کروڑ لعل عیسن کی خبریں 10/8/2015

Flood Relief Camp

Flood Relief Camp

کروڑ لعل عیسن (نامہ نگار) ہم نے پاکستان بڑی قربانیوں کے بعد حاصل کیا۔ پوری قوم کو جشن آزادی مبارک ہو۔ ان خیالات کا اظہار سرپرست التقویٰ ویلفیئر سوسائٹی الحاج محمد انور ظفر نے گزشتہ روز دبئی الومینیئم شاپ کے افتتاح کے موقع پر کیا۔ انہوں نے کہا کہ ہر شخص خدمت کے جذبہ سے سرشار ہو کر اس ملک کے لیئے کام کرے۔ پورے ملک میں سیلاب نے تباہی پھیلائی ہے۔ سیلاب متاثرین کی خدمت ہم سب پر فرض ہے۔ ہر شعبۂ زندگی سے تعلق رکھنے والے افراد اپنے متاثرہ بھائیوں کی خدمت کیلئے بڑھ چڑھ کر حصہ لیں۔ اس موقع پر صدر التقویٰ ویلفیئر سوسائٹی ملک محمد اسماعیل کھوکھر ، صدر انجمن تاجران طارق محمود پہاڑ ، نائب صدر انجمن تاجران انتظار حسین قریشی ، فنانس سیکریٹری ایاز خان نیازی ، محمد اشرف ، ندیم اشرف ، الحاج بائو محمد رفیق ، حاجی نواز ، حسن طارق سمیت دیگر افراد موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) حکومت پنجاب کی ہدایت کے مطابق سیلاب متاثرین کیلئے خاطر خواہ انتظامات کیئے جارہے ہیں۔ ان خیالات کا اظہار اسسٹنٹ کروڑ تنویر یزدان خان نے گزشتہ روز گورنمنٹ گرلز ہائی سکول سمیت دیگر سکولوں میں قائم ریلیف کیمپ کے دورہ کے موقع پر کیا۔ انہوں نے کہا کہ سیلاب متاثرین کی دیکھ بھال اور راشن کا خاص خیال رکھا جا رہا ہے۔ تحصیل کروڑ میں 4 فلڈ ریلیف کیمپ قائم کیئے گئے ہیں۔ جن میں سیلاب متاثرین کو رہائش کے ساتھ کھانے اور میڈیکل کی فری سہولت دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) کریسنٹ ہیومن رائٹس آرگنائزیشن کے صدر ملک روشن ضمیر اتیلرہ کے ماموں ، ملک سلطان محمود اتلیرہ گزشتہ روز وفات پا گئے۔ نماز جنازہ میں ہر شعبۂ زندگی سے تعلق رکھنے والے درجنوں افراد نے شرکت کی۔ مرحوم کی قل خوانی آج 9 بجے بستی اتلیرہ میں ادا کی جائے گی۔