ممبئی (جیوڈیسک) بالی ووڈ اداکارنوازالدین صدیقی جو سلمان خان کے ساتھ فلم بجرنگی بھائی جان میں کام کرچکے ہیں اپنے ساتھی اداکار کی حمایت میں میدان میں اگئے ہیں اور کہا ہے کہ سلمان نے ’’ سلطان‘‘ کی شوٹنگ میں پیش آنیوالی مشکلات کا موازنہ کسی غلط نیت سے نہیں کیا۔
بھارتی میڈیا کے مطابق فلم رمن راگھون کی اسکریننگ کے موقع پر گفتگو کرتے ہوئے نوازالدین کا کہنا تھا کہ سلمان خان نے اپنی بات تشبیہ دینے کے لیے کہی اور ان کا مقصد کسی کی دل آزاری نہیں تھا۔ اس مسئلہ پر بات اب ختم ہو گئی ہے اس لیے بار بار اس سلسلہ میں سوال کرنا ٹھیک نہیں ہے ۔
دوسری طرف کنگنا رناوت نے بھی اپنے ردعمل میں کہا ہے کہ سلمان کا بیان انتہائی بے ہودہ اور ہولناک تھا تاہم اس پر انھیں ٹارگٹ بنانادرست نہیں ہو گا ہم سب کا اس بات پر اتفاق ہے سلمان خان کی طرف سے انگلیاں اٹھانے اور ان کے بیان پر تنقید کرنے والوں کو حوصلہ افزائی نہیں کریں گے۔ اداکارہ نے کہاکہ جب بات دوسروں پر انگلیاں اٹھانے پر آجائے تو بات ٹھیک نہیں ایک سماج کی طرح ہم کو ذمے داریوں کا احساس ہونا چاہیے ۔
جدید ٹیکنالوجی نے ایک مرتبہ پھر فلم انڈسٹری کو زندہ کر دیا ہے، میرا
امجد صابری کی کوک اسٹوڈیو میں ریکارڈ آخری قوالی 14 اگست پر ریلیز ہو گی