لاہور (جیوڈیسک) ہائیکورٹ نے کاغذات نامزدگی میں جعلسازی کرنے پر ٹی ایم او دینہ کیخلاف کارروائی کا حکم دے دیا۔ وارڈ سے بلامقابلہ منتخب نون لیگ کے کونسلر کی کامیابی کا نوٹیفکیشن بھی معطل کر دیا گیا۔
لاہور ہائیکورٹ راولپنڈی کے جسٹس عباد الرحمن لودھی اور جسٹس علی باقر نجفی مشتمل بینچ نے کیس کی سماعت کی۔
عدالت نے تحصیل دینہ کے وارڈ نمبر بائیس کے آزاد امیدوار عصمت اللہ کے کاغذات نامزدگی میں جعلسازی کرنے پر ٹی ایم او کے خلاف کارروائی کرنے کا حکم دیا۔
عدالت نے وارڈ سے نون لیگ کے کونسلر قاضی نثار کی بلامقابلہ کامیابی کا نوٹیفکیشن معطل کرنے اور سابقہ شیڈول کے مطابق پولنگ کرانے کا حکم دے دیا۔
گیس قیمتوں میں اضافے کے خلاف پنجاب اسمبلی میں قرار داد جمع
کراچی : موتی محل میں پولیس مقابلہ، تین ڈاکو مارے گئے