پاکپتن کی خبریں 23/12/2016

Pakpattan

Pakpattan

پاکپتن (پیر توقیر رمضان سے) بندگی ٹی وی کے زیر اہتمام سالانہ محفل میلاد مصطفیۖ کا انعقاد پاکپتن میں گروپ ایڈیٹر سید حسن عباس بخاری کی رہائش گاہ پر ایک عظیم الشان محفل میلاد مصطفی ۖ منعقد کی گئی جس کی قاری سید نیاز جاوید بخاری نے تلاوت قرآن پاک کے ذریعے حاضرین کے دلوں کو سکون پہنچایا۔ جس کے بعد ثناء خان مصطفی الحاج ذوالفقار قمر فریدی نے اپنے منفرد انداز میں حضور ۖ کی بارگاہ اقدس میں حاضری دی آقا ۖ کی تعریف کرنے کے اس انداز سے حاضرین جھوم اٹھے،اور ڈاکٹر عبد الوحید طاہر،نصر اللہ فریدی ،حافظ کلیم اور اجمل بخاری نے نعت رسول ۖ سے حاضرین کے دلوں کو روشن کیا۔ اس عظیم الشان محفل کی نقابت اسد علی نیازنے کی جبکہ صدارت سجادہ نشین حضرت با با فرید کے فرزنددیوان حامد مودودمسعود چشتی نے کی ۔ محفل میلاد میں معرو ف عالم دین مفتی محمد زاہد اسدی،سابق ایم پی اے سردار واجد علی ڈوگر، دیوان باسط چشتی،ایڈمنسٹر یٹر یونین کونسلز رائو عمر فاروق، ڈائریکٹر بندگی ٹی وی اور کانجو ٹریڈرز کے چیف ایگزیکٹو شاہ میر خان کانجو، مرکزی میلاد کمیٹی کے صدرپیر غلام قطب الدین،ڈسٹر کٹ پریس کلب کے چیئر مین پیر امداد حسین ،مرکزی انجمن تاجران کے صدر ،ڈسٹر کٹ پریس کلب کے سرپرست اعلیٰ حاجی محمد وسیم ،مرکزی میلاد کمیٹی کے آرگنائزررائو عظمت اللہ ،ڈائریکٹر بندگی ٹی وی یا سر علی خان،پیر مظہر حسین نقوی ،بندگی ٹی وی کے نیوز انچارج پیر توقیر رمضان،سینئر صحافی تنویر ساحر،رانا مہران اکبر،وقار جگنو،طاہر فرید،افتخاربھٹی، رانا جواد مسعود،سید عرب حسین بخاری، رانا طارق حسن ، سید نسیم عسکری،شریف لکھ پتی، حاجی یٰسین چوغطہ سمیت سیاسی وسماجی شخصیات ڈسٹر کٹ پریس کلب کے عہدیداران وممبران اوربندگی ٹی وی کی ٹیم نے بڑی تعداد میں شرکت کی ۔ محفل میلاد مصطفی ۖ کی تقریب سے خطاب کرتے ہوئے برصغیر پاک و ہند کے عظیم صوفی بزرگ حضرت بابا فرید الدین مسعود گنج شکر کے آستا نہ عالیہ کے سجادہ نشین دیوان مودود مسعود چشتی کے صاحبزادے دیوا ن حامد مودود مسعود چشتی نے کہا ہے کہ ربیع الاول کے ماہ مقدس میں حضرت محمد ۖ اس دنیا میں تشریف لائے تھے ،جنہوں نے دین اسلام کی روشنی میں انسانیت کو ہدایت کا راستہ دیکھایا، آپۖ کی زندگی ہمارے لیے مشعل راہ ہے جس پر عمل کر کے ہم دنیا اور آخرت میں کامیابی حاصل کر سکتے ہیں ، آپۖ کی آمد سے قبل دنیا جہالت کے اندھیروں میں ڈوبی ہوئی تھی آپ ۖ نے آکر ہمیں ایمان کی روشنی میں منور کیا ۔حضرت محمد ۖ کی زندگی عمل کر نے کیلئے بہتر ین نمونہ ہے ،نبی اکر م حضرت محمد ۖ کی آمد سے قبل دنیا میں کفر عام تھا ،طرح طرح کی برائیاں جنم لے رہی تھی لیکن آپ ۖ نے اس دنیا میں تشریف لا کر تمام برائیوں کا خاتمہ کر تے ہوئے دنیا کو دین کی روشنی میں منور کر کے انسانیت کو ہدایت کا راستہ دیکھایاہے ،حضرت محمد ۖ کی زندگی عمل کر نے کیلئے بہترین نمونہ ہے ، انسان آپ کی زندگی کے پہلوئوں پر عمل کر کے ہی کامیاب ہو سکتا ہے ۔ اس موقع پرمعروف عالم دین مفتی محمد زاہد اسدی نے کہا ہے کہ حضرت محمد ۖ کی آمد سے قبل کفر عام تھا ،آپ ۖ نے اس دنیا میں آکر تمام لوگوں کو دین اسلام کی روشنی میں ہدایت کا راستہ دیکھایا ان کی زندگی پر عمل کر کے ہم دنیا اور آخرت میں کامیاب ہو سکتے ہیں ۔ انہوں نے کہا ہے کہ دین اسلام کی روشنی میں انسانیت کو ہدایت کا راستہ دیکھانے والے اللہ کے آخری نبی حضرت محمد ۖ کی زندگی کے پہلوئوں کا مطالعہ کرنے سے آپ ۖ کی زندگی کے متعلق معلومات حاصل ہو تی ہے ،آج معاشرہ اللہ کے آخری نبی کی تعلیمات کو بھول چکا ہے ہم ان کی تعلیمات پر عمل کیے بغیر دنیا اور آخرت میں کامیا ب نہیں ہو سکتے ہیں۔محفل کے اختتام پر سید مظہر حسین نقوی نے اہل اسلام کی سلامتی اور وطن عزیز کی ترقی کیلئے دعائے خیر کروائی گئی جس کے بعد دیوان حامد مودود مسعود چشتی نے ڈسٹر کٹ پریس کلب کے صدر سید حسن عباس بخاری،چیئر مین ڈسٹر کٹ پریس کلب پیر امداد حسین،سرپرست اعلیٰ حاجی محمد وسیم، سابق ایم پی اے سردار واجد علی ڈوگر،کانجو ٹریڈرز کے چیف ایگزیکٹو شاہ میر خان کانجو، ایڈمنسٹر یٹر یونین کونسلز رائو عمر فاروق ، ڈسٹر کٹ پریس کلب کے وائس چیئر مین یاسر علی خان، نائب صدرحاجی یٰسین چوغطہ،بندگی ٹی وی کے نیوز انچارج نوجوان صحافی پیر توقیر رمضان، سید عرب حسین بخاری،سید حسنین رضا بخاری، سید علی اکبر بخاری کی دستار بندی کی جبکہ سابق ایم پی اے سردار واجد علی ڈوگر نے پاکپتن پریس کلب کے سینئر عہدیداران و ممبران ے تنویر ساحر،اے ڈی شاہد، وقار فرید جگنو، رانا مہران اکبر، رانا جواد مسعود ، رانا آفتاب احمد، سینئر صحافی طاہر فرید ،مہر آباد نیوز ایجنسی کے انچارج چوہدری شبیر احمد، حکیم لطف اللہ کی دستار بندی کی ۔ڈسٹر کٹ پریس کلب کے صدر سید حسن عباس بخاری نے معروف سماجی و مذہبی شخصیت مفتی محمد زاہد اسدی ، صدر مرکزی میلاد کمیٹی پیر غلام قطب الدین ،آرگنائزر رائو عظمت اللہ،سرپرست با با فرید پریس کلب پیر اشرف شاہ بخاری، سید مظہر حسین نقوی، محمد شریف لکھ پتی ،سید شریف شاہ بخاری،سید عبا س شاہ بخاری کی دستار بندی کی ۔دیوان باسط فرید چشتی ،رائو عمر فاروق اور شاہ میر خان کانجو دیگر سماجی ،سیاسی و مذہبی رہنمائوں کی دستار بندی کی۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹر کٹ رپورٹر )تحریک انصاف کے ضلعی صدر میاں احمد رضا خاں مانیکا نے ضلع کونسل کے انتخابات میںPTI کامیابی پر خوشی کا اظہار کرتے ہوئے کہا ہے کہ تحریک انصاف نے ضلع کونسل کے انتخابات میں میدان مارلیا ہے ، ضلع کونسل کے انتخابات میں تحریک انصاف کی کامیابی سے یہ ثابت ہو تا ہے اہلیان پاکپتن تحریک انصاف کے ساتھ ہیں۔انہوں نے کہا ہے کہ تحریک انصاف کی ضلع کونسل کے انتخابات میں کامیابی کا سہرا گرینڈ اپوزیشن الائنس کے سر ہے ،پاکپتن والوں نے شیر کو شکست دے کر تحریک انصاف سمیت اپوزیشن الائنس کے حمایت یافتہ امیدوا ر کو چیئر مین ضلع کونسل بنوایا ہے ، اب پاکپتن میں تعمیر و ترقی کا ایک نیا دور شروع ہو گا ، پاکپتن میں ترقیاتی منصوبوں کو مکمل کر وا کر ضلع کو ترقی کی راہ پر گامزن کیا جائے گا ۔انہوں نے کہا کہ ضلع کی فلاح کے تمام ممبران کو ساتھ لے کر چلیں گے ، بلدیاتی انتخابا ت کے پہلے مرحلے میں حکومت کی طرف سے انتظامی مشینری کے استعمال کی وجہ سے ہمارے اکثریتی امیدوار آزاد حیثیت سے کامیاب ہوئے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹر کٹ رپورٹر )صوبائی و پارلیمانی سیکرٹری لیبر، ایم پی اے پاکپتن میاں نوید علی نے میڈیاسے گفتگو کرتے ہوئے کہا ہے کہ میونسپل کمیٹی پاکپتن کے چیئر مین شپ کے انتخابات میں رانا احمد علی (آرائیں) گروپ نے واضح اکثریت میں کامیابی حاصل کر کے پاکپتن کی سیاست میں ایک نئی تاریخ رقم کر دی ہے ،اب پاکپتن میں تعمیر و ترقی کے نئے دورکا آغاز ہو گا۔انہوں نے کہا ہے کہ میرے والد رانا احمد علی (آرائیں) کی طرف سے چیئر مین شپ کیلئے امیدوار چوہدری مظفر اقبال اور وائس چیئر مین کے لیے چوہدری اسرار احمد کو نامزد کیا گیا تھا جن کے فیصلے پر معزز کونسلرزصاحبان نے لبیک کہتے ہوئے انہیں واضح اکثریت سے چیئر مین بلدیہ اور وائس چیئر مین منتخب کر وایاجس پر معزز کونسلر صاحبان اور پاکپتن کی عوام کی بے حد مشکور ہیں ۔انہوںنے کہا ہے کہ میرے والد صاحب کا ایجنڈا کرپشن سے پاک سیاست کا ہے جس پر ہم پوری طرح گامزن ہیں اور بلدیہ سے کرپشن کے ناسورکو جڑ سے اکھاڑ پھینکیں گے،اب بلدیہ پاکپتن شہریوں کی خدمت کا ادارہ بن کر کام کرے گا۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹر کٹ رپورٹر )ڈی سی او پاکپتن عرفان احمد سندھو کی ہدایت پر سستی کرسمس بازار کا انعقاد کر دیا گیا ہے ۔ان خیالات کا اظہار ڈسٹرکٹ فوڈ کنٹرولر قسور مبارک بٹ نے میڈیا سے گفتگو کے دوران کیا۔انہوں نے بتایا کہ مسیحی برادری کی خوشیوں کو دوبالا کرنے کے لیےTMA سیرگاہ پاکپتن اور کرسچین کالونی عارفوالہ میں کرسمس بازار لگایا گیا ہے،جس میں آٹا فی 10 کلو کی امدادی قیمت 310 روپے مقرر کی گئی ہے۔ کرسمس بازاروں میں مرکزی انجمن تاجران کے صدر حاجی محمد وسیم کے تعاون سے کریانہ کے اسٹال لگائے گئے ہیں جہاں پر عام بازاروں سے چینی، چاول، دالیں، گھی وغیرہ 10% رعائیت مسیح بھائیوں کو فراہم کیے جارہے ہیں۔کرسمس بازار24 دسمبر تک جاری رہے گا۔۔۔۔

Pakpattan

Pakpattan

سید حسن عباس بخاری ڈسٹر کٹ رپورٹر پاکپتن