مصطفی آباد/للیانی (نامہ نگار) یونین کونسل 12 کے سیکرٹری کی کرپشن کا سلسلہ جاری، انکوائری کی پروا کئے بغیر ڈیت سرٹیفکیٹ کے پانچ روپے طلب کر لئے،منت سماجت پر 300 روپے میں جاری کر دیا، ڈی سی او قصور سے فوری معطل کرکے انکوائری کرنے کا مطالبہ،تفصیلات کے مطابق سیکرٹری یونین کونسل 12 مصطفی آباد کی کرپشن کا سلسلہ جاری، گزشتہ روز غلام نبی نے کرپشن کی درخواست ڈی سی او قصور عدنان ارشد اولکھ کو دی تھی جس نے ڈی او سی او کو انکوائری آفیسر مقرر کیا تھا، انکوائری لگنے کے باوجود کرپٹ سیکرٹریوں نے اپنے کرپشن کا سلسلہ جاری رکھا اور مصطفی آباد کے رہائشی نوجوان سے ڈیت سرٹیفکیٹ کے پانچ سو روپے طلب کر لئے منت سماجت پر 300 روپے میں جاری کر دیا، اس سے قبل میں ڈیٹ سرٹیفکیٹ سے 500 روپے سے لیکر 8000 روپے تک وصول کئے جا چکے ہیں، سیاسی وسماجی جاعتوں کے نمائندوں نے ڈی سی او قصور سے کرپٹ سیکرٹریوں کو معطل کرکے انکوائری کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد /للیانی (نامہ نگار)4اوباش نوجوانوں نے والدین سے ملنے میکے آئی خاتون کو 5ماہ کی بیٹی سمیت زبردستی اغواء کر لیا بتایا گیا ہے کہ 25سالہ نازیہ بی بی اپنی 5ماہ کی بیٹی عائشہ کے ہمراہ اپنے والدین سے ملنے مصطفی آباد آئی ہوئی تھی گذشتہ روزتمام اہل خانہ اپنے رشتہ داروں سے ملنے گئے ہوئے تھے جبکہ نازیہ بی بی اپنی بیٹی عائشہ کے ہمراہ گھر میں اکیلی تھی۔اسی محلہ کا رہائشی وقاص نامی نوجوان اسے اکیلے پا کر اپنے دیگر ساتھیوں عامر ،ہاشم اور جج کے ہمراہ گھر میں گھس گیا اور نازیہ بی بی کو یرغمال بنا کر گھر سے ایک لاکھ روپے نقدی اور طلائی زیورات چرائے اور جاتے ہوئے نازیہ بی بی اور اس کی 5ماہ کہ بیٹی عائشہ کو بھی زبر دستی اغواء کر کے لے گئے۔مقامی پولیس نے مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد /للیانی (نامہ نگار) نامعلوم چور زرعی فارم سے چارپائی ، واٹر پمپ اوردیگر سامان چرا کر لے گئے۔بتایا گیا ہے کہ ماڈل ٹاؤن لاہور کے رہائشی محمد عثمان نے نواحی گاؤں پکی حویلی میں ایک زرعی فارم بنا رکھا تھا گذشتہ رات نامعلوم چور وں نے فارم میں موجود ڈیرے کے تالے توڑ کر وہاں نصب واٹر پمپ ،چارپائیاں اور دیگر سامان چرا لیا۔ مقامی پولیس نے مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد /للیانی (نامہ نگار) مصطفی آباد اور گردونواح میں نوسربازنوجوانوں کا گروہ سرگرم۔ میڈیکل سٹوروں کے سروے کے بہانے مالکان کو بلیک میل کر کے ان سے بھاری رقمیں بٹور رہے ہیں۔بتایا گیا ہے کہ مصطفی آباد، لکھنیکے ،بھلو اور دیگر دیہاتوں میں 30/35سالہ نوسرباز نوجوانوں کا گروہ سرگرم ہے جو میڈیکل سٹوروں،پنسار سٹوروں، دواخانوںاور عطائی ڈاکٹروں کو وزیر اعلیٰ پنجاب کے حکم پر سروے کرنے کے بہانے پہلے ان کے جعلی چالان کرتے ہیں اور بعد ازاں انہیں ہراساں کرنے کے بعد ان کے نام سروے لسٹ سے نکالنے کے عوض بھاری رقمیں دینے پر مجبور کر تے ہیں ۔علاقہ کے سماجی و سیاسی حلقوں نے متعلقہ اعلیٰ حکام سے اصلاح احوال کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصطفی آباد /للیانی (نامہ نگار) فصلوں کا اجاڑا کرنے سے منع کرنے پر 4 افراد نے ذمیندار کو شدید تشدد کا نشانہ بنا ڈالا۔بتایا گیا ہے کہ نواحی گاؤں گدوکی کے رہائشی محمد علی نے اپنے کھیتوں میں جوار اور باجرا کی فصلیں کاشت کر رکھی تھیں۔گذشتہ روز اسی گاؤں کے رہائشی شوکت علی،جیدو،ریمو اور کنوارا نے اپنے مویشی اس کی فصلوں میں چھوڑ دئے جنہوں نے اس کی جوار اور باجرا کی فصل اجاڑ کر رکھ دی ۔محمد علی کو جب خبر ملی تو اس نے جائے وقوعہ پر پہنچ کر انہیں ایسا کرنے سے منع کیا تو شوکت علی طیش میں آگیا اور اپنے دیگر ساتھیوں کے ہمراہ مل کر اسے شدید تشدد کا نشانہ بنانے کے بعد فرار ہو گئے۔مقامی پولیس نے ملزمان کے خلاف مقدمہ درج کر لیا ہے۔
بھارتی جارحیت اس کے جنگی جنون کا نمونہ ہے، محمد اویس نورانی صدیقی
نویں جماعت کے کامیاب طلبہ و طالبات کو ہمارے غیر یقینی تعلیم نظام نے میڑک کلاس میں فیل کردیا