شریک تھے ۔مرحوم کی وفات سے ضلع جہلم ایک معتبر ، شریف النفس اور سنجیدہ سیاستدان سے محروم ہوگیا ہے ، ان کی 30/35سالہ سیاسی زندگی میں آج تک ان پر ایک روپیہ کی کرپشن کا بھی داغ نہیں لگا ، یہی وجہ ہے کہ ان کی وفات کی خبر سنتے ہی ہر آنکھ اشکبار ہوگئی ۔یہ بات بھی قابل ذکر ہے کہ پاکستان تحریک انصاف کی ممبر صوبائی اسمبلی پنجاب نوابزادی راحیلہ مہدی ان کی ہمشیرہ ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران ( ڈاکٹر تصور حسین مرزا ) ڈسٹرکٹ اکائونٹس آفیسر نور محمد اعوان نے جہلم میں اپنے عہدے کا چارج سنبھال لیا ہے اور فرائض منصبی ادا کرنے شروع کر دئیے ہیں۔ قبل ازیں وہ چکوال میں ڈسٹرکٹ اکائونٹس آفیسر کے عہدے فائز رہے۔ نور محمد اعوان ضلعی حکومت میں بھی مختلف اہم عہدوں پر فائز رہے ہیں۔ ڈسٹرکٹ اکائونٹس آفیسر نور محمد اعوان نے کہاہے کہ حکومتی بجٹ میں معاشی ڈسپلن پیدا کرناان کی ترجیحات میں شامل ہے اور تمام معاشی معاملات میں میرٹ کے مطابق کام کیا جائیگا۔ انہوںنے کہاکہ بطور سرکاری آفیسر ہماری اولین ترجیح ہے کہ ہم قانون کے مطابق کام کریں اور دلجمعی سے اپنے فرائض منصبی سرانجام دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران ( ڈاکٹر تصور حسین مرزا )نومنتخب کونسلر وارڈ نمبر2خادم اللہ بٹ نے کہا ہے کہ نوابزادہ اقبال مہدی کی وفات سے ہماری تو دنیا ہی اجڑ گئی ہے ، انہوں نے جس محبت اور شفقت کا اظہار مجھ سے کیا میں زندگی بھر ان کا احسان نہیں اتار سکوں گا ۔ انہوں نے کہا کہ آج لوگوں کا جم غفیر دیکھ کر مجھے محسوس ہوتا ہے کہ وہ نہ صرف ایک اچھے سیاستدان تھے بلکہ ایک عظیم انسان بھی تھے۔ ان کی زندگی غریب پروری کی سینکڑوں مثالوں سے بھری پڑی تھی ، انہوں نے کبھی بھی کسی کا دل نہ دکھایا اور ایمانداری ان کا طرع امتیاز تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ پوران جہلم (رپورٹ۔ڈاکٹر مظہر مشر+ ڈاکٹر تصور حسین مرزا ) جہلم کی سیاست کے بے تاج بادشاہ نوابزادہ اقبال مہدی کی سیاسی زندگی ناقابل شکست رہی ، انہوں نے 1985ء سے سیاسی زندگی کا آغاز کیا ۔ ممبر ضلع کونسل بننے سے لیکر صوبائی وزیر اور چیئرمین استحقاق کمیٹی قومی اسمبلی تک فرائض سر انجام دیئے مگر کرپشن کا ایک روپیہ بھی ان کی سیاسی زندگی کو داغدار نہ کر سکا اور ترقیاتی کاموں کا وہ جال اپنے علاقے میں بچھایا کہ ووٹرز کے پاس جانے کی بھی ضرورت محسوس نہ رہتی تھی ۔مرحوم نے اپنی تعلیم ایچی سن کالج سے حاصل کی ، سپیکر قومی اسمبلی ایاز صادق انکے ہر دلعزیز کلاس فیلوز میں شامل تھے۔ وزیر اعظم پاکستان میاں نواز شریف اور وزیر اعلیٰ پنجاب میاں شہباز شریف ان کو اپنے انتہائی معتبر ساتھیوں میں شمار کرتے تھے ، قریبی ذرائع کے مطابق مرحوم نے دو شادیاں کی تھیں ، ایک شادی سے دو بیٹے اور ایک بیٹی جبکہ دوسری شادی سے دو بیٹیاں ہیں ، انہوں نے ساری زندگی اپنی والدہ کی خدمت میں گذار دی ، آج بھی والدہ اللہ تعالیٰ کے فضل و کرم سے حیات ہیں اور ان کے ساتھ خصوصی شفقت کرتی تھیں ، مرحوم کی 9بہنیں تھیں ،آپ ان کے اکلوتے ہی بھائی تھے ، تمام بہنوں کو اپنے اس بھائی سے انتہا درجے کا پیار تھا ، کبھی بھی انہوں نے اپنی بہنوں کو اف تک نہیں کہا ، ان کی ایک بہن سیاسی طور پر ان کے نقش قدم پر چلتے ہوئے آج پاکستان تحریک انصاف کی طرف سے ممبر صوبائی اسمبلی ہیں ، اس خاندان کو یہ بھی اعزاز حاصل ہے کہ جہاں مرحوم نوابزادہ اقبال مہدی مسلم لیگ (ن) کی قیادت کے انتہائی قریب رہے ، وہیں نوابزادی راحیلہ مہدی بھی پی ٹی آئی میں انتہائی قدر کی نگاہ سے دیکھی جاتی ہیں ،نوابزادہ اقبال مہدی کی سیاسی زندگی اس قدر کشش والی تھی کہ ان کے حلقہ احباب میں نہ صرف مسلم لیگ(ن) کے لوگ تھے بلکہ پیپلز پارٹی ، تحریک انصاف ، جماعت اسلامی غرضیکہ تمام سیاسی جماعتوں کے لیڈران و ممبران بھی شامل تھے ، انہوں نے ساری زندگی جس مشغلہ سے زیادہ لگائو رکھا وہ شکار کے بہت شوقین تھے ، پاکستان بھر سے سیاستدان اور اعلیٰ شخصیات شکار کیلئے ان کے پاس آتے تھے ۔ علاج کے لئے ایک ہفتہ قبل ہی ہندوستان کے شہر نئی دہلی روانہ ہوئے تھے ، انہیں کیا معلوم تھا کہ ان کے دہلی جانے سے اہل جہلم کی ”دِلّی ” ہمیشہ کیلئے ہی اجڑ جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران ( ڈاکٹر تصور حسین مرزا ) درجہ حرارت بڑھنے کے ساتھ غیر اعلانیہ لوڈشیڈنگ میں بھی ہوشرباء اضافہ قابل مذمت ہے حکمرانوں کی طرف سے عوام کو کسی قسم کا کوئی ریلیف میسر نہیں۔2018 میں لوڈشیڈنگ ختم کرنے کادعوی کرنے والے اصل میں اپنا دور اقتدار پورا کرنا چاہتے ہیں۔ان خیالات کا اظہار معروف کالم نویس و صدر گلوبل یونین آف جرنلسٹ رجسٹرڈ یوکے/ پاک ڈاکٹر تصور حسین مرزا آف پوران نے اپنے اخباری بیان میں کیا اور کہا کہ پنجاب کے تمام اضلاع میں بدترین لوڈشیڈنگ کاسلسلہ جاری ہے۔کئی علاقوں میں پانی نایاب ہوچکاہے۔ہر شعبہ ہائے زندگی سے تعلق رکھنے والاشخص سراپااحتجاج ہے۔انہوں نے کہاکہ عوامی مشکلات میں اضافے کے باوجود حکمرانوں نے عوام کے بنیادی ایشوز پرتوجہ نہیں دی۔حکومت کوتوانائی بحران کے خاتمے کیلئے سنجیدگی سے اقدامات کرنا ہوں گے۔کاغذی منصوبے اور ڈنگ ٹپائوپالیسیاں عوام کومحض بے وقوف بنانے کی کوششیں ہیں۔ڈاکٹر تصور حسین مرزانے کہاکہ 20کروڑ عوام حکومتی پالیسیوں سے نالاں اور اذیت کاشکار ہیں مگر کوئی ان کاپرسان حال نہیںہے۔ملک میں اس وقت بجلی کی طلب بڑھ چکی ہے مگرپیداوارمیں اضافہ کرنے کے باعث جہاں ایک طرف عوامی مشکلات میں اضافہ ہواہے وہاں دوسری جانب صنعتی یونٹس بند اور بے روزگاری بڑھ رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران ( ڈاکٹر تصور حسین مرزا)سیاسی مخالفین کو ہر میدان میں شکست دیں گئے، حلقہ کی عوام کا تہہ دِل سے مشکورہیں ، حاجی راجہ اصغر علی پرنس آف پوران راہنماء پاکستان تحریک انصاف ( تحصیل سرائے عالمگیر )نے معروف کالم نویس و صحافی ڈاکٹر تصور حسین مرزا سے ایک غیر رسمی ملاقات میں کیا اس موقع پرپی ٹی آئی کے صوبائی راہنما حلقہ پی پی 114 راجہ نعیم نواز آف پوران، صوفی راجہ محمد لطیف جلالیہ، راجہ عدنان چب و دیگر موجود تھے،راجہ اصغر علی پرنس نے کہا تاریخ گواہ ہے ہمارے اوپر الزامات لگانے والوں کو ہمیشہ منہ کی کھانی پڑتی ہیں۔ انہوں نے کہا اللہ رب العزت کا خصوصی کرم و فضل اور اپنے چاہنے والوں کی دعاوں کا ثمر ہیں جو ہمیشہ ہمیں عزت نصیب ہوتیں ہیں
ملکہ کی خبریں 25/5/2016
حکومت پنجاب پوری ایمانداری سے ملک و قوم کی خدمت کر رہی ہے۔ مظفر محمود سیال