پائی خیل (نامہ نگار) بنیادی مرکز صحت پائی خیل میں ایمبولینس کوڈیزل کی فراہمی اور ڈرائیور نہ ہونے سے شہریوں کوشدید مشکلات کاسامناتفصیلات کے مطابق بنیادی مرکزصحت پائی خیل میں ایمبولینس موجودہونے کے باوجودعرصہ درازسے ڈیزل کی فراہمی اورڈرائیورنہ ہونے سے شہریوں کوایمرجنسی مریض لے جانے کے لئے شدید مشکلات کا سامنا کرنا پڑرہاہے ۔کیونکہ سرکاری ایمبولینس ہونے کے باوجودشہری پرائیویٹ پبلک ٹرانسپورٹ کے ذریعے ایمرجنسی مریضوں کوہسپتال تک لے جانے پر مجبورہیں۔ علاوہ ازیںڈیزل کی فراہمی اورڈرائیورنہ ہونے کے باعث ایمبولینس کھڑی ہونے سے کھٹارابن رہی ہے جس سے ایمرجنسی مریضوں کوکوئی فائدہ نہیں پہنچ رہا۔سماجی شخصیات زاہدمحمودخان،عاقل خان،غلام رسول خان،نجف علی خان،محمدشفاء اللہ ودیگرنے ڈی سی اومیانوالی اورای ڈی ہیلتھ سے اصلاح واحوال اورنوٹس لینے کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) واپڈا کمپلینٹ آفس پائی خیل کو دوبارہ منظورکرکے نئی بلڈنگ میں چالوکراکرانصاف کے تقاضے پورے کئے جائیں۔ تفصیلات کے مطابق طویل عرصہ سے ایک بوسیدہ بلڈنگ میں واپڈاکمپلینٹ آفس پائی خیل کاقیام لایاگیااب جبکہ بلڈنگ بوسیدہ ہونے کی وجہ سے کمپلینٹ آفس پائی خیل کوختم کردیاگیاہے۔عوامی وسماجی شخصیات غلام رسول خان،میاں ظہوراحمد،حافظ عاقل خان نے SEواپڈا،ایکیسن واپڈامیانوالی،ایس ڈی اوواپڈاسب ڈویژن کالاباغ اوردیگرارباب اختیارسے مطالبہ کیاہے کہ واپڈاکمپلینٹ آفس پائی خیل کودوبارہ منظورکرکے نئی بلڈنگ میں چالوکیاجائے تاکہ ملازمین اورصارفین کوپریشانی سے نجات مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) پائی خیل گردونواح میں زکام ،الرجی،کالی کھانسی اورملیریاکی وباء پھیل گئی ناداراورغریب مریض دربدرہوگئے تفصیلات کے مطابق پائی خیل اور گردونواح میں بارانِ رحمت نہ ہونے کے باعث ہرطرف گردوغبارپھیلاہواہے ۔جس کی وجہ سے علاقہ بھرمیں بوڑھوں ،بچوں ، عورتوںاورہرعمرکے لوگوں میں زکام،الرجی،کالی کھانسی،خسرہ اورملیریا پھیلاہواہے۔علاوہ ازیں بنیادی مرکزصحت میں ادویات کی عدمِ دستیابی کے باعث ناداراورغریب مریض پرائیویٹ کلینک پرجاکربھاری بھرکم اخراجات کرنے پرمجبورہیں اور پرائیویٹ کلینک کے مالکان کی چاندی ہوگئی ہے ۔لوگوں نے بارانِ رحمت کے لئے اللہ تعالیٰ سے خصوصی دعائیں بھی کی ہیں ۔عوامی وسماجی حلقوں نے ڈی سی اومیانوالی اورای ڈی اوہیلتھ سے وبائی امراض کے تدارک پراقدامات اٹھانے کامطالبہ کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) پائی خیل کے شہریوں کا واٹر سپلائی ٹینکی کی ازِسرنو تعمیر کا مطالبہ تفصیلات کے مطابق پائی خیل شہرمیںکچھ عرصہ قبل بوسیدہ واٹرٹینکی کو گرا دیا گیا تھا جس کی وجہ سے نصف سے زائد شہریوں کوپینے کے صاف پانی کی فراہمی نہیں ہو رہی۔ علاوہ ازیں پائی خیل کازیرزمین پانی کڑوا اور مضر صحت ہے۔جس کی وجہ سے شہری ہیپاٹائٹس، معدہ و دیگر موذی بیماریوں میں مبتلاہو رہے ہیں۔ عوامی وسماجی حلقوں ایم این اے حاجی عبیداللہ خان شادی خیل، ڈی سی اومیانوالی ودیگر ارباب اختیار سے مطالبہ کیاہے کہ پائی خیل کے شہریوں کی تکالیف کا ازالہ کرتے ہوئے واٹر ٹینکی کی ازسرِنو تعمیر کی جائے تاکہ شہریوں کو پینے کے صاف پانی کی فراہمی بحال ہو۔
کراچی والنٹیئر ویلفیئر ایسوسی ایشن نے چکن گونیا کے حوالے سے احتیاطی تدابیر مہم کا آغاز کر دیا
معروف کالم نگار محمد عتیق الرحمن پاکستان فیڈریشن آف کالمسٹ کے مرکزی ایڈیشنل سیکرٹری مقرر