گجرات (جی پی آئی) قائداعظم کے ساتھی مجاہد تحریک ختم نبوت اور مجاہد تحریک پاکستان جگر گوشہ شہنشاہ ولایت حضرت پیر سید محمود شاہ گجراتی کے 23 ویں سالانہ عرس مبارک کے سلسلہ میں عظیم الشان مجاہد ملت کانفرنس کا انعقاد کیا گیا۔ یوم مجاہد ملت کے سلسلہ میں منعقدہ اس عظیم الشان کانفرنس کی صدارت زیب سجادہ آستانہ عالیہ شہنشاہ ولایت پیر سید حسن محمود شاہ گجراتی نے کی ۔ زیر سرپرستی پیر سید سعید احمد شاہ گجراتی منعقد ہوئی۔ جبکہ خصوصی خطاب عالمی مبلغ اسلام صاحبزادہ پیر سیداحمد حسین شاہ ترمذی خطیب اعظم یو کے نے کیا۔ جبکہ عرس مبارک کی تقریب میں ممتاز ماہر تعلیم ماسٹر محمد نواز شاہد نے مجاہد ملت کی خدمات کے حوالہ سے تفصیلی بیان کیا۔ جبکہ نقابت کے فرائض قاری دلاور حسین جلالی نے سرانجام دئیے۔ تلاوت قرآن پاک کا شرف قاری کرامت علی نقشبندی نے حاصل کیا۔ نعت رسول مقبول ۖ ممتاز عالم دین علامہ قاری محمد شعیب ‘ محمود احمد’ حافظ محمد صدیق و دیگر نے پیش کی۔ اس موقع پر پیر سید نور حسین شاہ گجراتی’ پیر سید محمد حسین شاہ ‘ پیر سید حسین محمود شاہ گجراتی’ سید جماعت علی شاہ’ ضلعی رہنما منہاج القرآن پروفیسر مظہر حسین قادری’ محمد یوسف جنجوعہ’ پیپلز پارٹی کے سیکرٹری اطلاعات عبدالرزاق سلیمی’ راجہ اسلم پرویز’ صاحبزادہ فاروق نقشبندی’ مہر جمشید سونی’ و دیگر اہم شخصیات کی کثیر تعداد نے شرکت کی۔ اختتام پر ملکی ترقی و سلامتی کیلئے خصوصی دعائیں کی گئیں اور لنگر تقسیم کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پیر سید محمود شاہ گجراتی نے اپنی ساری زندگی اسلام کی سربلندی کیلئے صرف کی۔ نہ صرف قیام پاکستان بلکہ تحریک ختم نبوت میں بھی انکا کردار ناقابل فراموش ہے ان خیالات کا اظہار خطیب اعظم یو کے صاحبزادہ پیر سید احمد حسین شاہ ترمذی نے یوم مجاہد ملت کے موقع پر منعقدہ عظیم الشان مجاہد ملت کانفرنس کے دوران کیا۔ انہوں نے کہا کہ پیر سید محمود شاہ گجراتی کا شمار ان مذہبی راہنمائوں میں ہوتا ہے جنہوں نے ہمیشہ حق اور سچ کا ساتھ دیا ان کی کاوشوں کی وجہ سے پاکستان میں ختم نبوت کا قانون موجود ہے۔ انہوں نے کہا کہ آستانہ عالیہ شہنشاہ ولایت کی خدمات ناقابل فراموش ہیں اور دنیا میں اس آستانے سے تعلق رکھنے والے دنیا بھر میں فروغ ِ تبلیغ کیلئے کوشاں ہیں۔ میں بھی اسی خدمت میں دن رات کوشاں ہوں۔ صاحبزادہ پیر سید حسن محمود شاہ گجراتی نے کہا کہ دنیا بھر میں شہنشاہ ولایت کی خدمات سنہری حروف میں لکھی جائیں گی اور ہم اپنے آبائو اجداد کے افکار اور تعلیمات کو آگے پہنچاتے رہیں گے۔جو لوگ پاکستان کے قیام کے خلاف تھے اور کہتے تھے کہ ہم پاکستان کی ”پ” آج وہ لوگ پاکستان میں ہر جگہ پر قبضہ کرنے کے در پے ہیں اور خود کو مجاہد پاکستان کہلا رہے ہیں یہ ملک ہمارے اسلاف نے بنایا تھا اور ہم خود ہی اس کے استحکام کیلئے کام کریں گے۔ میرے والد محترم پیر سید سعید احمد شاہ گجراتی بھی جس طرح اسلامی نفاد کیلئے کوشاں رہے ہیں ہمارا عہد ہے کہ ہم اسی طرح کام کرتے رہیں گے۔ ‘ ممتاز ماہر تعلیم اور ادیب ماسٹر نواز شاہد غفاری نے کہا کہ میری زندگی اس آستانے کی خدمت کرتے گزری ہے اور میں نے اس آستانے کے کسی بھی فرد کو باطل کے سامنے جھکتے نہیں دیکھا۔ اس موقع پر دیگر علمائے کرام نے بھی خطاب کیا۔ ملکی ترقی و سلامتی کیلئے دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز سماجی شحصیت مظہر اقبال چوہان کی صاحبزادی کی تقریب رخصتی بشیر میرج ہال گجرات میں منعقد ہوئی۔ ان کی تقریب رخصتی میں بارات کا استقبال علاقہ کی اہم شخصیات نے کیا۔ جن میں سابق تحصیل ناظم حاجی الیاس الرحمن’ چوہدری عطاء اللہ گل’ وائس چیئرمین یونین کونسل فیض آباد طاہر مانڈہ’ حاجی عقیل مانڈہ’ عامر چوہدری’ خالد چوہان اور دیگر معززین کی کثیر تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) غلامان گھمکول شریف کے زیر اہتمام منعقد ہونے والی عظیم الشان محفل ذکر و ختم خواجگان سیکورٹی خدشات کی وجہ سے ملتوی کر دی گئی ہے۔ اب یہ محفل 2 ستمبر بروز جمعتہ المبارک بوقت سہ پہر 5 بجے تک نماز مغرب منعقد ہو گی۔ جس میں اہم شخصیات کی شرکت متوقع ہے۔ افتخار احمد ملہی’ راجہ اسلم پرویز’ کی سربراہی میں دعوت نامے جاری کر دئیے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) طلبہ کی شخصیت کے عملی جوہر کواُجاگر کرنا جامعات کا بنیادی فریضہ ہے۔ جامعہ گجرات اپنے طلبہ میں علم وفن کی سچی لگن کو بیدار کرتے ہوئے انہیں دورِ حاضر کے تقاضوں کے مطابق تعلیم و تربیت سے سرفراز کر رہی ہے۔ جامعہ گجرات نے بزنس انکوبیشن سنٹر کے قیام کو عمل میں لا کر ایک لازمی فریضہ سرانجام دیا ہے۔ ان خیالات کا اظہار وائس چانسلر جامعہ گجرات پروفیسر ڈاکٹر ضیاء القیوم نےBICاورHello Tomorrowکے مابین مفاہمتی یاد داشت پر دستخط کیے جانے کی تقریب کے شرکاء سے خطاب کرتے ہوئے کیا۔ بزنس انکوبیشن سنٹر جامعہ گجرات طلبہ میں انٹر یپرینئر شپ اور سیلف بزنس کی اقدار کو فروغ دینے کے لیے اہم خدمات سرانجام دے رہا ہے۔ اس سنٹر کا قیام امسال عمل میں لایا گیا تھا۔ اس سنٹر میں طلبہ کی پندرہ ٹیمیں کا م کر رہی ہیں۔ جامعہ گجرات نے سیلف بزنس کے فروغ کے لیے ان طلبہ ٹیموں کو نہ صرف دفاتر مہیا کیے ہیں بلکہ ساتھ ہی ساتھ مالی معاونت کے ذریعے ان کی حوصلہ افزائی بھی کی ہے۔ کنسلٹنٹBICمحمد حیدر معراج نے بتایا کہ پاکستان بھر کی انڈسٹری سے وابستہ ممتاز شخصیات نے اس سنٹر کا دورہ کرتے ہوئے اور یہاں پر طلبہ سرگرمیوں کا مشاہد ہ کرتے ہوئے اسے ایک حوصلہ افزا اقدام قرار دیا ہے۔ ھیلو ٹو مارو کے سربراہ سانول منیر حیدر نے BICکا دورہ کیا اور یہاں کام کرنے والی مختلف ٹیموں سے ملاقات کرتے ہوئے ان کے اختراعی منصوبہ جات کا جائزہ لیا۔ سانول منیر نے ان ٹیموں کی حوصلہ افزائی کرتے ہوئےBICکو جامعہ گجرات کا ایک انقلاب آفریں قدم قرار دیا۔ ھیلو ٹو مارو دنیا بھر کے سائنسدانوں اور کارپوریٹ ممبران کے مابین رابطہ کا کردار اداکرتے ہوئے انہیں ٹیکنالوجی کے فروغ بارے اختراعی منصوبہ جات کے ذریعے ایک مشترکہ پلیٹ فارم مہیا کرنے کا فریضہ سر انجام دیتی ہے۔ جامعہ گجرات اور ہیلو ٹو مارو کے مابین مفاہمتی یاد داشت پر ڈائریکٹرSSCمحمد یعقوب اور سانول منیر حیدر نے دستخط کیے۔ اس موقع پر BICکی طلبہ ٹیموں کے اراکین اور جامعہ گجرات کے اساتذہ و انتظامیہ کے سینئر اراکین بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامعہ گجرات کے مختلف شعبہ جات میں زیر تدریس افغان طلبہ کے ایک وفد نے وائس چانسلر جامعہ گجرات پروفیسر ڈاکٹر ضیاء القیوم کے ساتھ ایک خیر سگالی ملاقات کی۔ اس ملاقات کا مقصد دونوں ہمسایہ ممالک کے مابین امن و آشتی کے جذبات کو فروغ دینااور باہمی تعاون کی فضا کو ساز گار بنانا تھا۔ ڈاکٹر ضیاء القیوم نے افغان طلبہ سے مخاطب ہوتے ہوئے کہا کہ جامعہ گجرات اپنے طلبہ میں علم و تحقیق کا اعلیٰ ذوق پید اکرتے ہوئے انہیں معاشرہ کا ایک ذمہ دار فرد بنانے کی راہوں پر گامزن ہے۔ جامعہ گجرات میں زیر تدریس غیر ملکی طلبہ اپنے ملکوں کے سفیر ہونے کا فریضہ سر انجام دے رہے ہیں۔ میری دلی تمنا ہے کہ وہ اپنی تعلیم پرپوری توجہ دیتے ہوئے کامیابی و کامرانی کی منازل کو چھوئیں اور اپنے ملک کا نام بلند کریں۔ جامعہ گجرات نے حالیہ چند سالوں میں ترقی کی کئی منازل طے کرتے ہوئے ملکی جامعات میں اپنا بہترین نام و مقام بنایا ہے۔ افغانستان ہمارا برادر اسلامی ملک ہے اور مجھے خوشی ہے کہ جامعہ گجرات افغانستان کے طلبہ کو علم کی روشنی سے منور کرنے میں کوشاں ہے۔ ڈاکٹر ضیاء القیوم نے افغان طلبہ سے کہا کہ انہیں چاہیے کہ وہ محنت و عزم سے اپنی تعلیم کی تکمیل کرتے ہوئے علمی دنیا میں اپنا مقام پیدا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈنگہ اور نواحی علاقوں کے نوجوانوں کو کھیلوںکی بہتر سہولیات کی فراہمی کیلئے جلد اسٹیڈیم کی تعمیر کا آغاز کر دیا جائے گا، وزیر اعلی پنجاب کے وژن کے مطابق نئی نسل کو صحت مندانہ سرگرمیوںکے مواقع فراہم کرنے کیلئے تمام وسائل بروئے کار لائے جائیں گے۔ ان خیالات کا اظہار ڈی سی او لیاقت علی چٹھہ ، ایم پی اے میاں طارق محمود نے ڈنگہ میں سپورٹس اسٹیڈیم کیلئے اراضی کے معائنہ کے موقع پر بات چیت کرتے ہوئے کیا، اے سی کھاریاں ذوالفقار علی باگڑی، ڈسٹرکٹ سپورٹس آفیسر ندیم بٹ بھی موجود تھے۔ ڈی سی او لیاقت علی چٹھہ نے بتایا کہ اسپورٹس اسٹیڈیم کے لئے ریونیو ڈیپارٹمنٹ نے 4مقامات پر اراضی کی نشاندہی کی ہے تاہم منتخب عوامی نمائندوں اور اہل علاقہ کی مشاورت سے مناسب اراضی کا انتخاب کیا جائے گا۔ انہوںنے کہا کہ حکومت پنجاب نے اس سے قبل جلالپور جٹاں اور کوٹلہ ارب علی خان میں بھی اسٹیڈیم بنانے کی منظوری دی ہے جس کیلئے اراضی حاصل کر لی گئی ہے جبکہ تعمیراتی کا م کی منصوبہ بندی کی جارہی ہے۔ ایم پی اے میاں طارق محمود نے کہا کہ وزیر اعلی پنجاب میاں شہباز شریف کی حکومت دیگر شعبوںکے ساتھ کھیلوںکے فروغ پر بھی خصوصی توجہ دے رہی ہے تاکہ صحت مندمعاشرے کو پروان چڑھایا جاسکے۔ انہوںنے کہاکہ ڈنگہ میںسپورٹس اسٹیڈیم کا قیام نوجوانوںکی صلاحیتوںکو نکھارنے اورانہیںمنشیات کی لعنت سے محفوظ رکھنے کیلئے انقلابی منصوبہ ثابت ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈی سی او لیاقت علی چٹھہ نے عزیز بھٹی شہید ہسپتال اور سول ہسپتال ڈنگہ ٹانڈہ چوک جلالپور جٹاں، اور فوارہ چوک گجرات کا اچانک دورہ کیا ، مریضوں کی عیادت کی اور انہیں فراہم کی جانیوالی سہولیات بارے استسفار کیا ، تجاوزات کے خلاف آپریشن کا جائزہ لیا اور صفائی کے کام کا معائنہ کیا، اے ڈی سی عرفان علی کاٹھیا ،ایم پی اے میاں طارق محمود، ایم پی اے میجر (ر) معین نواز، ایم پی اے حاجی عمران ظفر وڑائچ اے سی ذوالفقار علی باگڑی، ایم ایس ڈاکٹر شیر علی نیازی اور ڈی او روڈز محمد شریف بھی انکے ہمراہ تھے۔ عزیز بھٹی شہید ہسپتال کے دورہ کے موقع پر ڈی سی او نے ایمرجنسی وارڈ میں زیر علاج مریضوں سے مفت ادویات کی فراہمی، ڈاکٹرز و طبی عملہ کے رویہ بارے دریافت کیا اور ہدایت کی کہ حکومت پنجاب کی ہدایات کے مطابق مریضوںکو سو فیصد مفت ادویات کی فراہمی یقینی بنائی جائے۔انہوںنے کہا کہ عزیز بھٹی شہید ہسپتال ایمرجنسی وارڈ میں جدید الٹراسائونڈ مشین فراہم کر دی گئی ہے ۔انہوں نے ایم ایس عزیز بھٹی شہید ہسپتال کو ہدایت کی کہ ایمرجنسی سمیت تمام شعبہ جات میں ڈاکٹرز اور عملہ کی حاضری یقینی بنائی جائے۔ سول ہسپتال ڈنگہ کے دورہ کے موقع پر ڈی سی او لیاقت علی چٹھہ نے ایمرجنسی وارڈ، شعبہ میڈیکل ، لیب، ڈرگ سٹور کا معائنہ کیا۔انہوںنے ہدایت کی کہ ہسپتال میں 24گھنٹے ڈاکٹرز کی موجودگی یقینی بنائی جائے ۔ انہوںنے ڈاکٹرز کو ہدایت کی کہ مریضوںکے ساتھ بہتررویہ اختیار کیا جائے اور انہیں ادویات ہسپتال کے اندر سے ہی فراہم کی جائیں۔ٹانڈہ چوک جلالپور جٹاںکے دورہ کے موقع پر ڈی سی او نے روڈ ڈیپارٹمنٹ کو ہدایت کی کہ چوک کو کھلا اور خوبصورت بنانے کیلئے فوری منصوبہ بندی کی جائے اور جلد سے جلد کام مکمل کیا جائے۔ ڈی سی او نے ٹی ایم اے گجرات شعبہ سینی ٹیشن کے افسران اور ملازمین کو ہدایت کی کہ شہریوں کی سہولت کے لئے جانفشانی سے ذمہ داریاں سرانجام دیں، نکاسی آب کے لئے سیوریج نالوںکی صفائی یقینی بنائی جائے اور کوڑا کرکٹ بروقت ٹھکانے لگایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)پاکستان ہماری اُمنگوں کا محور اور آرزئووں کا مسکن ہے۔ علامہ اقبال کے حسین خواب اور قائد اعظم کی لازوال تعبیر کا حاصل یہ وطن عزیز نسلِ نو سے خلوص، محنت اور عزم کا مطالبہ کرتا ہے۔ قومی دن ملکوں کی تاریخ میں بے پناہ اہمیت کے حامل ہوتے ہیں۔ یوم آزادی ہمارے لیے تجدید عہد اور پیام عمل کا پیامبر ہے۔ قوموں کی زندگی میں ادارے اہم کردار ادا کرتے ہیں۔ ملکی سطح پر حالیہ سالوں میں ہونیوالی تعلیمی وعلمی کاوشیں رنگ لانے کو ہیں۔ ملکی معیشت کو ترقی کی راہوں پر استوار کرنے اور ملکی اتحاد کو مزید مضبوط کرنے کے لیے تعلیم و تربیت کی کشادہ راہیں اپنا دروا کیے کھڑی ہیں۔جس طرح تحریک پاکستان میں نوجوان نسل اور طلباو طالبات کے کردار کو ہمیشہ یادرکھا گیا، اسی طرح پاکستان کی تشکیل نو بھی نوجوان اور پر عزم طلبا وطالبات کی بہترین کاوشوں کی منتظر ہے۔ ایک محب وطن پاکستانی ہونے کے ناطے پاکستانیت کے تصور کو اُجاگر کرنا ہمارا فرض اوّلین ہے۔ ان خیالا ت کا اظہار وائس چانسلر جامعہ گجرات پروفیسر ڈاکٹر ضیاء القیوم نے جامعہ گجرات میں جشن آزادی کے حوالہ سے منعقد ہونے والی تقریبات کے انتظامات کا جائزہ لیتے ہوئے کیا۔ انہوں نے کہا کہ جامعہ گجرات نے پچھلے ایک سال میں ترقی کی کئی نئی منازل کو طے کرتے ہوئے ادارہ کے انتظام و استحکام کو مزید وسعت بخشی ہے۔ طلبہ میں انٹر پرینئیرشپ اور سیلف بزنس کے فروغ کے لیے بزنس انکوبیشن سنٹر کا قیام عمل میں لایا گیا جو نہایت کامیابی سے طلبہ کے ذہنی اُفق کو مزید وسعت عطاکرنے میں کوشاں ہے۔ مزید براں جامعہ گجرات کا تعلیمی ڈھانچہ بہتر سے بہترین کی جانب گامز ن ہے۔ جامعہ گجرات میں طلبہ کی سہولت کے لیے آن لائن ایڈمشن کو متعارف کروایا گیا ہے۔ علاوہ ازیں طلبہ کو ان کے تعلیمی سفر میں ہر قدم پر سہولیات کی فراہمی جامعہ گجرات کا نصب العین بن چکی ہے۔ نوجوان طلبا و طالبات ملک و قوم کا بہترین اثاثہ اور انسانی سرمایہ ہیں۔ جامعہ گجرات ایک روشن مستقبل کی اُمید لیے اپنے محنتی اور ذہین طلبہ و اساتذہ کے سنگ ملکی ترقی میں اپنے حصہ کا ہاتھ بٹانے کے لیے چشم براہ کھڑی ہے۔ہم پاکستان کی بنیادوں کو مضبوط کرتے ہوئے اداروں کی ترقی کے سلسلہ میں کوئی دقیقہ فروگذاشت نہ رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامعہ گجرات نے مختلف شعبہ جات میں داخلہ جات کا آغاز کر دیا ہے۔ امسال جامعہ گجرات نے تمام شعبوں میں مختلف پروگراموں کورسز کے لیے تمام داخلہ جات آن لائن درخواستوں کے ذریعے کرنے کا فیصلہ کیا ہے۔ آن لائن ایڈمشن کا مقصد طلبہ کو غیر ضروری کاغذی کاروائی سے نجات حاصل کرتے ہوئے انہیں داخلہ کے سلسلہ میں سہولیات مہیا کرنا اور داخلہ کے عمل میں میرٹ کو صریحاً ترجیح دیتے ہوئے شفافیت پیدا کرنا ہے۔ تمام داخلہ جات UOGکی ایڈمیشن پالیسی2016ء کے تحت کیے جائیں گے۔ طلبہ اپنی داخلہ کی درخواستیںجامعہ گجرات کی ویب سائٹwww.uog.edu.pkپر مقررہ تاریخ15اگست2016ء سے 05ستمبر2016ء تک لاگ اِن ہو کر جمع کرواسکتے ہیں ۔ اس سلسلہ میں داخلہ کے اہل طلبہ کو کمپیوٹر کے ذریعے تیارکردہ چالان فارم اُن کی ای میل میں بھیج دئیے جائینگے۔ ایڈمشن پراسینگ فیس کی ادائیگی کے لیے چالان فارم ملک بھر میں حبیب بنک لمیٹڈ کی کسی بھی شاخ میں جمع کروائے جا سکیں گے۔ نامکمل درخواستیں زیر غور نہیں لائی جا ئیں گی۔ بعد ازاں ہر طرح سے مکمل درخواست کا پرنٹ آؤٹ معہ چالان فارم و ضروری کاغذات 8ستمبر2016ء تک متعلقہ ڈین یا کیمپس ڈائریکٹر کے دفتر میں جمع کروانا ضروری ہو گا۔ داخلہ کے اہل امیدواروں کی فہرست جامعہ گجرات کے جاری کردہ ایڈمشن کیلنڈر2016ء کے مطابق جامعہ گجرات کی ویب سائٹ اور متعلقہ شعبوں میں آویزاں کر دی جائے گی۔ داخلہ کے طریق کار سے متعلقہ تفصیلات جامعہ گجرات کی ویب سائٹ پر دستیاب ہیں۔ تمام ڈگری کلاسوں کا آغاز10اکتوبر2016ء کو ہو گا۔ جامعہ گجرات نے آن لائن ایڈمشن کے لیے راہنمائی کے سلسلہ میں حافظ حیات کیمپس کے علاوہUOGسٹی کیمپس جی ٹی روڈ، UOGسٹی کیمپس مرغزار کالونی اور UOGسٹی کیمپس فاطمہ جناح گجرات کی کمپیوٹر لیبز میں ہیلپ سنٹر قائم کر دئیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامعہ گجرات کے اساتذہ کا اعزاز…پاکستان کونسل برائے سائنس و ٹیکنالوجی نے جامعہ گجرات کے شعبۂ کیمیکل انجینئرنگ کے اسسٹنٹ پروفیسر ڈاکٹر غلام عباس اورشعبہ فزکس کے اسسٹنٹ پروفیسر ڈاکٹر خالد ندیم ریاض کو بہترین تحقیقی کارنامہ سرانجام دینے پر ریسرچ پروڈکٹیوٹی ایوارڈ(RPA) برائے2015-16ء سے نوازا ہے۔ جامعہ گجرات کے ڈاکٹر غلام عباس اور ڈاکٹر خالد ندیم ریاض کو یہ ایوارڈپاکستان کونسل برائے سائنس و ٹیکنالوجی کی جانب سے منعقدہ ایک خصوصی تقریب میں پیش کیا گیا۔ وائس چانسلر پروفیسر ڈاکٹر ضیاء القیوم نے ڈاکٹر غلام عباس اور ڈاکٹر خالد ندیم ریاض کو مبارکبار پیش کرتے ہوئے کہا کہ ذوق ِ تحقیق رکھنے والے محنتی اساتذہ جامعہ گجرات کے لیے باعث فخر ہیں اور ان کے علمی و تحقیقی کارنامے جامعہ گجرات کی تعلیمی ترقی کا روشن ثبوت ہیں۔ دورِ حاضر میں ٹیکنالوجی کے فروغ کو ملک کی معاشی و سماجی ترقی میں نمایاں حیثیت حاصل ہو چکی ہے۔ جامعا ت اصلاً نئے علوم و فنون کی ترویج و ترقی کے ادارے ہیں اور جامعات میں جاری تحقیقی منصوبہ جات وطن عزیز پاکستان کی معاشی ترقی کی ایک اہم کڑی ہیں۔ جامعہ گجرات اپنے اساتذہ و طلبہ میں علمی و تحقیقی ذوق کے فروغ کے لیے ہر سطح پر انہیں سہولیات کی فراہمی میں پیش پیش ہے۔ جامعہ گجرات علاقہ کی صنعتی ترقی کے لیے ہر قسم کی معاونت مہیا کرنے کو تیار ہے ۔ مجھے اُمید ہے کہ ڈاکٹر غلام عباس اور ڈاکٹر خالد ندیم ریاض کی روشن کردہ شمعِ تحقیق دوسرے لوگوں کے لیے بھی تقلید کا باعث ثابت ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈسٹرکٹ ریٹرننگ آفیسر /ڈی سی او لیاقت علی چٹھہ نے کہا ہے کہ بلدیاتی انتخابات کے دوسرے مر حلے کے انعقاد کے لئے پولنگ سکیم بلاتاخیر مکمل کی جائے، ریٹرننگ افسران غیر جانبدار رہ کر شفاف انتخابات کے انعقاد کے لئے اپنی ذمہ داریاں سرانجام دیں۔ ان خیالات کا اظہار انہوںنے ضلع بھر کے ریٹرننگ افسران کے اجلاس سے خطاب کرتے ہوئے کیا، اے ڈی سی عرفان علی کاٹھیا، ڈسٹرکٹ الیکشن کمشنر فرید اللہ، اسسٹنٹ کمشنرز نورالعین، ذوالفقار علی باگڑی، شعیب نسوانہ، اے ڈی ایل جی محمود اقبال گوندل اور دیگر افسران بھی موجود تھے۔ ڈسٹرکٹ ریٹرننگ آفیسر /ڈی سی او لیاقت علی چٹھہ نے کہا کہ بلدیاتی انتخابات کے دوسرے مرحلے میں ہر ریٹرننگ آفیسر اپنے حلقہ میںپولنگ اسٹیشن قائم کرے گا، غیر جانبدار عملہ کی تعیناتی یقینی بنائی جائے نیز بلدیاتی انتخابات کے دوسرے مرحلے کے دوران پرئیذائڈنگ افسران، اسسٹنٹ اور پولنگ افسران گریڈ 17یا اوپر کے افسران تعینات کئے جائیں گے۔ انہوںنے ہدایت کی کہ ریٹرننگ افسران الیکٹورل کے متعلق تفصیلات تیار کریں اور درکار بیلٹ پیپرز کے حوالے سے الیکشن کمشن کو آگاہ کریں تاکہ بروقت پرننٹنگ کا کام مکمل کیا جاسکے۔ اس سے قبل ڈسٹرکٹ الیکشن کمشنر فرید اللہ اور اے ڈی ایل جی محمود اقبال گوندل نے ریٹرننگ افسران کو بلدیاتی انتخابات کے دوسرے مرحلے کے الیکشن کے انعقاد کے حوالے سے الیکشن کمشن آف پاکستان کے قواعد و ضوابط بارے آگاہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ نے کہا ہے کہ رواںمالی سال کے دوران مزید 15سکولوںکی خطرناک عمارتوںکو مسمار کرکے از سر نو تعمیر کیا جائے گا، منصوبے کے لئے حکومت نے 45ملین روپے کے فنڈز فراہم کر دیے ہیں جبکہ مزید فنڈز کیلئے حکومت سے رجوع کیا جائے گا ، ان خیالات کا اظہار انہوںنے سرکاری سکولوںکی خطرناک عمارتوں کی تعمیر کے حوالے سے اہم اجلاس سے خطاب کرتے ہوئے کیا، اے ڈی سی عرفان علی کاٹھیا،قائمقام ڈی ایم او امان اللہ، ای ڈی او فنانس چوہدری اصغر، ای ڈی او ایجوکیشن طاہر کاشف، ڈی او بلڈنگز محمد شریف و دیگر افسران بھی موجود تھے۔ ڈی سی او لیاقت علی چٹھہ نے کہا کہ ضلع گجرات میںخطرناک قرار دی گئی 24سکولوں کی عمارتوں کی از سر نو تعمیر کا کام گذشتہ شروع کیا گیا تھا اور پہلے مرحلے میں 8سکولوںکی عمارتوں کی از سر نو تعمیر کا کام شروع کیا گیا تھا جس پر کام مکمل کیا جاچکا ہے۔ انہوںنے کہا کہ ابتدائی طور پر دستیاب فنڈز سے فوری طور پر کام کا آغاز کیا جائے جبکہ مزید درکار فنڈز کے لئے حکومت پنجاب کو درخواست کی جائے گی۔ ڈی سی او لیاقت علی چٹھہ نے کہا کہ حکومت پنجاب کی طرف سے سرکاری تعلیمی اداروں میں سہولیات کی فراہمی کے انقلابی پروگرام کے تحت ضلع گجرا ت کے سرکاری سکولوں میں 500اضافی کمرے تعمیر کئے جائیں گے جس سے طلبہ اور اساتذہ کے لئے سہولیات میں اضافہ ہوگا۔ ڈی سی او لیاقت علی چٹھہ نے کہا کہ گرمیوں کی چھٹیاں ختم ہونے کے بعد سرکاری سکول 15اگست سے کھل جائیں گے، تعلیمی سرگرمیوںکے آغاز سے قبل ایجوکیشن اور مانیٹرنگ افسران ان سکولوںکا دورہ کرکے بہتر انتظامات یقینی بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)پولیس تھانہ سول لائن گجرات نے اپنی مرضی سے گھر سے بھاگ کر آئے ہوئے تین بچوں کو اپنی حفاظت میں لے لیا جو سرگودھا روڈ پل کی چھت پر سوئے ہوئے تھے۔مذکورہ بچوں کے والدین نے ان کی گمشدگی پر مختلف تھانوں میں اغواء کے مقدمات درج کروا رکھے ہیں ۔تینوں بچو ں کے نام ارسلان ولد سعید رسول قوم قریشی سکنہ محلہ سلامت پورہ نزد سالم سرگودھا ۔علی حیدر ولد خالد حسین قوم موچی سکنہ موتی بازار کھاریاں۔ محمد بلال ولد جان محمد قوم راجپوت سکنہ نزد شاندار چوک جہلم شامل ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)تھانہ لاری اڈہ کے علاقہ سے دو بچوںکی گمشدگی کا ڈراپ سین ۔تھانہ لاری اڈہ کے علاقہ کالو پورہ سے مسمی محمد ارشد نے مقدمہ درج کروایا کہ اس کا کم سن بیٹا اور بھتیجی کسی نامعلوم شخص نے اغوا ء کر لئے ہیں۔ پولیس تھانہ لاری اڈہ نے مذکورہ دونوں بچو ں کو تلاش کرکے اپنی حفاظت میں لے لیا ۔اور یہ حقیقت سامنے آئی کہ دونوں بچے اپنی نانی کی ڈانٹ کی وجہ سے دل برداشتہ ہو کر اپنی مرضی سے گھر سے چلے گئے تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ڈی سی او لیاقت علی چٹھہ لیاقت علی چٹھہ سے ممتاز کاروباری و سماجی شخصیت چوہدری وسیم حید ملہی اور انکے صاحبزاد ے قاسم وسیم نے ملاقات کی اور انہیں کڈنی سنٹر کی تعمیر کے لئے 20لاکھ روپے عطیہ کا چیک پیش کیا، ای ڈی او فنانس چوہدری اصغر، صدر کڈنی سنٹر ڈویلپمنٹ کمیٹی میاں محمد اعجاز، نثار الدین ساجد راٹھور، ممتاز صحافی مرزا منیر احمد، شہزاد بٹ بھی اس موقع پر موجود تھے۔ ڈی سی او لیاقت علی چٹھہ نے چوہدری وسیم حیدر ملہی اور انکے صاحبزادے کے جذبہ کی تعریف کی اور کہا کہ کڈنی سنٹر کا منصوبہ دکھی انسانیت کی خدمت کا پراجیکٹ ہے جس کی تکمیل سے گردے کے امراض میں مبتلا افراد کو ڈائیلسز کی بہترین سہولیات فراہم کی جا سکیں گی۔ انہوںنے کہا کہ گجرات کے عوام میں اپنے ضلع کی تعمیر و ترقی کا بہت زیادہ جذبہ ہے اور کڈنی سنٹر، برن یونٹ، ماڈل ٹراما سنٹر، جمخانہ، بیوٹیفکیشن کے منصوبہ جات اسکا منہ بولتا ثبوت ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ کے صدر و سابق وزیراعظم چودھری شجاعت حسین نے لندن سے معروف اینکر اور تجزیہ کار ڈاکٹر شاہد مسعود سے ٹیلیفون پر رابطہ کیا۔ ڈاکٹر شاہد مسعود نے جو اس وقت عدالت میں تھے کہا کہ وہ بعد میں رابطہ کریں گے اس پر چودھری شجاعت حسین نے اس شعر پر بات ختم کر دی۔
تندیٔ بادِ مخالف سے نہ گھبرا اَے عقاب
یہ تو چلتی ہے تجھے اونچا اڑانے کیلئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سید نور الحسن شاہ کی وفات سے پیدا ہوئے والا خلاء کبھی بھی پر نہ ہو سکے گا ہم پسماندگان کے ساتھ غم میں برابر کے شریک ہیں ان کی خدمات کو ہمیشہ یاد رکھا جائے گا ان خیالات کا اظہار نوجوان شخصیت راجہ ارسلان نصر مکوال نے کیا۔ انہوں نے کہا کہ سید برادران کلیوال سید منظور حسین شاہ اور سید نور الحسن شاہ نے ساری زندگی مفاہمتی اور بے لوث سیاست کی اور مخالفین کو بھی پرٹوکول دیا ہم سید برادران کی سیاسی خدمات کو ہمیشہ یاد رکھا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)سانحہ کوئٹہ درندگی، ظلم وبربریت کی بدترین مثال ہے دہشت گردوں کی شمع آخری ہچکولے لے رہی ہے ان کا خاتمہ جلد ہونے والا ہے ہم پاک فوج کی مکمل حمایت کرتے ہیں ان خیالات کا اظہار ممتاز سیاسی و سماجی کاروباری شخصیت ملک آفتاب حسین اعوان لمے شریف سابق امیدوار وائس چیئرمین یوسی بھگوال نے کیا۔ انہوں نے کہا کہ سانحہ کوئٹہ میں قیمتی جانوں کے ضیاع پر دلی دکھ ہوا قوم متحد ہو کر دہشت گردوں کا مقابلہ کر کے ثابت کرے گی کہ اس طرح کی مذموم کارروائیاں قوم کے حوصلے پست نہیں کر سکتیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)دہشت گردی کا ناسور جلد کیفر کردار تک پہنچے گا اب ان ظالموں کا وقت ختم ہونے والا ہے ہسپتال میں خود کش حملہ انسانیت دشمنی کی بدترین مثال ہے راء کے دہشت گردوں پر پاک سرزمین تنگ کر دی جائے گی حکومت اور پاک فوج ملکر خاتمہ کریں گے ہم سانحہ کوئٹہ پر غمزدہ ہیں شہداء اور لواحقین کے دکھ اور غم میں برابر کے شریک ہیں اور پرزور مزمت کرتے ہیں ان خیالات کا اظہار مشترکہ طور پر راہنما مسلم لیگ(ن) بدرمرجان، چوہدری محمد اشرف کنجہال سابق امیدوار وائس چیئرمین یوسی بدرمرجان اور چوہدری جاوید کنجہال نے کیا۔ انہوں نے کہا کہ حکومت دہشت گردی کے خاتمے کے لئے پرعزم ہے پاک فوج کے ضرب عضب کی کمل حمایت کرتے ہیں پاک فوج چن چن کر دہشت گردوں کو ختم کرے اور پاکستان کو پھر سے امن و امان کو ختم کرے اور پاکستان کو پھر سے امن کا گہوارہ بنائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)K.C.C اپنے اعزازات کو جہاں برقرار رکھ رہا ہے وہاں پر معیاری اور جدید تعلیم کے فروغ کے لئے بھی عملی طور پر کام کر رہا ہے B.Sc میں سوفیصد رزلٹ اساتذہ کرام کی کارکردگی اور طلباء و طالبات کی محنت کا ثمر ہے ہم اس کامیابی پر اللہ کے حضور سربسجود کامیابی پر طلباء و طالبات کو مبارکباد بھی پیش کرتے ہیں ان خیالات کا اظہار K.C.C راجہ انصر محمود نے کیا۔ انہوں نے کہا کہ B.Sc کے سالانہ امتحانات میں طالبہ ہادیہ رول نمبر623433 نے 504، طالبہ آمنہ رول نمبر623430 نے 489، طالبہ فزاء رول نمبر623426نے 485، طالب علم جنید رول نمبر655782 نے 483 نمبر حاصل کر کے نمایاں پوزیشنیں حاصل کی ہیں جبکہ رزلٹ سو فیصد رہا ہے راجہ انصر محمود نے مزید کہا کہ انشاء اللہ آئندہ بھی تمام کلاسز میں یہ اعزاز برقرار رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)حکومت اور پاک فوج سانحہ کوئٹہ کے دہشت گردوں کو جلد کیفر کردار تک پہنچائے گی سانحہ کوئٹہ کی پرزور مذمت کرتے ہیں شہداء اور زخمیوں کے دکھ اور غم میں برابر کے شریک ہیں ہسپتال میں وکلائ، صحافیوں اور سول سوسائٹی پر ظلم و بربریت غیر انسانی سلوک کی پوری دنیا میں مزمت کی جا رہی ہے ان خیالات کا اظہار راہنما مسلم لیگ(ن) ملک زاہد حسین اعوان پنڈی ہاشم، وائس چیئرمین یوسی بھگوال اور راجہ سجاد حسین پنڈی ہاشم نے مشترکہ طور پر کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی)ایس ایچ او تھانہ صدر کھاریاں چوہدری شہباز ہنجرا کا میڈیا سنٹر گلیانہ روڈ کھاریاں کا دورہ۔ میڈیا سنٹر پہنچنے پر پریس کلب کھاریاں کے عہدیداران اور سینئر اخبار نویسوں نے اُن کا والہانہ اور پرتپاک استقبال کیا۔ استقبال کرنے والوں میں حافظ محمد عمران خلجی، عبدالعزیز گوندل، اعجاز مرزا،تنویر نقوی، میاں محمد ندیم، سید مغفورا لحسنین و دیگر شامل ہیں۔ ایس ایچ او چوہدری شہباز ہنجرا نے علاقہ میں جرائم اور دیگر مسائل کی نشاندہی پر پریس کلب کے ممبران کی کارکردگی کو سراہا۔ ایس ایچ او چوہدری شہباز ہنجرا نے کہا کہ ڈی پی او گجرات سہیل ظفر چٹھہ کی ہدایات کی روشنی میں تھانہ صدر کھاریاں کی حدود میں کسی کو بھی حکومتی رٹ چیلنج کرنے کی اجازت نہیں دی جائے گی جرائم کی روک تھام کے لئے تھانہ صدر کھاریاں کی پوری فورس تندہی، دلیری، جراتمندی سے کام کر رہی ہے۔ چوہدری شہباز ہنجرا نے بتایا کہ چند روز قبل بچی کے ساتھ اجتماعی زیادتی کرنے والے ملزمان کو گرفتار کرلیا ہے اور تفتیش جاری ہے اس کے ساتھ ساتھ گذشتہ روز بچے کے ساتھ بدفعلی کرنے والے درندہ صفت افراد بھی پکڑے گئے ہیں انہوں نے کہا کہ تھانہ صدر کھاریاں کی حدود میں امن و امان قائم رکھنے کے لئے پولیس فورس اپنا کام کر رہی ہے ون ویلنگ کے حوالے سے انہوں نے کہا کہ حکومت پنجاب کے احکامات کی روشنی میں ون ویلروں کے خلاف سخت سے سخت ایکشن لیا جائے گا خاص طور پر 14اگست کے موقع پر ون ویلروں کے خلاف خصوصی ایکشن لیا جائے گا ہر کسی کے خلاف بلاتفریق کارروائی کی جائے گی کوئی بھی قانون سے بالاتر نہیں ہے۔ انشاء اللہ ہر کسی کو میرٹ پر انصاف فراہم کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) سانحہ کوئٹہ دہشت گردی کی بدترین مثال ہے حکومت امن و امان قائم کرنے میں ناکام ہو چکی ہے ملک دشمن قوتیں ملک میں افراتفری پھیلا کر پاکستان کو عالمی سطح پر بدنام کرنا چاہتی ہیں ہم اس واقع کی شدید مذمت کرتے ہیں اور لواحقین کے غم میں برابر کے شریک ہیں ان خیالات کا اظہاروائس چیئرمین یونین کونسل بدر مرجان چوہدری اجمل حسین پیارا (صدرپی ٹی آئی یوتھ ونگ پی پی 115)، صدر پی ٹی آئی یوتھ ونگ تحصیل کھاریاں چوہدری وسیم جاوید بیگہ(کونسلر) نے اپنے مذمتی بیان میں کیا۔ انہوں نے کہا کہ سانحہ کوئٹہ انتہائی افسوس ناک ہے جس کی جتنی بھی مزمت کی جائے کم ہے ضرب عضب کو مزید بہتر بنا کر ملک سے دہشت گردی کا ہمیشہ کے لئے خاتمہ کرنا ہوگا انہوں نے کہا کہ اس افسوس ناک واقعہ میں انڈیا کو نظر انداز میں کیا جا سکتا ہے۔ انہوں نے مزید کہا کہ سانحہ کوئٹہ جیسے واقعات کو روکنے کے لئے پاکستان تحریک انصاف دوسری اپوزیشن جماعتوں کے ساتھ ملکر حکومت اور سیکورٹی اداروں کے ہمراہ جدوجہد جاری رکھے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) المد ثر سپیشل ایجو کیشن با ہر و ا ل کی جا نب سے جشن آ ز ا دی کی تقر یب 14اگست کو منعقد ہو گی ۔ تفصیل کے مطا بق چئیر مین المد ثر سپیشل ایجو کیشن با ہر و ا ل کی جا نب سے 14اگست کو صبح 8بجے المد ثر چو ک جی ٹی رو ڈ سہنہ میں پر چم کشا ئی کی تقر یب منعقد ہو گی ۔ تقر یب میں سیا سی ، سما جی ، مذ ہبی شخصیا ت اور سپیشل بچے شر کت کر یں گے ۔ چئیر مین المد ثر سپیشل ایجو کیشن سید مد ثر حسین شا ہ نے میڈ یا کو بتا یا کہ جس طر ح ملک بھر میں جشن آ زا دی کی تقر یبا ت شا یا ن شا ن طر یقہ سے منا ئی جا ئیں گی ا س طر ح سپیشل بچے بھی کسی سے کم نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)مسلسل تیز بارش کی وجہ سے محنت کش کے مکان کی چھت گرنے سے بیوی جاں بحق،گرمی کی چھٹیاںگزارنے آئی بیٹی اورنواسے زخمی۔موضع بھٹی کامحنت کش محمداشرف ،بیوی حفیظاںبی بی،بیٹی نائیلہ جواپنے بچوں 9سالہ اذان اور5سالہ شاہ زیب کے ساتھ چھٹیاںگزارنے آئی ہوئی تھی رات کو سوئے ہوئے تھے کہ موسلادھاربارش کی وجہ سے یکدم مکان کی چھت زمین بوس ہوگئی جس کے نتیجہ میں حفیظاں بی بی موقع پرجاں بحق ،محمداشرف ،نائیلہ ،اذان اورشاہ زیب زخمی ہوگئے۔محلہ کے لوگوںنے اپنی مددآپ کے تحت زخمیوںکاباہر نکالا۔اسسٹنٹ کمشنرمحمدانور بریار،تحصیلدارغلا م مصطفی انصاری موقع پر پہنچ گئے زخمیوںکوطبی امدادکے لئے ٹی ایچ کیو ہسپتال وزیرآبادپہنچایا گیا۔چھت گرنے کی آواز سن کر ارد گرد کے رہائشی موقع پر پہنچے اور ملبے کے نیچے سے دبے ہوئے افراد کو نکالنا شروع کر دیا۔اے سی محمدانوربریارنے حفیظاںبی بی کے کفن دفن اوراہل خانہ کواشیائے خوردونوش کے انتظامات کئے۔اس موقع پر اہل علاقہ نے وزیراعلیٰ پنجاب میاںمحمدشہبازشریف سے محنت کش محمداشرف کے اہل خانہ کی امدادکی اپیل کی۔ جناح کالونی کے رہائشی محنت کش محمد بوٹا کے مکان کی چھت بھی گرگئی جس کے نتیجہ میں قیمتی سامان تباہ ہوگیا تاہم خوش قسمتی سے تمام افراد محفوظ رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)سب کوسیا سی اختلافات کوبھلاکردہشت گردوںکونیست ونابودکرنے کے لئے سب کواکٹھاہونا ہوگا۔دہشتگردی کامکمل خاتمہ نیشنل ایکشن پلان سے منسلک ہے۔دہشت گرد انسانیت کے دشمن ہیں۔دہشت گردی کے خلاف ہماراحوصلہ وعزم مضبوط ہوا ہے۔ان خیالات کااظہارسابق وزیراعظم آزادجموںکشمیربیرسٹرسلطان محمودنے پی ٹی آئی کے رہنماشبیراکرم چیمہ کی قیادت میںآنے والے وفدسے ملاقات کے موقع پر کیا۔انہوںنے کہا کہ سفاک دہشت گردوںنے یوم آزادی سے قبل پوری قوم کوسوگوارکردیاہے قوم دہشت گردوںکے خلاف متحدہے۔بلوچستان میںملک دشمن عناصر آگ وخون کاکھیل کھیل رہے ہیں۔انہوںنے کہا کہ تحریک انصاف ملک میںآئین وقانون کی حکمرانی کے ساتھ ملک سے کرپشن کاخاتمہ چاہتی ہے جس کے لئے ہماری جدوجہدجاری رہے گی۔انہوںنے کہا کہ تحریک انصاف عمران خاںکی قیادت میںمتحدہے اورکسی بھی صورت پانا مہ لیکس کے معالہ کوادھورانہیںچھوڑے گی بلکہ جب تک پانا مہ لیکس میںسامنے آنیوالے لوگوںکااحتساب نہیںہوگا ہم اس وقت تک آرام سے نہیںبیٹھے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد(جی پی آئی)ضلعی ممبرگوجرانوالہ اووسیزکمیشن پنجاب عدنان افضل چٹھہ نے صحافیوںسے ملاقات میںاسسٹنٹ کمشنرمحمدانوربریارکی جانب سے قبضہ گروپس سے لوگوںکی پراپرٹیزوگزارکرانے پران کی ڈویژن بھرمیںاعلیٰ کارکردگی کوخراج تحسین پیش کیا۔انہوںنے بتلایا کہ اوورسیزکمیشن پنجاب ضلع گوجرانوالہ کے کنونیئرڈی سی او گوجرانوالہ محمدعامر جان نے محمدانوربریارکوڈویژن بھرکی تحصیلوںمیںتحصیل وزیرآبادمیںقبضہ گروپس سے متعددلوگوںکی جائیدادیںوگزارکروانے پرتعریفی سرٹیفیکیٹ دیا۔اس موقع پرعبدالرئوف مغل بھی موجودتھے۔عدنان افضل چٹھہ نے کہا کہ اے سی محمدانوربریارکی قبضہ گرپس کے خلاف کوششوںکوسراہتے ہیںاوردوسرے علا قوںمیںبھی امیدکرتے ہیںکہ انکی تقلیدکرتے ہوئے قبضہ گروپس کے خلاف آپریشن اورقانونی کاروائی ہوتاکہ لوگ اپنی جمع پونجی محفوظ کرسکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی(جی پی آئی)انتہاپسندی ،دہشتگردی کے خاتمے کیلئے پوری قوم حکومت اور ملک کے سلامتی کے اداروں کے ساتھ ہے۔ ایک ماہ گزر گیا مفتی حبیب الرحمن شہید کے قاتلوں کو گرفتار نہیں کیاگیا۔ وزیر اعلیٰ سندھ،ڈی جی رینجرز اور کورکمانڈر کراچی سے اپیل کرتے ہیں کہ مفتی حبیب الرحمن شہید کے قاتلوں کی گرفتاری کیلئے فوری اقدامات اٹھائے جائیں ۔18اگست کو اسلام آباد میں دہشتگردی،انتہاپسندی اور فرقہ وارانہ تشدد کیخلاف ”ندائے امت کانفرنس”ہوگی۔ یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے جامع مسجد صدیق اکبر ، گلستان جوہر کراچی میں پریس کانفرنس سے خطاب کرتے ہوئے کہی۔ اس موقع پر ان کے ہمراہ مفتی حبیب الرحمن شہید کے والد نذیر احمداور بھائی مولانا ضیاء الرحمن ،پاکستان علماء کونسل کراچی ڈویژن کے جنرل سیکرٹری قاری محمد اعظم فارقی،مولانا اللہ بخش طاہر،مولانا عبد الستار ،قاری محمد اسلم ودیگر ذمہ داران بھی تھے۔حافظ محمد طاہر محمود اشرفی نے کہا کہ مفتی حبیب الرحمن کو امن اور اعتدال کی بات کرنے کے جرم میں شہید کیا گیا۔ پاکستان علماء کونسل وطن عزیز پاکستان سے دہشتگردی اور انتہاپسندی کے خاتمے کیلئے سربکف ہے ۔پاکستان علماء کونسل امت مسلمہ کے اتحاد اور وحدت کی بات کرتی ہے۔ حافظ محمد طاہر محمود اشرفی نے کہا کہ امت مسلمہ کے تین ممالک ترکی،پاکستان اور سعودی عرب دہشتگرد قوتوں کے نشانہ پر ہیں۔مدینہ منورہ میں دہشتگردی ہو یا کوئٹہ میں دہشتگرد بے گناہ انسانیت کو نشانہ بنارہے ہیں۔انہوں نے کہا کہ پاکستان علماء کونسل اکتوبر میںکراچی میں مفتی حبیب الرحمن شہید کی یاد میں پیغام امن کانفرنس کرے گی۔ انہوں نے کہا کہ محمود خان اچکزئی ہوں یا کوئی اور یہ وقت اتحاد کا ہے اختلاف کا نہیں۔پاکستانی قوم افواج پاکستان اور ملک کے سلامتی کے اداروں پر اعتماد کرتی ہے اور انشاء اللہ ہم سب مل کر دہشتگردی اور انتہاپسندی کو ختم کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)شیعہ علما کونسل کے زیر اہتمام سانحہ کوئٹہ میں وکلا، صحافیوں اور شہریوں کی شہادت اور زرغون روڈ کوئٹہ پر شریعت کورٹ کے جج کے کانوائے میں بم دھماکے کے خلاف یوم احتجاج منایا گیا۔ جس میںخطبات جمعہ میں علما کرام نے دہشت گردی اور ٹارگٹ کلنگ کی خلاف تقاریر کیں اور قراردادیں منظور کیں۔جبکہ نماز جمعہ کے بعد مساجد اور امام بارگاہوں سے احتجاجی ریلیاں نکالی گئیں۔ لاہور میں گیلیکسی سٹا پ فیروز پور روڈ پر مسجد الحسین سے احتجاجی ریلی شیعہ علما کونسل پنجاب کے صدر علامہ سبطین حیدر سبزواری کی قیادت میں نکالی گئی ۔ جس سے مولانا الحاج حسن رضا قمی، مولانا حافظ کاظم رضا نقوی،شہباز حیدر نقوی اور دیگر رہنماوں نے خطاب کرتے ہوئے کہا کہ محض اجلاس اور ٹاسک فورسزکا قیام ہی کافی نہیں، دہشت گردی سے تنگ قوم اب اس ناسور کا مکمل خاتمہ چاہتی ہے۔ اس لئے حکومت اور ریاستی ادارے اپنی ذمہ داریاں پوری کریں۔تین دہائیاںہوگئی ہیں کہ پاکستان میں ریاستی سرپرستی میں پروان چڑھنے والی تکفیریت اور دہشت گردی نے ریاست پاکستان کی اینٹ سے اینٹ بجا دی ہے۔ عام شہری محفوظ ہے، نہ وکیل اور جج۔ تو عام لوگوں کو انصاف کون فراہم کرے گا۔ علامہ سبطین سبزواری نے کہا کہ دہشت گردی کے خاتمے کے لئے موثر اقدامات کئے جائیں، فوج کے کامبنگ آپریشن کی حمایت کرتے ہوئے مطالبہ کرتے ہیں کہ کوئٹہ اور ڈیر ہ اسمٰعیل خان میں فوجی آپریشن فی الفور یقینی بنایا جائے ، تاکہ ان متاثرہ شہروں سے دہشت گردوں اور ان کے سہولت کاروں کا خاتمہ کیا جاسکے ۔ انہوں نے کہا کہ قائد ملت جعفریہ علامہ سید ساجد علی نقوی نے متعدد بار سکیورٹی اداروں کی توجہ دہشت گردی کی طرف مبذول کروائی اور دہشت گردوں کے نیٹ ورک کو توڑنے کا مطالبہ کیا مگر کوئی ٹس سے مس نہیں ہوا، اہل تشیع ڈیر ہ اسمٰعیل خان میں مسلسل لاشیں اٹھار رہے ہیں۔ کوئٹہ میں ہزارہ شیعہ کو ٹارگٹ کلنگ میں شہید کیا جارہا ہے، مگر کسی کو ملکی سلامتی کی کوئی فکر نظر نہیں آتی۔حکمران ہیں کہ زبانی بیان بازی سے آگے بڑھنے کو تیار نہیں۔جو کہ افسوسناک رویہ ہے۔انہوں نے کہا کہ موثر اقدامات کے بغیر دہشت گردی ختم کرنا ممکن نہیں۔ماضی میں جہاد کی نجکاری جس انداز سے کی گئی اس سے اسلام کو بدنام کیا گیا۔ کرائے کے قاتلوں کو مجاہد کہنا جہاد کی توہین اور فساد فی الارض ہے۔ سکیورٹی اداروں کو بھی اس روش کا نوٹس لینا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور (جی پی آئی)جمعیت علما پاکستان نیازی کے سربراہ قائد اہل سنت پیر سید محمدمعصوم حسین نقوی نے کہا ہے کہ حکومت دہشت گردی کے خاتمے میں مخلص نہیں ، پاکستان کے مخالفین کی اتحا دی حکومت بھارتی جرائم کو بے نقاب کرنے اور بدنام زمانہ خفیہ ایجنسی را کی کارروائیوں کو دنیا کے سامنے پیش کرنے کو تیار نہیں، جو کہ اعتراف جرم ہے۔اگر وکلا اور جج ہی خوفزدہ ہوگئے تو عام آدمی کی انصاف تک رسائی کیسے ہوگی۔عدلیہ اور ہسپتالوں میں دہشت گردی کا شروع ہونا افسوسناک ہی نہیں، حکمرانوں کی غفلت کا منہ بولتا ثبوت بھی ہے۔ میڈیا سے گفتگو کرتے ہوئے پیر معصوم نقوی نے کہا کہ بلوچستان میں پہلے ہزارہ برادری ٹارگٹ کلنگ کاشکار تھی، وکلا کی شہادت اور شریعت کورٹ کے جج کے کانوائے پر حملے سے واضح ہوگیا کہ کوئی بھی محفوظ نہیں۔ انہوںنے کہا کہ حکومت اور ریاستی ادارے عوام کو تحفظ فراہم کرنے میں ناکام ہوگئے ہیں۔و ہ اس کا اعتراف کرکے مستعفی ہوجائیں۔یوم آزادی منانے کی تیاریوں میں مصروف پاکستانی قوم کو دہشت گردی کے واقعات نے افسردہ کردیا ہے۔ ان کا کہنا تھا کہ امریکہ، اسرائیل اور بھارت کے گٹھ جوڑکو توڑنے کے ساتھ دہشت گردی کے سہولت کار مدرسوں اور تنظیموںکا بھی محاسبہ کیا جائے، جوکفر اور شرک کے فتوے لگا کر معصوم شہریوں کے قتل کی ترغیب دیتے ہیں۔ کالعدم لشکر جھنگوی کے سرغنے سوشل میڈیا کے ذریعے اپنے پوسٹر ز پر آرمی چیف کی تصاویر لگارہے ہیں، آئی ایس پی آر کو اس کا نوٹس لینا چاہیے۔ ان کا کہنا تھا کہ جب تک کالعدم فرقہ پرست اور علیحدگی پسند تنظیموں کی سرگرمیوں کو ختم نہیں کیا جاتا،دہشت گرد ی کا خاتمہ ممکن نہیں۔ افغانستان حکومت بھارتی قونصل خانوں کوبلوچستان میں دہشت گردی جاری ر کھنے میں سہولت کار کا کردار ادا کررہی ہے۔قوم کو نہیں بتایا جارہا کہ اسلام آباد کے امریکی سفارت خانے میں میرین کی اتنی بڑی تعداداور افغانستان میں بھارتی قونصل خانوں کی سرگرمیاںکیا ہیں؟پیر معصوم نقوی نے کہا کہ سکیورٹی اداروں نے پاکستان میں اہل تشیع کے افرادکی ٹارگٹ کلنگ کا نوٹس لیا ہوتا تو آج امن و امان کے حوالے سے حالات بہت بہتر ہوچکے ہوتے۔ مگر ایسا نہیں کیا گیا اور اسے فرقہ وارانہ دہشت گردی قراردے کر خاموشی اختیار کی گئی،جبکہ پنجاب حکومت کالعدم تنظیموں کی سرپرستی کرتی رہی ہے،جس کا نتیجہ دہشت گردی کی صورت میں جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیالکوٹ(جی پی آئی)صحابہ کرام رضی اللہ عنہ نسبتِ رسول ۖ پر فخر کرتے رہے ۔ اللہ تعالیٰ نے رسول کریم ۖ کی نسبت سے شہر مکہ کی قسم ارشاد فرمائی ۔مکہ و مدینہ حرمین شریفین بھی پاکیزہ نسبتوں سے بنے ۔جھوٹے مدعی نبوت مسیلمہ کذاب سے جہاد میں صحابہ کرام رضی اللہ عنہم نے نعرۂ رسالت اور ”یا محمد ” (ۖ)کی صدائیں بلند کیں۔ ”یا رسول اللہ (ۖ)” کا نعرہ اسلام اور حامیان اسلام کا نعرہ ہے ۔ملک و قوم کے اتحاد اور امن کا عکاس بھی یہی ہے۔پاکستان نام خدا و مصطفےٰ ۖ کی نسبت سے معرضِ وجود میں آیا ضروری ہے کہ اس میں خدا و مصطفےٰ ۖ کا نظام بھی نافذ کیا جائے ۔ان خیالات کا اظہار مرکزی ناظم اعلیٰ تحریک اویسیہ پاکستان علامہ پیر محمد تبسم بشیر اویسی نے مرکزی جامع مسجد حنفیہ نقشبندیہ رضویہ چوبارہ سیالکوٹ میں دینی اجتماع سے خطاب کرتے ہوئے کیا۔انہوں نے کہا مسلمان وہ ہے جس کے ہاتھ اور زبان سے دوسرا مسلمان محفوظ رہے ۔ ملک و قوم کے استحکام کے لئے فروغِ عشقِ رسول ۖ ضروری ہے ۔ہم نعرۂ رسالت یا رسول اللہ سے وطن عزیز کی فضائوں کو معطر کریں گے ۔ آج آپس کے لڑائی جھگڑے یا سیاسی شور لگانے کی ضرورت نہیں ۔ آج پوری قوم کو اتحاد و یکجہتی کا مظاہرہ کرنے کی ضرورت ہے ۔پاکستان کو مسائل سے نکالنے کیلئے تمام سیاسی پارٹیاں ایک سوچ کی حامل ہو جائیں وہ سوچ صرف اور صرف پاکستان ہو ۔ انہوں نے کہا حقیقی جشن آزادی اُس وقت ہی منائی جا ئے گی جب پاکستان مسائل کی دلدل سے نکل کر ترقی و استحکام کی منزل پر فائز ہو گا اس کے لئے تمام سیاستدانوں کو ایثار و قربانی کا مظاہرہ کرنا ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)کنوینئر ورلڈ مینارٹیز الائینس اورآرگنائزر عوامی مسیحا پارٹی جے سالک نے آج اپنی رہایش گاہ پر اقلیتوں کے حقوق کے حوالے سے ایک اہم پریس کانفرنس سے خطاب کیا۔ پریس کانفرنس میں انہوں نے کہا ہے کہ اقلیتوں کے حقوق کا دن منانے کی بجائے انہیں حقوق دینے کی طرف توجہ دینی چاہیے۔ انہوں نے کہا کہ 11 اگست 1947کی اہمیت یہ ہے کہ بانی پاکستان قائداعظم محمد علی جناح نے اس دن پہلی دستور ساز اسمبلی میں فرمایا تھا کہ اقلیتیں پاکستان کی مقدس امانت ہیںاور برابرکے شہری ہیں، جب ہم انکے افکار کو بھول چکے ہیں تو یہ دن منانے کی کیا تک ہے۔ انہوں نے کہا کہ اٹھارویں ترمیم کے تحت نہ صرف اقلیتوں کو فیڈرل سے نکال کر صوبوں کے انڈر کر دیا گیا بلکہ اقلیتوں سے وزیراعظم بننے کا حق بھی چھین لیا گیا جو کہ قائداعظم کے افکار کی نفی ہے۔ انہوں نے کہا کہ اس دن کے قیام سے اقلیتیں کنفیوژن کا شکار ہیں کہ وہ 11 اگست کو منائیں یا 14 اگست کو، جس سے نہ صرف نیشنل ڈے کی اہمیت میں کمی واقع ہو رہی ہے بلکہ پاکستانی قوم بھی ٹوٹ پھوٹ کا شکار ہو رہی ہے۔ا نہوں نے کہا کہ 11 اگست کو مینارٹی ڈے ڈکلیئر کرنا قوم کو بانٹنے کی ایک سازش ہے۔ انہوں نے کہا کہ
-1اقلیتوں سے وزیراعظم بننے کا حق چھین لیا گیا۔
-2اقلیتوں کو فیڈرل سے نکال کرصسوبوں میں دھکیل دیا گیا۔
-3اقلیتیں اب تک اپنے انتخابی حقوق نہیں حاصل کر پایئں جبکہ اس حوالے سے ایک سال قبل سپریم کورٹ آف پاکستان کا فیصلہ بھی آچکا ہے،
4 -اقلیتوں کی وزارت چھین لی گئی۔
– 5کچی آبادیوں کا برا حال ہے،اور وہ بنیادی سہولیات زندگی سے بھی محروم ہیں
-6ٹھیکے داری نظام کے تحت سینیٹری ورکرز کے تمام حقوق غضب کر لئے گئے اور وہ ذلیل و خوار ہو رہے ہیں
-7اقلیتوں کے مرے کالج، گارڈن کالج اور دیگر جائیدادوں پر حکومت کا ناجائز قبضہ ہے۔
انہوں نے کہا کہ پہلے اقلیتوں کو انکے مندرجی بالا سب حقوق دے لیں تو پھر مینارٹی ڈے بھی منا لینا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جمعیت علما پاکستان کے مرکزی صدر پیر اعجاز احمد ہاشمی نے خود کش حملے میں وکلا صحافیوں اور عام لوگوں کی شہادت کے المناک واقعہ کے بعد شریعت کورٹ کے جج کے قافلے پربم حملہ سکیورٹی پر بڑا سوالیہ نشان ہے۔ہمیں قوم کی طرح سوچنا ہوگا۔ انفرادی سوچ ، جماعتی کریڈٹ لینے اور باقیوں کو تنقید کا نشانہ بنانے کی روایت ختم ہونی چاہیے۔ کارکنوں سے گفتگو میں بلوچستان میں دہشت گردی کے واقعات کو بھارتی ایجنٹو ں کی کارروائی قراردیتے ہوئے پیر اعجاز ہاشمی نے مطالبہ کیا کہ حکومت زبانی جمع خرچ کرنے کی بجائے ٹھوس اقدامات کرے، محض بیان بازی سے قوم تنگ آچکی ہے۔ ان کا کہنا تھا کہ قوم ایک عرصے سے دہشت گردی کا مقابلہ کررہی ہے۔مگر حکمران جماعتیں کریڈٹ لینے کے چکر میں دوسروں کو نیچا دکھانے کی کوشش کرتی ہیں ، لیکن حالات کا تقاضا ہے کہ الزامات کی سیاست سے باہر نکل کر دہشت گردی کے خلاف قومی پالیسی تشکیل دی جائے ۔ پے درپے واقعات سے دہشت گردی کے خاتمے کے حکومتی دعوے بے نقاب ہوگئے ہیں۔ انہوں نے کہا کہ ضرب عضب آپریشن کے اچھے اثرات مرتب ہوئے تھے مگر دہشت گردی کا ابھی تک جاری رہنا چشم کشا اور افسوسناک ہے۔ قوم کو پس پردہ حقائق سے آگاہ کیا جائے۔ ان کا کہنا تھا کہ بھارتی ایجنسی را کے اہلکار کل بھوشن کے انکشافات کی روشنی میں حکومت نے اقدامات کئے ہوتے تو بلوچستان کے مسائل پر قابو پایا جاسکتا تھا، لیکن لگتا ہے کہ روایتی سستی جاری ہے۔ جس کی وجہ سے ڈیر ہ اسمٰعیل خان اور کوئٹہ میں ہونے والی دہشت گردی اور ٹارگٹ کلنگ کو نہیں روکا جاسکا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی) جماعت اہلحدیث پاکستان نے کوئٹہ سانحہ کی شدید مذمت کرتے ہوئے کہا ہے کہ بھارت سمیت پاکستان مخالف قوتیں متحد ہیں،ان کی وطن زیز کے لیء ناپاک سازشوںکا مقابلہ کریں گے، حرمین شریفین کی حفاظت مسلمانوں کو اپنی جان، مال اور عزت سے زیادہ عزیز ہے۔ یہ ہمارے ایمان کا حصہ ہے، پاکستان اورسعودیہ میں دہشت گردانہ حملے عالم اسلام پر حملے ہیں اور جس سے دنیا بھر کے مسلمان سراپا احتجاج و سراپا غم ہیں ارض ِ رسول ۖ میں دہشتگردی سے ہر آنکھ اشک بار اور ہردل مسلم خون کے آنسو رورہا ہے۔ ،گذشتہ روز جمعہ کے بعد علماء کے وفد سے گفتگو کرتے ہوئے جماعت اہلحدیث پنجاب کے امیر حافظ عبدالوحید شاہد روپڑی نے کہا کہ مکہ اور مدینہ کی حفاظت میں کٹ مرنا ہمارا مشن ہو نا چاہیے،حکومت پاکستان کو اس حوالہ سے کوئی دقیقہ فروگزاشت نہیں کرنا چاہیے۔پاکستان، سعودی عرب میں دہشت گردوں کی کارروائیاں عالم اسلام کے خلاف عالم کفر کی منظم سازش ہے۔ انہوں نے کہا کہ بعض نادان مسلمان اپنی جہالت یا دنیوی لالچ میں اغیار کے ہاتھوں استعمال ہو رہے ہیں۔ عالم اسلام متحد ہو کر ہی ان سازشوں کا مقابلہ کر سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)والڈ سٹی آف لاہور اتھارٹی تانگہ ٹورازم کا آغاز 14اگست کو کرے گی۔سیاحوں کیلئے یہ تانگے اندرون شہر میں مختلف راستوں پر چلائے جائیں گے۔والڈ سٹی آف لاہور اتھارٹی کی ترجمان تانیہ قریشی کا کہنا تھا کہ سیاحت کو فروغ دینے کے لئے یہ تانگے چلائے جا رہے ہیں۔تانگے روایتی ثقافتی انداز میں سجے ہوں گے جبکہ تانگے کے ساتھ کوچوان اوراتھارٹی کی جانب سے ٹورسٹ گائیڈ بھی ہوگا ۔ان کا کہنا تھا کہ تانگہ ٹور شام 7سے رات 12بجے تک فورٹ روڈ فوڈ سٹریٹ سے شروع ہوا کرے گا ۔ٹیکسالی، بھاٹی، پانی والا تالاب سمیت لاہور کے 12دروازوں کی سیر اس تانگے پر کی جا سکتی ہے۔تانیہ قریشی نے مزید بتایا کہ رنگیلا رکشہ کے بعد تانگہ ٹورازم کو متعارف کروانے کی بڑی وجہ پرانے لاہور کے ثقافتی اور روایتی حسن کو اجاگر کرنا ہے۔ اندرون لاہور میں سیاحوں کی تعداد میں آئے روز اضافہ ہوتا جا رہا ہے جس کے باعث والڈ سٹی اتھارٹی اس قسم کی سرگرمیاں کروا رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد(جی پی آئی)والدین اپنے بچوں کو ون ویلنگ ،پتنگ بازی اور گھر سے بے جا نکلنے سے منع کریں ۔اپنی نگرانی میں تعلیم و تربیت کا اہتمام کریں ۔ نماز جمعہ کے بعد سانحہ کوئٹہ کیلئے دعائے مغفرت کروائی گئی اور حکومت سے مطالبہ کیا گیا کہ دہشتگردی کے خاتمے کے لیئے سخت اقدامات اٹھائے جائیں ۔ملک سے دہشتگردی انتہاپسندی کے خاتمے اور استحکام پاکستان کے لیئے پاکستان علماء کونسل کے زیر اہتمام 18اگست 2016ء کو اسلام آباد میں ندائے امت کانفرنس ہو گی۔پاکستان علماء کونسل کے مرکزی سیکرٹری جنرل ،ممبر اسلامی نظریاتی کونسل صاحبزادہ زاہد محمود قاسمی نے جمعہ کے خطبہ میں والدین پر زور دیتے ہوئے کہاکہ جس دور سے ہم گزر رہے ہیں ہمیں اپنے بچوں کی نگرانی اور تحفظ خود کرنا ہوگا اس وقت بچے ون ویلنگ،پتنگ بازی اور نشہ آور اشیاء کا استعمال کر رہے ہیں اور والدین کی عدم توجہ کی وجہ سے بچوں میں بے راہ روی بڑھتی جارہی ہے اور ملک میں بچوں کے اغوا کی وارداتوں میں بھی آئے روز اضافہ ہو رہا ہے نوجوان اور بچے پاکستان کا مستقبل ہے ہمیں اپنی نوجوان نسل سے بہت سی توقعات وابستہ ہیں والدین اپنی اولاد کے ساتھ نرمی اور شفقت کا برتائو کریںاور بچوں کو بہترین دینی اور تعلیمی ماحول فراہم کریں اور بچوں کی دیکھ بال اور تعلیم و تربیت کی خود نگرانی کریں اور اولاد اللہ تعالیٰ کی نعمت ہے ملک اور قوم کا سرمایہ ہیں ان کی نگہداشت حفاظت والدین کے ساتھ ساتھ ریاست کی بھی ذمہ داری ہے حکومت بچوں کے اغوا جیسے معاملات کو ہنگامی بنیادوں پر حل کرنے کے لیئے فوری اقدامات اٹھائے اسلام نے ہمیں زندگی گزارنے کے لیئے ایک پورا نظام دیا ہے اگر قرآن و سنت کی پیروی کی جائے تو زندگی خوبصورت بنائی جاسکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور(جی پی آئی)جمعیت علماء پاکستان (نظریاتی)نے کہا ہے کہ پوری دنیا کے لئے نبی رحمت ۖ کا لایا ہوا نظام ہی امن فراہم کر سکتا ہے دیگر تمام نظام باطل ،فرسودہ اور ناکارہ ہو چکے ہیں، عقیدہ ختم نبوت اور ناموس رسالت کا تحفظ کرنے والے حضور ۖ کی ذات اقدس کے چوکیدارہیں۔ان خیالات کا اظہار جے یو پی نظریاتی کے امیر مفتی محمد آصف نعمانی، مرکزی ناظم اعلیٰ حاجی عبدالمجید سیفی سمیت دیگر نے جمعہ کے بعد مختلف وفود سے گفتگو کرتے ہوئے کیا۔علماء مشائخ نے مزہد کہا کہ مقررین نے کہا کہ 295-Cناموس رسالت ایکٹ کی حفاظت ہر صورت کی جائے گی۔ بہت ساری قربانیوں اور صبر آزما جدوجہد کے بعد قادیانیوں کوآئینی اورقانونی طورپر کافر قرار دیا گیا تھا، اپنے بزرگوں کی محنت کو رائیگاں نہیں جانے دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال(جی پی آئی)تحریک اویسیہ پاکستان ضلع نارووال کے زیر اہتمام جشن آزادی کے موقع پر ”تحفظ حرم نبوی و استحکام پاکستان سیمینار مورخہ 13اگست بروز ہفتہ بوقت 2تا 5بجے دن پبلک لائبریری ہال نارووال میں زیر صدارت مرکز ی امیر تحریک اویسیہ پاکستان علامہ پیر غلام رسو ل اویسی اور زیر قیادت سربراہ اتحاد تنظیمات اہلسنت خطیب یورپ علامہ پیر محمد تبسم بشیر اویسی منعقد ہو گا جس میں مہمانان خصوصی وفاقی وزیر پلاننگ پروفیسر احسن اقبال چوہدری، خواجہ محمد وسیم بٹ ایم پی اے، پیر سید منور حسین شاہ جماعتی سجادہ نشین دربار عالیہ حضرت امیر ملت علی پور سیداں شریف ، پیر سید اظہر الحسن شاہ گیلانی سجادہ نشین آستانہ عالیہ کلی شریف، ملک طارق اعوان ضلعی صدر مسلم لیگ (ن) نارووال، پیر سید واجد علی شاہ گیلانی راہنما جمعیت علمائے پاکستان ہونگے ۔ان خیالات کا اظہار ضلعی صدر تحریک اویسیہ پاکستان نارووال چوہدری محمد یعقوب اویسی ایڈووکیٹ نے مرکز اویسیاں نارووال میں منعقدہ سیمینار کے انتظامات کو حتمی شکل دینے کے سلسلہ میں منعقدہ اجلاس سے خطاب کرتے ہوئے کیا ۔ انہوں نے مزید کہا کہ سیمینار میں مرکزی انجمن تاجران رجسٹرڈضلع نارووال کے صدر حاجی مزمل حفیظ بابر،جنرل سیکرٹری ڈاکٹر عبد الحق انصاری ،خواجہ ندیم بٹ صدر مرکزی انجمن شہریاں خصوصی شرکت کریں گے ۔اس موقعہ پر صاحبزادہ محمد عاصم بشیر اویسی، حافظ محمد عرفان اسلام اویسی ،قاری محمد ارشد اویسی، محمد شہزاد اویسی، صوفی شوکت علی اویسی اور دیگر بھی موجود تھے۔
کراچی کی خبریں 13/8/2016
گجرات کی خبروں کی تصویری جھلکیاں