مصطفی آباد/للیانی کی خبریں 12/09/2015

مصطفی آباد/للیانی (محمد عمران سلفی سے) غلطی سے بارڈر کراس کرنے والا وہیگل کا رہائشی ایوب گرفتار، رینجر کے سب انسپکٹر کی مدعیت میں مقدمہ درج، تفصیلات کے مطابق وہیگل کے قریب زیر لائن پر برجی نمبر 146 سے غلطی سے باڈر کراس کرنے والے وہیگل کے رہائشی ایوب کو انڈین آرمی نے اپنی تحویل میں لے لیا بعد ازاں رینجر کے حوالے کر دیا، رینجر نے ایوب کو پولیس تھانہ مصطفی آباد کی تحویل میں دیکر مقدمہ درج کروا دیا، پولیس تھانہ مصطفی آباد نے رینجر کے سب انسپکٹر ذیشان حیدر کی مدعیت میں مقدمہ درج کرکے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مصطفی آباد/للیانی (نامہ نگار) میونسپل کمیٹی مصطفی آباد کی 12وارڈز سے 67 امیدوار میدان میں آ گئے، مسلم لیگ ن اور تحریک انصاف کے امیدوار میدان میں ، پیپلزپارٹی میدان سے آئوٹ، آزاد امیدوار بھی قسمت آزمائی کریں گے، تفصیلات کے مطابق میونسپل کمیٹی مصطفی آباد کی 12وارڈز میں 67امیدواروں نے کاغذات جمع کروا دئیے، چیئرمین رفیق انصاری گروپ اور میاں گروپ نے اپنے اپنے امیدواروں کی فتح کیلئے جوڑ توڑ شروع کر دیا، چیئرمین رفیق انصاری گروپ کو مسلم لیگ ن جبکہ میاں گروپ کو تحریک انصاف کی حمایت حاصل ہے، جبکہ پیپلزپارٹی ، جماعت اسلامی ودیگر سیاسی جماعتوں الیکشن سے قبل ہی سیاست سے آئوٹ ہو گئی ،مسلم لیگ ن اور تحریک انصاف کے علاوہ کسی بھی سیاست جماعت سے تعلق رکھنے والا کوئی بھی قابل ذکر امیدوار سامنے نہ آ سکا، میونسپل کمیٹی مصطفی آباد اور تھانہ مصطفی آباد کی یونین کونسلوں میں بھی مسلم لیگ ن اور تحریک انصاف کے امیدواروں بھی ہی مقابلہ ہو گا، مسلم لیگ ن اور تحریک انصاف کے مقامی قائدین نے سیاسی جوڑ توڑ شروع کر دیا،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مصطفی آباد/للیانی (نامہ نگار) مقامی صحافی عبدالرحمان کی والدہ کی رسم چہلم آج بروز اتوار دوپہر دو بجے ہو گی، سیاسی و سماجی جماعتوں کے نمائندوں اور صحافیوں کے علاوہ پیر سید علی حیدر شاہ بخاری خصوصی شرکت کریں گے، تفصیلات کے مطابق مقامی صحافی عبدالرحمان انصاری کی والدہ کی رسم چہلم آج بروز اتوار بعد نماز ظہر جامعہ مسجد فاطمہ الزہرہ المعروف سقیاں والی میں ہو گی، رسم چہلم کی صدارت پیر سید علی حیدر شاہ بخاری سجادہ نشین خواجہ دائم الحضوری قصوری کریں گے، تقریب میں ٹکٹ ہولڈر تحریک انصاف این اے 138حسن علی خان، سابقہ ایم پی اے چوہدری الیاس خاں، رہنما تحریک انصاف میاں عبدالخالق، صدر پریس کلب مصطفی آباد للیانی (رجسٹرڈ) محمد عمران سلفی مہمان خصوصی ہو ں گے، شوکت علی نقشبندی، علی عباس قادری، ظہیر عباس قادری و غفار ہمدمی، سرور علی قادری خصوصی نعت پیش کریں گے،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

District office Inaugurated

District office Inaugurated