کراچی (اسٹاف رپورٹر) محب وطن روشن پاکستان پارٹی سینٹرل ایگزیکٹو کمیٹی کے قائد و چیئرمین امیر پٹی کی صدارت میں ہونے والے اجلاس 6ستمبر2015ء کو ”ڈیفنس ڈے ” کی گولڈن جوبلی کے موقع پر بڑے پیمانے پر ”یوم تحفظ پاکستان ” منانے کا فیصلہ کیا گیا۔
اجلاس میں چیئرمین امیر پٹی ‘ سینئر وائس چیئرمین فاروق کمال ‘ وائس چیئرمین اسلم خان ‘ صدر محمد سلیمان راجپوت ‘ نائب صدر یونس سایانی ‘جنرل سیکریٹری راجہ انور ایڈوکیٹ ‘ فائنانس سیکریٹری اقبال ٹائیگر’ صدر کراچی ڈویژن اقبال چاند ‘ صدر یوتھ ونگ حاجی امیرعلی خواجہ ‘صدر شعبہ خواتین میڈم انیتا ر’رہنما انسانی حقوق ونگ میڈم تبسم ‘ ذکیہ بیگم’ تمام ضلعی صدور نے شرکت کی۔
اجلاس میں فیصلہ کیا گیا کہ ڈیفنس ڈے کے موقع پر جنگ ستمبر کے شہداء کے علاوہ شہدائے آپریشن ضرب عضب ‘ شہدائے پشاور آرمی پبلک اسکول ‘شہدائے امن اور کراچی میں قیام امن کیلئے جانوں کلا نذرانہ پیش کرنے والے افواج پاکستان ‘ رینجرز اور پولیس کے اہلکاروں و افسران کو بھی خراج تحسین پیش کیا جائے گا۔
جبکہ ایم آر پی کے تحت منعقد ہ تقریب میں آرمی چیف جنرل رحیل شریف ‘ کورکمانڈرز اور سیکورٹی اداروں کے سربراہان کو ان کی مثالی خدمات کا اعتراف کرتے ہوئے ان کے نام پر روشن پاکستان ایوارڈ بھی تقسیم کئے جائیں گے۔
فرقہ پرستوں نے قوم کا مستقبل مخدوش بنا دیا ہے’ پاکستان سولنگی اتحاد
مشرف کی جماعت میں بلدیاتی انتخابات کی تیاریوں کا آغاز