پے درپے فلموں کی ناکامی: ادتیا رائے نے کرن جوہر سے مدد مانگ لی

Karan Johar

Karan Johar

ممبئی (جیوڈیسک) بالی وڈ کے مشہور اداکار ادتیا رائے نے ایک کے بعد ایک فلم کی ناکامی پر کرن جوہر سے مدد مانگ لی ہے۔

اب تک ادتیا کی فلم یہ ’’جوانی ہے دیوانی‘‘ اور ’’عاشقی 2‘‘ کامیابی حاصل کرسکی ہے لیکن اب ان کا کیریئر پستی کا شکار ہے کیوں کہ اداکار کی 2 فلموں کے بعد کوئی فلم بالی وڈ پر خاطر خواہ کامیابی حاصل نہیں کرسکی ہے۔

ادتیا رائے کی فلم ’’فتور‘‘ اور ’’اوکے جانو‘‘ بھی مداحوں کو سینما گھروں کی طرف لانے میں ناکام ہوئیں۔

بھارتی میڈیا کے مطابق ادتیا فلم کی لگاتار ناکامیوں کے نتیجے میں اپنا کیریئر خطرے میں محسوس کر رہے ہیں اور اسی وجہ سے انہوں نے انڈسٹری کے نامور ہدایت کار کرن جوہر سے مدد مانگ لی ہے۔

کرن جوہر نے ادتیا سے اپنی دوستی کا ثبوت دیتے ہوئے انہیں فلموں کے انتخاب اور کرداروں کے حوالے سے مشورے دیئے ہیں۔

میڈیا رپورٹس کےمطابق اداکار ادتیا رائے کے آنے والے نئے پروجیکٹ بھی کوئی دلچسپ ثابت نہیں ہورہے ہیں جس کے نتیجے میں انہیں بھاری قیمت چکانے کا خدشہ ہے۔