پاکستان انٹرنیشنل ایئرلائن نے اسپین کے لئے پروازوں کا باقاعدہ آغاز کر دیا

PIA

PIA

پیرس (زاہد مصطفی اعوان سے) پاکستان انٹرنیشنل ایئرلائن نے اسپین کے لئے پروازوں کا باقاعدہ آغاز کر دیا ہے۔ ترجمان پی آئی اے کی جانب سے جاری بیان کے مطابق پاکستان سے اسپین کے شہر بارسلونا کے لئے پروازوں کا باقاعدہ آغاز کر دیا گیا ہے، اسلام آباد سے پہلی پرواز پی کے 769 مسافروں کو لے کر بارسلونا کے لئے روانہ ہوئی ہے جسے سی ای او پی آئی اے برنڈ ہلڈن برانڈ نے رخصت کیا۔

ترجمان پی آئی اے کے مطابق سانحہ 7 دسمبر کے باعث کسی تقریب کا اہتمام نہیں کیا گیا، پی آئی اے کی بارسلونا کے لئے ہفتہ وار 2 پروازیں چلا کریں گی، ایک پرواز اتوار کو اسلام آباد اور دوسری منگل کو لاہور سے بارسلونا کے لئے روانا ہوا کرے گی۔