کراچی (جیوڈیسک) ایم کیو ایم کے مستعفی رکن صوبائی اسمبلی سیف الدین خالد کی گاڑی پر نامعلوم افراد نے فائرنگ کی تاہم وہ حملے میں محفوظ رہے۔
ترجمان ایم کیو ایم کے مطابق کراچی کے علاقے نارتھ کراچی الیون اے میں متحدہ قومی موومنٹ کے مستعفیٰ رکن صوبائی اسمبلی سیف الدین کی گاڑی پر فائرنگ کی گئی تاہم وہ اس حملے میں محفوظ رہے ترجمان کا کہنا تھا کہ سیف الدین خالد کی گاڑی پر 4 گولیاں ماری گئیں۔ پولیس کے مطابق 6 حملہ آور 3 موٹرسائیکلوں پر سوار تھے۔
واضح رہے ایم کیو کے رہنما رشید گوڈیل پر 18 اگست کو کراچی کے علاقے بہادرآباد میں قاتلانہ حملہ کیا گیا تھا جس کے بعد انہیں تشویشناک حالت میں اسپتال منتقل کیا گیا جب کہ حملے میں رشید گوڈیل کا ڈرائیور جاں بحق ہوگیا تھا۔
بھارتی فورسز کی ایل او سی پر بلا اشتعال فائرنگ سے ایک طالبہ شہید، 4 شہری زخمی
کراچی کے علاقے قائد آباد سے 9 مطلوب دہشت گرد گرفتار، ترجمان رینجرز