شمالی کوریا کے ساتھ مذاکرات کی کوشش وقت کی ضیاع ہے: ڈونلڈ ٹرمپ

Posted on October 2, 2017 By Majid Khan اہم ترین, بین الاقوامی خبریں

واشنگٹن (جیوڈیسک) امریکی صدر ڈونلڈ ٹرمپ نے شمالی کوریا کے ساتھ مذاکرات کو وقت کا ضیاع قرار دے دیا۔

ٹویٹر پیغام میں امریکی صدر کا کہنا تھا کہ وزیر خارجہ ریکس ٹلرسن “لٹل راکٹ مین” سے مذاکرات کی کوشش میں اپنا قیمتی وقت برباد کر رہے ہیں۔

ریکس ٹلرسن کو مخاطب کر کے ٹرمپ کا کہنا تھا کہ توانائی بچا کر رکھیں، شمالی کوریا سے اپنے طریقے سے نمٹیں گے۔

امریکی وزیر خارجہ نے گزشتہ روز شمالی کوریا سے براہ راست رابطوں کا انکشاف کیا تھا۔