اسلام آباد (جیوڈیسک) پاکستان ریلوے کو گزشتہ 2 سالوں کے دوران 59.77 ارب روپے خسارہ ہوا جبکہ پاکستان ریلوے نے 2013 کی نسبت مالی سال 2014-15 میں 9.123 ارب روپے زائد آمدن حاصل کی۔
2013-14 میں پاکستان ریلوے کی آمدن 22.804 ارب تھی جو 2014-15 میں بڑھ کر 31.927 ارب روپے ہوگئی۔ دستاویزات کے مطابق مالی سال 2013-14 میں پاکستان ریلوے کے اخراجات 55.332 ارب روپے تھے جبکہ پاکستان ریلوے نے اسی سال 22.804 ارب روپے آمدن حاصل کی جس سے پاکستان ریلوے کو 2013-14 میں 32.528 ارب روپے کا خسارہ برداشت کرنا پڑا۔
دستاویزات کے مطابق مالی سال 2014-15 میں پاکستان ریلوے کے کل اخراجات 59.173 ارب روپے تھے جبکہ پاکستان ریلوے نے اسی سال 31.927 ارب روپے آمدن حاصل کی جس سے ریلوے کو مالی سال 2014-15 میں 27.246 ارب روپے خسارہ برداشت کرنا پڑا۔
پاناما لیکس پر قومی اسمبلی کا ہنگامہ خیز اجلاس آج ہورہاہے، وزیراعظم وضاحت دیں گے
جمہوریت کو بچانا ہے تو نواز شریف کو جانا پڑے گا :شیخ رشید