پاکپتن کی خبریں 16/12/2016

Pakpattan

Pakpattan

پاکپتن (ڈسٹرکٹ رپورٹر) سانحہ پشاور آرمی پبلک سکول کے شہداء کی یاد میں آواز ڈسٹرکٹ فورم پاکپتن کے زیر اہتمام پنجاب جونیئر سکول میں تقریب منعقد کی گئی جس کی صدارت سعید احمد چشتی سابق ضلعی چیئر مین بیت المال نے کی جبکہ ڈپٹی ڈسٹرکٹ آفیسر سوشل ویلفیئر ذوالفقار علی ناز ،پیر امداد حسین، میاں ذوالفقار علی مہر، رانا شکیل احمد ،مذہبی راہنما محمد علی شاکر سمیت خواتین و حضرات کے علاوہ بچوں کی بڑی تعداد نے شرکت کی ۔ اس موقع پر پیر سعید احمد چشتی نے خطاب کرتے ہوئے کہا کہ سانحہ پشاور ہمارے ماتھے کا بدنما داغ ہے کہ ہم اپنے نو نہالوں کی حفاظت کرنے میں ناکام رہے ہیں ذوالفقار علی ناز ڈی ڈی او سوشل ویلفیئر نے کہا کہ دہشتگردی کے خلاف پوری قوم برسرپیکار ہے جس کے خاتمے کے لئے ہم سب کو اپنا اپنا بھر پور کردار ادا کرنا ہوگا رانا شکیل احمد نے کہا کہ ہم امن کی طاقت سے امن کے دشمنوں کو شکست دیں گے۔ اس موقع پر بچوں نے مختلف ملی نغمے،خاکے اور تھیٹر پرفارمنس پیش کیں آخر میں بچوں میں انعامات تقسیم کئے گئے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) ہائی کورٹ لا ہور نے انجمن آڑھتیاں غلہ منڈی پاکپتن کی چار سال بعد رجسٹریشن بہال کردی ۔ بتا یا گیا ہے کہ عدالت عالیہ ہا ئی کورٹ کے جسٹس شاہد کریم نے 5/12/20012 کو غیرقانونی طریقہ سے انجمن آڑھتیاںکی رجسٹریشن کو منسوخ کردیا تھا جس کی رجسٹریشن کو لاہور ہا ئی کورٹ نے بہال کرنے کے احکامات جا ری کر دئے ہیں۔انجمن آڑھتیاں غلہ منڈی رجسٹرڈ کے صدر میاں محمد اشرف نے بتا یا ہے انجمن آڑھتیاں با قاعدہ رجسٹرڈ ہے اس کا نام کوئی استعمال نہیں کر سکتا یہی تنظیم اپنے آپ کوصدر اور جنرل سیکرٹری کہلوانے کے حق دار ہے انجمن اپنے ممبران کے حقوق کے لئے ہمہ وقت کوشاں رہے گی۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) مسلم لیگ (ن ) کے ایم این اے سردار منصب علی ڈو گر نے کہا ہے کہ ضلع کونسل کا چیئر مین بنانے کے لئے مسلم لیگ نواز کے پاس ممبران کی اکثریت موجود ہے مسلم لیگ (ن )کے چیئرمین ضلع کونسل کے امیدوار خالد سعید خان اور ان کا پینل بھاری اکثریت سے کا میاب ہو گا ۔عوام کے مسترد کئے ہو ئے لوگوںکا ضلع کونسل کے انتخابات میں بھی نا کامی ان کا مقد ربنے گی۔ضلع پاکپتن کے غیور ممبران ضلع کونسل نے ہاوسٹریڈنگ کی سیاست کو مسترد کرتے ہوئے اپنے ضمیر کے مطابق ووٹ دینے کا فیصلہ کر چکے ہیں۔انہوں نے کہا کہ اپوزیشن کے چیرمین کے امیدوار کی طرف سے ممبران ضلع کو نسل کو پیسوں کی آفرز کے بارے الیکشن کمیشن کو مطلع کر کے ثبوت مہیا کردیا گئے ہیں ہم صرف جمہوری رویات کا خیال کر رہے ہیں 22 دسمبر کو الیکشن ختم ہو نے کے بعد امیدوار چیر مین اور وائس چیر مین کے خلاف قانون کے مطابق کاروائی کریں گئے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) تلخ کلامی کی رنجش [پر سالے کا ساتھیوں کے ہمراہ بہنوئی پر تشدد۔بتا یا گیا ہے کہ ظہیر احمد اپنی بیوی کو لینے سسرال کے گائوں3/KB گیا جہاں اس کی اپنے سالے امجد کے ساتھ تلخ کلامی ہو گئی جس پرامجد نے دو ساتھیوں کے ہمراہ اپنے بہنوئی ظہیر حسین کوتشدد کانشانہ بنا کر شد ید زخمی کردیا۔پولیس نے مقد مہ درج کر لیا ہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) چار مسلح ڈاکووں نے سڑک پر ناکہ لگا کر گاڑی سے لاکھوں کی نقدی لوٹ لی۔ بتا یا گیا ہے کہ نواز احمد اپنے ساتھیوں کے ہمراہ گاڑی پرواپس بہاولنگر جا رہے تھے کہ گائوں38/eb کے قر یب چار نا معلوم مسلح ڈاکووں نے مین سڑک پر نا کہ لگا کر اسلحہ کی نو پر گاڑی روک کر احمد نواز اور اس کے ساتھیوں سے287200 ما لیتی نقدی موبائل چھین کر فرار ہو گئے ،پولیس نے مقد مہ درج کر لیا ہے تاہم پولیس تا حال ملزمان کا سراغ نہیں لگا سکی ہے۔۔۔۔

16-2-16