پاکپتن کی خبریں 23/2/2017

Pakpattan

Pakpattan

پاکپتن (ڈسٹرکٹ رپورٹر) پنشنرز ایسوسی ایشن کے ضلعی کنونیئر سید ظفر اللہ شاہ نے کہا ہے کہ سابق ڈسٹر کٹ گورنمنٹ پاکپتن کے74 پنشنرز پنشن نہ ملنے کی وجہ سے فاقوں پر مجبور ہیں، پنشنر ز کو ان کی پنشن نہ ملنے کے باعث ان کے خاندان فاقہ کشی کررہے ہیں، 74 پنشنرز ڈی سی او اور چیئر مین کی نظام کی بجالی کی وجہ سے پنشن سے محروم ہیں یہ پنشنرز جن میں زیادہ تعداد اساتذہ کی ہے سابقہ صدر پرویز مشرف کے ضلعی نظام میں ایم سی مدارس سے ڈسٹر کٹ گورنمنٹ کی تحویل میں دیئے گئے تھے ۔انہوں نے کہا کہ پنشنرز کو پہلے تو ایگزیکٹو ڈسٹر کٹ آفیسر فنانس اور پلاننگ کے دفتر سے پنشن ملتی تھی ،سابقہ نظام کی بحالی سے ای ڈی او کی سیٹ ختم دی گئی ہے نئے نظام میں ان پنشنرز کو کسی ادارے کے سپرد نہیں کیا گیا ۔ سید ظفر اللہ نے کہا کہ ماہ فروری ختم ہونے کو ہے او ر پنشنر ز اپنی ماہ جنوری کی پنشن سے محروم ہیں۔انہوں نے وزیر اعلیٰ پنجاب شہباز شریف سے پنشنرز کی پنشن کا فوراًبندوبست کرنے کا مطالبہ کیاہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر) حضرت خواجہ قطب الدین سائیں کے سالانہ عرس کی تین روزہ تقریبات شروع ہو گئیں۔ ملک بھر سے عقیدت مند مریدین کی کثیر تعداد میں شرکت ۔ تفصیل کے مطابق سجادہ نشین آستانہ عالیہ پرارں شریف خادم الفقراء حضرت خواجہ محکم الدین المعروف جمن سائیں نے میڈیاسے گفتگو کرتے ہوئے کہا کہ حضرت خواجہ قطب الدین سائیں کی بے شمار کرامات ہیں اور ان کا فیض تاحیات جاری و ساری ہے۔ عرس مبارک میں کانجو ٹریڈرز کے چیف ایگزیکٹیو خان شاہ میر خان کانجو، رمضان خان کانجو، سپیشل مجسٹریٹ رائو عمر فاروق، قربان کانجو کے علاوہ سیاسی سماجی و مذہبی شخصیات شرکت کریں گی۔ 25فروری کو تمام رسومات کے بعدسجادہ نشین دربار عالیہ خواجہ محکم الدین سائیں ملک و ملت کیلئے خصوصی دعا کرائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر)خدا جن پر کرم کرتا ہے انہیں کو اپنے اور اپنے محبوب کے گھر بلاتا ہے۔ ہم اس ذات کا جتنا بھی شکر ادا کریں کم ہے جس نے ہم جیسے گناہ گاروں پر احسان کیا اور ہم نے عمرہ کی سعادت حاصل کی۔ ان خیالات کا اظہار عالمی شہرت یافتہ ثناء خواں الحاج ذوالفقارعلی قمرفریدی نے محبوب فریدی اور پیر محسن فرید چشتی کے ہمراہ عمرہ کی ادائیگی سے واپسی پر میڈیا سے گفتگو کرتے ہوئے کہا۔ انہوں نے بتایا کہ خانہ کعبہ اور روضہ رسول کی حاضری کے بعد دنیا جہاں کی کسی شے کی خواہش نہیں ہوتی انسان کی خواہش ہوتی ہے کہ وہ بار بار اس حاضری میں ہی رہے۔ محمود فریدی نے کہا کہ خدا کی اس کرم نوازی پر میں بے حد شکر گزار ہوں اور دعا گو ہوں کہ خدا امت محمدی کے ہر فرد کو اپنے گھر اور اپنے حبیب کے روزہ کی سعادت نصیب فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر) چوری کی وارداتوں کے دوران دیہاتی قیمتی اشیاء سے محروم۔بتایاگیاہے کہ گائوں چک بیدی کے رہائشی محمد صابر کا 45 ہزار مالیتی کا موٹر سائیکل اکرم وغیرہ تین افراد نے چوری کیا جو ملزمان کے قبضہ سے بر آمد ہواہے۔ بونگہ حیات کے رہائشی ناصر اکبر کے احاطہ مویشیاں سے محمد یٰسین وغیرہ تین افراد 80 ہزار مالیتی کا بکرا دچوری کرکے لے گئے۔ پولیس نے الگ الگ مقدمات درج کر لیے
ہیں۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن(ڈسٹر کٹ رپورٹر) تین افراد نے 7 سالہ بچی کے پیچھے کتا اور بلی چھوڑ کر لڑکی کو زخمی کروادیا۔بتایاگیاہے کہ گائوں77/D کی رہائشی صابراں بی بی کی 7 سالہ بیٹی مہوش بی بی کے کھیل رہی تھی کہ رمضان وغیرہ تین افراد نے اسکے پیچھے کتا اور بلی کو چھوڑ دیا جانوروں نے لڑکی کو گردن سے دبوچ کو زخمی کر دیا۔پولیس نے مقدمہ درج کرلیاہے۔۔۔۔