نئی دہلی (جیوڈیسک) پاکستان اور بھارتی افواج کے درمیان لائن آف کنٹرول (ایل او سی) پر سیز فائر کی پاسداری کرنے پر اتفاق ہوا ہے۔
بھارتی میڈیا کے مطابق پاکستان اور بھارت کے بٹالین کمانڈروں کے درمیان فلیگ میٹنگ ہوئی جس میں دونوں فریقین نے مفاہمتی عمل جاری رکھنے، رابطوں کو بحال رکھنے اور ایل او سی پر تحمل کا مظاہرہ کرتے ہوئے جنگ بندی کی پاسداری پر اتفاق کیا ہے۔
بھارتی میڈیا رپورٹس کے مطابق بھارتی فوج کے اعلیٰ عہدیدار نے بتایا کہ فلیگ میٹنگ مثبت ماحول میں ہوئی جس میں اس سے قبل بریگیڈ کمانڈروں کی میٹنگ میں ہونے والے اعتماد سازی کو بحال کرنے پر اتفاق کیا گیا۔
میڈیا رپورٹس کے مطابق فلیگ میٹنگ میں دونوں اطراف سے سیزفائر، فضائی حدود کی خلاف ورزی روکنے، ایل او سی کے قریب تعمیرات پر پابندی اور غلطی سے سرحد پار کرنے والے افراد کی واپسی پر بھی اتفاق کیا گیا۔
جامشورو میں کارروائی کے دوران بم بنانے کی فیکٹری پکڑی گئی، سی ٹی ڈی
فرانس میں دہشت گردی کا منصوبہ ناکام، 2 افراد گرفتار