نئی دہلی: مظاہرین کا بی جی پی کے رکن کے گھر پر پتھراؤ،بھارتی میڈیا

Protest

Protest

نئی دہلی (جیوڈیسک) بھارتی ریاست ہریانہ میں جٹ برادری کا احتجاج شدت اختیار کرگیا۔ مظاہرین پر سیکیورٹی فورسز کی فائرنگ سے 4 افراد ہلاک، 9 زخمی ہوئے ۔مظاہروں میں بی ایس ایف کا ایک اہلکار بھی زخمی ہوا۔

ہریانہ میں جٹ برادری کا احتجاج کے باعث متاثرہ ضلعوں میں فوج کو بلا لیا گیا ہے ، جو علاقے میں مارچ کے ساتھ فضائی نگرانی بھی کر رہی ہے ۔ کئی علاقوں میں کرفیو نافذ ہے جبکہ دو ضلعوں روہتک اور بھیوانی میں شر پسندوں کو دیکھتے ہی گولی مارنے کا حکم بھی دے دیا گیا ہے۔

جٹ برادری کے احتجاج سے 700 سے زائد ٹرینوں کی آمدورفت متاثر ہے۔ مشتعل مظاہرین نے ہریانہ کے وزیر خزانہ کے گھر کو بھی آگ لگا دی، جبکہ بی جے پی کے رکن کے گھر پتھراؤ بھی کیا۔