واشنگٹن (جیوڈیسک) اقوام متحدہ نے اعلان کیا ہے کہ نائیجریا کے شمال مشرقی علاقے میں 75 ہزار بچے چند ماہ کے اندر فاقہ کشی سے ہلاک ہو سکتے ہیں۔
اقوام متحدہ کے انسانی حقوق کے ڈپٹی کارڈینیٹر پیٹر لانڈ برگ نے کہا کہ نائیجریا میں بوکو حرام کی دہشت گردی کے شکار علاقوں میں صورتحال انتہائی نازک ہے۔
بوکو حرام کے حملوں سے ابتک 20 ہزار شہری ہلاک ہو چکے ہیں جبکہ ہزاروں افراد اپنے گھر بار ترک کرنے پر مجبور ہوئے ہیں۔ 14 میلین انسان فوری امداد کے محتاج ہیں جن میں سے چار لاکھ بچے ہیں۔
لانڈ برگ نے کہا کہ اقوام متحدہ کے پاس ان تمام افراد کی امداد کے لیے مالی وسائل موجود نہیں ہیں ۔انھوں نے تمام ممالک سے نائیجریا کی مدد کرنے کی اپیل کی۔
انتظامیہ کی تبدیلی کا عمل بہت منظم انداز میں جاری ہے: ٹرمپ
اقوام متحدہ کیطرف سے حلب میں شہریوں پر بڑھتے ہوئے حملوں کی مذمت