ڈھائی برس میں پاکستان کو ترقی کی راہ پر گامزن کردینگے، شہباز شریف

Shahbaz Sharif

Shahbaz Sharif

لاہور (جیوڈیسک) وزیر اعلیٰ پنجاب شہباز شریف نے کہا ہے کہ عوام کی بےلوث خدمت حکومت کا نصب العین ہے ،ڈھائی برسوں میں پاکستان کو ترقی اور خوشحالی کی راہ پر گامزن کر دینگے۔

وزیراعلیٰ پنجاب نے عید پر ملاقات کیلئے آنیوالے پارٹی عہدیداروں سے گفتگو میں کہا کہ وزیر اعظم نوازشریف کی قیادت میں ملکی مسائل کو حل کرنے کیلئے کوشاں ہیں ،ٹھوس اقدمات کی بدولت ملک کی معیشت میں نمایاں بہتری آئی ہے ،زرمبادلہ کے ذخائر اور ترسیلات زر میں اضافہ ہوا ہے۔

ان کاکہنا تھا کہ آج کا پاکستان 2013ء کے مقابلے میں مضبوط ، پر امن اور معاشی لحاظ سے مستحکم ہو چکا ہے ،ڈھائی برسوں کے دوران پاکستان کو ترقی اور خوشحالی کی راہ پر گامزن کر دیا جائے گا۔