کراچی (اسٹاف رپورٹر) یوم دفاع پاکستان کے موقع پر محب وطن روشن پاکستان پارٹی کے قائد و چیئرمین امیر پٹی کی قیادت میں صدر ایم آرپی محمدسلیمان راجپوت ‘نائب صدر فاروق کمال ‘ انفارمیشن سیکریٹری عمران چنگیزی ‘ یونس سایانی ‘ اقبال چاند ‘ اقبال ٹائیگر ‘ فاطمہ میمن ‘ روزینہ خان روزی ‘ عزیز صدیقی ‘ روبینہ شاہین ‘ صبین میمن ‘ صبا اویس ‘ زبیدہ آپا ‘ یحییٰ خانجی تنولی اور دیگر عہدیداران و کارکنان پر مشتمل ایم آر پی کے وفد نے مزار قائد پر حاضری دی اور پھولوں کی چادر چڑھانے کے بعد فاتحہ خوانی کی ۔ اس موقع پر میڈیا سے گفتگو کرتے ہوئے ایم آر پی سربراہ نے کہا کہ پاکستان اللہ کا عطا کردہ انعام و نعمت ہی نہیں بلکہ ہماری پہچان ‘ شان اور جان بھی ہے اسلئے ہمیں اپنی جان کی ہی طرح پاکستان سے محبت اور اس کی حفاظت کرنی چاہئے۔
کراچی (اسٹاف رپورٹر) افواج پاکستان نے جس طرح 6 ستمبر 1965 ءکو جارحیت پسند و حملہ آور بھارت کو اپنی افواج کی نعشیںا ور حربی سازوسامان چھوڑ کر الٹے قدموں بھاگنے پر مجبور کرکے اپنی حب الوطنی ‘ فرض شناسی اور پیشہ ورانہ صلاحیت کا اظہار کرکے دنیا میں مثالی عسکری تاریخ رقم کی وہیں دہشتگردی کیخلاف بھی سیسہ پلائی دیوار کا کردار ادا کرتے ہوئے افواج پاکستان آپریشن ضرب عضب کے ذریعے ملک و قوم کو اندورنی و بیرونی دونوں ہی خطرات سے محفوظ بنارہی ہیں جس کیلئے پوری قوم وطن پرستوں ‘ وطن کے جانثاروں ‘ محافظوں اور تحفظ و سلامتی وطن کیلئے شہید ہوجانے والوں اور ان کے اہلخانہ کو سلام پیش کرتے ہوئے دفاع وطن وسلامتی امن کیلئے ہر طرح سے اپنی افواج کا ساتھ دینے کا عہد کررہی ہے ۔ گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے یہ بات یوم دفا ع کے موقع پر گجراتی قومی موومنٹ کے زیر اہتمام سول ڈیفنس ساوتھ کے اشتراک و تعاون سے نکالی گئی ”عزم تحفظ پاکستان “ ریلی سے خطاب کرتے ہوئے ۔ریلی قیادت گجراتی سرکا ر امیر پٹی ‘ فرزند جونا گڑھ اقبال چاند اور کنٹرولر وسول ڈیفنس مرزاخورشید بیگ و ڈپٹی کنٹرولر نسیم احمدصدیقی نے کی جبکہ سول ڈیفنس کے عہدیداران و وارڈنز اور گجراتی قومی موومنٹ کے کارکنان و عہدیداران کی بہت بڑی تعداد کے علاوہ حاجی امیر علی خواجہ ‘ روزینہ خان روزی ‘ فاطمہ میمن ‘ اقبال چاند ‘ یحییٰ خانجی تنولی ‘ یونس سایانی و دیگر سیاسی و سماجی رہنماوں نے بھی ریلی میں شرکت اور شرکاءسے خطاب کیا ۔
کراچی (اسٹاف رپورٹر) یوم دفاع پاکستان کے موقع پاکستان راجونی اتحاد کی جانب سے ”فروغ محبت پاکستان ریلی “ نکالی گئی جس میں حیدرآباد ‘ میر پور خاص ‘ ٹھٹھہ ‘ دادو ‘ بدین ‘ سکھر ‘ کوٹلی ‘ماٹلی ‘ کوٹری ‘ سانگھڑ ‘ شکار پور ‘ لاڑکانہ اور سندھ کے دیگر علاقوں سے مختلف برادریوں کے قائدین ‘ عمائدین اور رہنماوں نے بڑی تعداد میں شرکت کی ۔ ریلی کی قیادت پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی فرزند جونا گڑھ اقبال چاند اور این جی پی ایف کے چیئرمین عمران چنگیزی نے کی ۔ سہراب گوٹھ سے یکجا ہوکر روانہ ہونے والی ریلی نے مزار قائد پہنچ کر بابائے قوم کے مزار پر فاتحہ خوانی کی ‘ پھولوں کی چادر چڑھائی اور تحفظ و استحکام پاکستان کیساتھ امن وسلامتی اور ترقی و خوشحالی کی دعا بھی کی بعد ازاں مزار قائد سے روانہ ہونے والی ریلی پریس کلب پہنچ کر ختم ہوگئی جہاں ریلی کے شرکاءومیڈیا نمائندگان سے خطاب کرتے ہوئے قائدین ریلی نے کہا کہ تحفظ وطن کیلئے قومی اتحاد ویکجہتی اور قوم میں جذبہ حب الوطنی لازم ہے مگر مساوا ت ‘ انصاف اور ہر ایک کا بلا تفریق و یکساں احتساب کئے بناءایسا ممکن نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی ( اسٹاف رپورٹر )پاکستان سولنگی اتحادکے سینئر رہنما امیر سولنگی کی ہدایت پر ایازسولنگی ‘ نعمت اللہ سولنگی ‘عباس سولنگی اور ڈاکٹر قدیر سولنگی قیادت میں سولنگی اتحاد کے ایک وفد نے مزار قائد پر حاضری دی اور پھولوں کی چادر چڑھانے کے بعد فاتحہ خوانی کی۔ وفد کے اراکین میں معین سولنگی ‘ عمر سولنگی ‘غلام نبی سولنگی‘اصغر علی سولنگی ‘سبحان سولنگی‘محمد ذبیر سولنگی‘حبیب خان سولنگی ‘اکرم سولنگی‘برخوردار سولنگی‘شفقت نذیر سولنگی‘ اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ ندیم سولنگی ودیگرشامل تھے ۔ اس موقع پر میڈیا سے گفتگو کرتے ہوئے وفد کے قائدین نے کہا کہ اللہ کی رضا سے بابائے قوم کی قیادت میں بر صغیر کے مسلمانوں نے پاکستان کے عنوان سے جو آزاد مملکت حاصل کی اس کی نظریاتی و جغرافیائی سرحدوں کے تحفظ کا فریضہ افواج پاکستان نے ہمیشہ فرض شناسی‘ وفاداری ‘ دیانتداری اور ایثار و قربانی سے نبھایا ہے اگر افواج پاکستان جیسے جذبات و اوصاف ہمارے حکمرانوں ‘ سیاستدانوںا ور عوام میں بھی پیدا ہوجائیں تو اللہ کی نعمت کے طور پر قائد اعظم کی قیادت اور بر صغیر کے مسلمانوں کی قربانیوں کے طفیل ملنے والی مملکت خدادادپاکستان دنیا کی مستحکم وخوشحال ترین مملکت بن جائے مگر افسوس کہ مفاد پرستی کے زہر نے سیاستدانوں وحکمرانوں کو بے حس بنادیا ہے اور قوم ان بے حسوں کے ہاتھوں یرغمال بنی ہوئی ہے!
مفتی محمد نعیم فریضہ حج کی ادائیگی کیلئے سعودی عرب روانہ
مہمند ایجنسی، یوم دفاع پاکستان سیکورٹی فورسز، پولیتیکل انتظامیہ اور قبائلی مشران نے مشترکہ منائی