کراچی کی خبریں 19/3/2016

Karachi

Karachi

مشرف کی بیرون ملک روانگی کی اجازت ‘حکومت کیلئے آئینی مدت کی تکمیل کی ضمانت ہے
مشرف کو باہر بھیج کر ایک تیر سے کئی شکار کئے گئے ہیں ‘ ایم آرپی
حکومت نے مشرفی بوٹی دیکر اختیارو اقتدار اور سیاسی مفادات کاسالم بکرہ حاصل کرلیا ہے
مشرف پر آرٹیکل 6لگاکر قومی خزانے و عدالتی سرکاری وقت کے ضیاع کا ذمہ دار ہ کون ہے
کراچی ( اسٹاف رپورٹر )محب وطن روشن پاکستان پارٹی کے قائد وچیئرمین امیر پٹی نے کہا ہے کہ حکومت نے عدلیہ کے کاندھے پر رکھ کر مشرف کو بیرون ملک جانے کی اجازت کی جو بندوق چلائی ہے اس سے نکلنے والی گولی کا شکار پاکستان کا جمہوری نظام بنتا ہے یا عدالتی نظام اس کی زد میں آتا ہے یہ تو وقت ہی بتائے گا مگر یہ حقیقت ہے کہ اس گولی سے حکومت نے کئی سارے شکار ایک ساتھ کئے ہیں ایک جانب محب مشرف حلقوں سے بھی حکومتی آئینی مدت کی ضمانت حاصل کرلی ہے تو دوسری جانب عدلیہ کے کردار پر سوالات کھڑے کرنے میں کامیابی کے ساتھ مستقبل کیلئے خطرہ بننے والے سابق چیف جسٹس افتخار چوہدری کی سیاست شروع ہونے سے قبل ہی اسے مدفون بنانے کا اہتمام اور کراچی کی سیاست کو اپنی مرضی ومنشاءکی سمت موڑنے کا اختیار بھی حاصل کرلیا ہے مگر اس سارے قصہ انتقام میںحکومت مشرف کی بوٹی دیکر اختیارو اقتدار اور سیاسی مفادات کابکرہ حاصل کرلیا ہے مگر پاکستان کے عوام کو جس قدر نقصان ہوا ہے ا س کا ازالہ کون کرےگا یہ وہ سوال ہے جس کا جواب مشرف پر جبراً آرٹیکل 6لگاکر قومی معیشت کی بربادی اور اس کی کیس کی پیروی کیلئے قومی خزانے اور عدالتی و سرکاری وقت کی تباہی کرنے والے حکمران کسی صورت دینے کیلئے کبھی تیار نہیں ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وسط ایشیائی ریاستوں کے ساتھ معاہدات خوش آئندہیں ‘ جی کیوا یم
وسط ایشیائی ریاستوں سے تعلقات پاکستان کو بڑی طاقت بناسکتے ہیں‘ گجراتی سرکار سورٹھ ویر
وسط ایشیائی ریاستوں کو بھی اپنی دفاعی مضبوطی کیلئے پاکستان جیسے بڑے ملک کی ضرورت ہے
کراچی ( اسٹاف رپورٹر ) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے پاکستان و ترکمانستان کے درمیان منی لانڈرنگ، دہشت گردی کی مالی اعانت کی روک تھام کیلئے‘ فنانشل انٹیلی جنس اور توانائی کے فروغ کیلئے 21سمجھوتوں اور مفاہمتوں پر دستخط کو خوش آئند قرار دیتے ہوئے کہا ہے کہ وسط ایشیائی ریاستوں کے ساتھ تعلقات کو مضبوط بنا کر پاکستان خطے میں ایک بڑی طاقت بن سکتا ہے جبکہ وسط ایشیائی ریاستوں کو بھی اپنے دفاع کو مضبوط بنانے کیلئے کسی بڑے ملک کی مدد کی ضرورت ہے اورپاکستان ان کی دفاعی ضرورتیں پوری کرنے کی طاقت رکھتا ہے اگر ان ریاستوں کے ساتھ چین جیسے مضبوط تعلقات قائم ہو جاتے ہیں تو پھر خطے میں پاکستان کی طرف کوئی بھی میلی آنکھ سے دیکھنے کی جرا ¿ت نہیں کریگاجبکہ ان منصوبوں سے عوام کا معیار زندگی بہتر ہو گا اور دونوں ممالک کے مابین باہمی مضبوط تعلقات قائم ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فوج اور عسکری قیادت درست سمت سفر کررہی ہے‘ سولنگی اتحاد
سیاسی قیادت کا قبلہ درست رہا تو فوج جلد دہشتگردی سے قوم کو نجات دلادیگی‘ امیر سولنگی
دہشتگردی کیخلاف جنگ میںپاک فوج کے کردار پر دنیا کا اعتماد قوم کا فخر ہے‘ کرم اللہ سولنگی
کراچی ( اسٹاف رپورٹر ) یورپی یونین کے افغانستان کیلئے نمائندے کی جنرل راحیل شریف سے ملاقات میں آپریشن ضرب عضب میں پاک فوج کے کردار کی تعریف کو افواج پاکستان کی اخلاقی فتح قرار دیتے ہوئے پاکستان سولنگی اتحاد کے سینئر وبزرگ رہنما امیر سولنگی اور سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی ‘ ایڈاکیٹ کرم اللہ سولنگی ‘ ایڈوکیٹ اقبال سولنگی و دیگرنے کہا کہ افواج پاکستان کی پیشہ ورانہ صلاحیت ‘ محبانہ کردار ‘ دیانتداری و فرض شناسی اور ایثار و قربانیاں قابل قوم کیلئے ہمیشہ سے قابل فخر اور قیمتی سرمایہ رہی ہیں مگر اب دنیا بھی اس بات کا اعتراف کررہی ہے جو اس بات کا ثبوت ہے کہ فوج اور عسکری قیادت درست سمت سفر کررہی ہے اور اگر سیاسی قیادت اپنا قبلہ درست رکھتے ہوئے روایات کے مطابق فوج کے معاملات میں مداخلت نہ کرے تو فوج یقینا بہت جلد دہشتگردی کا ناسور جڑ سے اکھاڑ کر پاکستان کو مکمل طور پر پر امن بنانے میں کامیا ب ہوجائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اراکین پارلیمنٹ کو مگرمچھ کے آنسو زیب نہیں دیتے ‘ راجونی اتحاد
استحصال خاندان ‘ اقتدار گھرانے اور لوٹ مار فیملی کاکوئی ممبر غریب نہیں ہے‘ اقبال ٹائیگر
مفادات کیلئے یکجا ہونے والے ملک و قوم سے کبھی مخلص نہیں ہوسکتے ‘ حاجی امیر علی خواجہ
کراچی ( اسٹاف رپورٹر )پاکستان میں بسنے والے مفلس عوام پر مسلط دولتمندحکومتی و اپوزیشن اراکین اسمبلی کا اپنی تنخواہوں میں اضافے کیلئے اتحاد اس بات کا ثبوت ہے کہ استحصالی عناصر صرف عوامی اتحاد میں دراڑیں ڈالنے کیلئے الگ الگ سیاسی جماعتوں کا سہارا لئے ہوئے ہیں مگر حقیقتاً مفادات کے حصول کیلئے یہ سب ایک ہی نہیں بلکہ ایک ہی خاندان سے تعلق رکھتے ہیں جس کا نام استحصال خاندان یا اقتدار گھرانہ اور لوٹ مار فیملی ہے ۔پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما سردار خادم حسین سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ اور خان آف بدھوڑہ یحییٰ خانجی تنولی و دیگر نے اراکین اسمبلی کی جانب سے قومی اسمبلی میں روئے جانے والے غربت کے رونے کو منافقت اور مگر مچھ کے آنسو قرار دیتے ہوئے کہا کہ قوم کو لوٹنے ‘ ٹکڑوں میں بانٹنے ‘ نفرت پھیلانے ‘طبقاتی تضاد کی فصل بونے اورمفادات کیلئے ہر ناجائز کو جائز قرار دینے اور احتساب کیخلاف متحد ہونے والے اسی طرح ڈرامہ کرکے خود کو محفوظ ومظلوم بنانے کی کوششیں کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت کو مہذب ملک بنانے کا مودی عزم قابل توصیف ہے‘ این جی پی ایف
بھارتی جنونیت ‘ جارحیت ‘اشتعال انگیزی اور حیوانیت بھارت کے غیر مہذب ہونے کی دلیل ہے
پاکستان سے بلا مشروط مذاکرات اور کشمیر میں فوجی آپریشن رکواکر مودی اپنے خلوص کا ثبوت دیں
کراچی ( اسٹاف رپورٹر ) بھارت میں جنونیت کے آگے حیوانیت تک بڑھتی ہوئی مذہبی انتہا پسندی کے باعث ہندو انتہا پسندوں ‘ بھارتی حکمرانوں اور بھارتی فوج کا اشتعال انگیز وجارحانہ کردار و اعمال اور کشمیر میں بھارتی فوج کے ہاتھوں انسانی حقوق کی خلاف ورزی و انسانیت کی تذلیل حقیقی معنوں میں بھارت کو غیر تہذیب یافتہ ثابت کرتے ہوئے اسے مہذب بنانے کی ضرورت پر زور دے رہا ہے اور بھارتی وزیر اعظم نریندر مودی کی جانب سے اس ضرورت کا ادراک اور بھارت کو مہذب ملک بنانے کیلئے کوششیں جاری رکھنے کا عزم یقینا قابل توصیف ہے ۔ نیکسٹ جنریشن پروٹیکشن فا ¶نڈیشن کے آرگنائزر و چیئرمین عمران چنگیزی ‘وائس چیئرمین فیصل خان ‘ صدر عقیلہ غوری ‘ جنرل سیکریٹری حاجی امیر علی خواجہ ‘جوائنٹ سیکریٹری سید آصف حسین آغا اور ایم آر پی سربراہ امیر پٹی نے کہا ہے کہ نریندر مودی اپنے عزم پر عمل کا آغاز کشمیر میں بھارتی فوج کو کشمیریوں کے قتل عام سے روک کر کریں اور پھر پاکستان سے کشمیر سمیت تمام تنازعات پر غیر مشروط مذاکرات کے آغاز کے ذریعے ثابت کریں کہ ان کا عزم چانکیائی سیاست کا حصہ نہیں بلکہ حقیقی معنوں بھارتی عوام کے ماتھے پر لگے حیوانیت کے داغ کو دھونے کا خلوص ہے۔