مشرف کی جماعت میں بلدیاتی انتخابات کی تیاریوں کا آغاز

Election

Election

کراچی (اسٹاف رپورٹر) مشرف کی جماعت کا بلدیاتی انتخابات میں بھرپور حصہ لینے کا فیصلہ و اعلان ‘ انتخاب لڑنے کے خواہشمندوں سے درخواستیں طلب ‘ درخواستوں کی اسکروٹنی کیلئے کمیٹی قائم۔

تفصیلات کے مطابق حسینی ہا¶س میں صوبائی صدر شہاب الدین شاہ حسینی کی صدارت میں منعقد ہونے والے آل پاکستان مسلم لیگ کی صوبائی کابینہ کے اجلاس میں شریک جنرل سیکریٹری شاہد قریشی ‘ ایڈیشنل جنرل سیکریٹری وسیع الدین‘ جوائنٹ سیکریٹری سلیمان احمد‘ فائنانس سیکریٹری جمیل احمد ‘ ڈپٹی فائنانس سیکریٹری محمد مشرف ‘سینئر نائب صدر کراچی ڈویژن اسلم مینائی ‘ جنرل سیکریٹری مصطفی مرزا ‘ صدر حیدرآباد ڈویژن غلام مصطفی میمن ‘ شعیب ملک ‘ وومین ونگ کی عہدیداران فیروزہ وارثی و فہمیدہ جاکھرانی اور سندھ کے تمام اضلاع و تحصیلوں کے صدور نے باہمی مشاورت سے بلدیاتی انتخابات میں بھرپور حصہ لینے کا فیصلہ کیا۔

تمام ضلعی و تحصیلوں کے صدور کو امیدواران سے درخواستوں کی وصولی اور صوبائی الیکشن سیکریٹریٹ کو فراہمی کی ذمہ داری تفویض کی گئی سیکریٹری انفارمیشن طاہر حسین سید کے اعلامیہ کے مطابق اجلاس میں درخواستوں کی اسکروٹنی کیلئے کمیٹی بنانے کا فیصلہ بھی کیا گیا۔

جس میں شامل ممبران کے ناموں کا اعلان بعد میں کیا جائیگا جبکہ اجلاس سے قبل وومین ونگ سندھ کی نائب صدر قرا¿ت زیدی کی دوروز قبل انتقال فرماجانے والی والدہ محترمہ کے ایصال ثواب کیلئے فاتحہ خوانی و اجتماعی دعا بھی کی گئی۔