مصطفی آباد/للیانی (نامہ نگار) تین نا معلوم ڈاکوئوں نے میلہ پر آئے درجنوں افراد سے تین موٹر سائیکلیں، ہزاروں روپے نقدی و موبائل فون چھین کر فرار، پولیس تھانہ مصطفی آباد مصروف تفتیش، تفصیلات کے مطابق گزشتہ رات تین نا معلوم موٹر سائیکل سوار ڈاکوئوں نے کلیاں کے قریب ناکہ لگا کر میلہ سے واپس آنے والے افراد کو اسلحہ کے زور پر لوٹنے کے بعد قریبی کمرے میں بند کرنا شروع کر دیا، 15 سے 20 افراد سے ہزاروں روپے نقدی، درجنوں موبائل فون، تین موٹر سائیکلیں ودیگر قیمتی سامان لوٹ کر فرار ہو گئے، پولیس تھانہ مصطفی آباد نے تفتیش شروع کر دی۔
مصطفی آباد/للیانی(نامہ نگار) اہل خانہ کی غیر موجودگی میں چار افراد نے گھر کے تالے توڑ کر قیمتی سامان چوری کر لیا، مقدمہ درج، تفصیلات کے مطابق نواحی گائوں کتلوہی خورد کی رہائشی برکت بی بی پتوکی میں گئی ہوئی تھی کہ اس کی غیر موجودگی میں یعقوب، اعظم، افضل اور بابر نے گھر کے تالے توڑ کر گندم، نقدی، طلائی زیورات چوری کرکے لے گئے، برکت بی بی درخواست مقدمہ درج۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد/للیانی(نامہ نگار) پرائس کنٹرول ایکٹ کی خلاف ورزی کرنے والے پانچ افراد کے خلاف مقدمہ درج، ایک ملزم گرفتار، تفصیلات کے مطابق ملک شرافت علی سپیشل مجسٹریٹ پرائس کنٹرول قصور نے محمد سلیم، محمد عمران، حفیظ، امجد علی، علی رضا سے فرضی گاہک بھیج کرخریداری کی جنہوں نے ریٹ لسٹ بھی آویزاں نہ کی ہوئی تھی اور اشیا مہنگے داموں فروخت کر رہے تھے، جس پر مذکورہ افراد کے خلاف مقد مہ درج کرکے علی رضا کو موقع سے گرفتار کر لیا جبکہ دیگر ملزمان فرار ہو گئے۔
آئی ایس او ماہ صیام کے دوسرے عشرہ کو قرآن و امامت کے نام سے منائے گی
ڈی پی او قصور سید علی ناصر رضوی کا سبزی و فروٹ منڈی قصور کا دورہ