مسلم ممالک بشار الاسد کے حامیوں کا سفارتی بائیکاٹ کریں، مفتی محمد نعیم

Mufti Naeem

Mufti Naeem

کراچی : معروف مذہبی اسکالروجامعہ بنوریہ عالمیہ کے مہتمم وشیخ الحدیث مفتی محمد نعیم نے کہاکہ حلب میں جاری ظلم کیخلاف جمعے کے روز بھر پور احتجاج کیاجائے اور مساجد میں مذمتی قراردادیں پاس کی جائیں ، بشار الاسد کے حامی ممالک کا سفارتی بائیکاٹ کیاجائے۔

مسلم حکمران ترک صدر کے نقش قدم پر چل کر شام کے مسئلے کو حل کرنے میں اپنا کردار ادا کریں ،جمعرات کو جامعہ بنوریہ عالمیہ میں وفاق المساجد کے تحت ائمہ مساجد کے اجلاس سے گفتگوکرتے ہوئے رئیس وشیخ الحدیث مفتی محمدنعیم نے کہاکہ ائمہ مساجد جمعے کے خطبات میں شام میں جاری ظلم کیخلاف بھرپور طریقے سے آواز بلند کریں ،جو بھی ممالک بشار الاسد کا ساتھ دیکر شام میں مظلوموں کو کچلنے میں سرگرم ہیں ان ممالک کا سفارتی بائیکاٹ کیاجائے۔

او آئی سی سمیت دیگر پلیٹ فارم بھی شام کے مظلوموں کی داد رسی کیلئے اقدامات پر توجہ دیں،شام میں نہتے اور مظلوم عوام کو باغی قرار دیکر تہہ تیغ کرنے سے انسانی المیہ جنم لے سکتاہے ،انہوں نے کہاکہ شام میں عارضی جنگی بندی کراکر طیب اردوان نے مسلم امہ کے دل جیتے ہیں،مسلم حکمران طیب اردگان کے نقش قد م پر چل کر شام کے مسئلے کے حل کیلئے کردار اداکریں۔

لاکھوں پناہ گزین بے سروسامانی کی حالت میں شہر شہر بٹک رہے ہیں حلب کھنڈر بن چکاہے ، روسی بمباری میں سے سینکڑوں بچے خواتین اور بوڑھے شہید ہوچکے ہیں اس کے باوجود کسی بھی جانب سے ظلم وسربریت کیخلاف کوئی آواز بلند نہیں کی جارہی ہے۔

انہوں نے ائمہ مساجد سے اپیل کی کہ جمعے کے خطبات میں بشارالاسد اور اس کے حامیوں کیخلاف قراردادیں مذمت پاس کریں اور شامی مسلمانوں کی مدد ونصرت کیلئے خصوصی دعاؤں کا اہتمام کیا جائے۔