کوٹلہ کی خبریں 10/8/2015

Maler Kotla

Maler Kotla

کوٹلہ : ممبر قومی اسمبلی سالار قافلہ چوہدری عابد رضا کی کاوشوں سے 40 کنال اراضی پر تعمیر ہونے والی علاقہ کی عظیم الشان تعلیمی درسگارہ گورنمنٹ ڈگری کالج برائے خواتین کوٹلہ میں مورا سکالر شپ سکیم کے تحت مستحق بچیوں میں چیک تقسیم کرنے کی پروقار تقریب کاانعقاد کیاگیا سالار قافلہ چوہدری عابدرضا کوٹلہ کے بھائی چوہدری تنویر احمد کوٹلہ پروقار تقریب کے مہمانان خصوصی تھے معزز مہمان خصوصی اپنے ساتھیوں کے ہمراہ جب گورنمنٹ ڈگری کالج برائے خواتین کوٹلہ پہنچے تو پرنسپل کی قیادت میں کالج سٹاف نے مہمانوں کاوالہانہ پرتپاک استقبال کیا بچیوں نے مہمانوں پر پھولوں کی پتیاں نچھاور کیں اور مہمان خصوصی چوہدری تنویر احمد کوٹلہ کو پھولوں کاخوبصورت گلدستہ پیش کیاگیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ : آج فخر کی بات ہے کہ ہزاروں بچیاں اپنے علم کی پیاس بجھا کر اس ادارے سے لوٹ رہی ہیں ان خیالات کااظہار راہنما مسلم لیگ ن چوہدری تنویر احمد کوٹلہ نے مورا سکالر شپ سکیم کی طرف سے مستحق بچیوں میں چیک تقسیم کرنے کی پروقار تقریب سے خطاب کرتے ہوئے کیا انہوں نے کہا کہ حلقہ این اے107 میں6ڈگری کالجز کاقیام اور لاتعداد تعلیمی اداروں کی تعمیر اور اپ گریڈیشن ہماری علم دوستی کاثبوت ہے انہوں نے کہا کہ تبدیلی صرف تعلیم سے آتی ہے اور آپ دیکھ رہے ہیں کہ ہم نے 2008 میں اس تبدیلی کاعزم کیا اور آج آپ کے علاقے میں حقیقی اور عملی تبدیلی آرہی ہے انہوں نے کہا کہ ہم کوٹلہ کے کوئی چوہدری برادران نہیں ہم آپ کے بھائی آپ کے خادم ہیں اور اسی میں ہم فخر محسوس کرتے ہیں جہاں تک ممکن ہوسکا ہر حال میں اپنے علاقہ کے عوام اور عظیم درسگاہ کی سرپرست کرتے رہیں گے اور انشاء اللہ تعالیٰ بلڈنگ کی تعمیر کے بعد اسی ادارے میں ایم اے کلاسز کے اجراء کیلئے کوٹلہ برادران اپنی تمام تر توانائیاں لگادیں گے ۔پٹی ڈائریکٹر کالجز چوہدری افضل مہر نے اپنے خطاب میں کہا کہ آج کالج کی بدلی ہوئی یہ حالت چوہدری عابدرضا کوٹلہ اور چوہدری شبیر احمدکوٹلہ کی مرہون منت ہے انہوں نے کہا کہ چوہدری عابدرضا ایک مرد قلندر ہیں جو اپنے اندر علم کاایک چراغ لیے ہوئے ہیں جب بھی جہاں بھی میٹنگ ہوئی انہوں نے تعلیم پر خصوصا بچیوں کی تعلیم پر زور دیا اور علاقے کی تعمیروترقی اور خصوصا تعلیم کے میدان میں ترقی کیلئے دن رات ایک کیے ہوئے ہیں انشاء اللہ تعالیٰ چوہدری عابدرضا کی وساطت سے جلد بچیوں کو اسی درسگاہ سے ہی ماسٹر کلاسز دی جائیں گی۔کوٹلہ برادران کی تعلیمی اور عوامی خدمات پر بھرپور خراج تحسین پیش کرتاہوں۔ضلعی چیئرمین زکوٰة عشر کمیٹی چوہدری تنویر احمد گوندل نے چیک تقسیم کرنے کی تقریب سے خطاب کرتے ہوئے کہا کہ آنے والی نسلوں کو بہترین مستقبل دینے کیلئے ایم این اے چوہدری عابدرضا کوٹلہ نے جووعدے کیے تھے وہ پورے کیے ہیں آج دس کروڑ روپے کی لاگت سے تعمیر ہونے والی یہ پرشکوہ عمارت ہمارے بچوں کے روشن مستقبل کی بنیاد ہے شاندار تعلیمی خدمات پر کوٹلہ برادران کوخراج تحسین پیش کرتے ہیں آج حلقہ این اے107 میں سڑکوں کے جال بچھائے جارہے ہیں ہر جگہ پل بن رہے ہیں تعلیمی ادارے پروان چڑھ رہے ہیں ایم این اے چوہدری عابدرضاکوٹلہ ایم پی اے چوہدری شبیر احمدکوٹلہ نے عوامی نمائندگی کاحق اداکردیاہے بہت جلد ووکیشنل انسٹیٹیوٹ کوٹلہ کا افتتاح بھی کیاجائے گا کیونکہ کوٹلہ برادران کی طرف سے علاقہ کیلئے بہت بڑی نعمت اور خوشخبری ہے مورا سکالر شپ سکیم وزیراعلیٰ پنجاب میاں شہبازشریف کاویثرن ہے قوم بچوں کامستقبل محفوظ اور روشن بنانے کیلئے یہ مشن شروع کیاگیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ : سول ہسپتال کوٹلہ میںچوہدری تنویر احمد کوٹلہ چوہدری تنویر گوندل اور سابق ناظم راہنما مسلم لیگ ن راجہ عابدحسین ملاگر نے بلڈ بنک کاافتتاح کردیا بلڈ بنک کا قیام چوہدری عابدرضا کی وساطت سے عمل میں آیا سول ہسپتال کی کامیابی اور بلڈ بنک کے قیام کے حوالے سے شفقات عدالت اور ان کی ٹیم کی کارکردگی کوسراہا گیا اس موقع پر چوہدری تنویر احمد کوٹلہ نے ہسپتال عملہ کے مسائل سنے اور ڈی ایچ او ڈاکٹر عابدغوری کو سول ہسپتال کوٹلہ میں ایکسرے مشین آپریٹر کی فوری تعیناتی کی ہدایت جاری کی اور لیڈی ہیلتھ ورکرز کی تعیناتی اور نائٹ شفٹ میں ایمرجنسی ڈاکٹر کی تعیناتی کے حوالے سے بھی ڈی ایچ او کو خصوصی ہدایات دیں اور کہاکہ ہم ہر لمحہ عوام کی خدمت کیلئے حاضر ہیں ہسپتال انتظامیہ یا کسی بھی ڈاکٹر کو کسی بھی حوالہ سے کوئی مسئلہ درپیش ہو تو ڈیرہ چوہدری عبدالمالک کے دروازے ہر وقت کھلے ہیں ہمیں آگاہ کیاجائے ہم چوہدری عابدرضاکوٹلہ کی قیادت میں اولین ترجیح دیتے ہوئے ہر مسئلہ حل کرینگے اس موقع پرپی ایم اے کوٹلہ سٹی کے ممبران کی کثیر تعداد بھی موجودتھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ : حلقہ این اے107میں شجر کاری مہم کے حوالے سے گورنمنٹ ڈگری کالج کوٹلہ ارب علی خان میں پودے لگا کر مہم کاآغاز کردیاگیا چوہدری تنویر احمد کوٹلہ’ چوہدری تنویرگوندل چوہدری افضل مہر راجہ عابد حسین ملاگر حافظ صغیر احمد’ ملک نعیم اعوان ریسیاں’ لالہ افضل چڑیاولہ’ راجہ سکندر مکوال’پرنسپل ادارہ ہذاودیگر سٹاف نے پودے لگائے اور اس موقع پر خصوصی دعا بھی کروائی گئی۔اس موقع پر چوہدری تنویر احمدکوٹلہ نے کہا کہ یہ سفر ایک پودے پرختم نہیں ہوجاتا حلقہ این اے107 کو سرسبز وشاداب بنا کر دم لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ : حلقہ این اے107شجرکاری مہم کے پہلے مرحلے میں ڈیرہ چوہدری عبدلمالک پر 2000پودے تقسیم کیے گئے چوہدری آصف رضا کوٹلہ نے مقامی ممتاز شخصیات معززین علاقہ کے ہمراہ حلقہ پی پی115 کے سکول ملازمین میں پودے تقسیم کیے۔