پاکپتن کی خبریں 8/2/2017

PTI

PTI

پاکپتن (ڈسٹرکٹ رپورٹر) پاکستان تحریک انصاف کے ضلعی صدر میاں احمد رضا خاں مانیکا نے کہا ہے کہ حکمران پاکستانی عوام کے مسائل حل کرنے کی بجائے کرپشن میں مصروف ہیں،حکمران ملک کے تمام فنڈز لاہور جیسے اپنے علاقوں پر لگا رہے ہیں جبکہ پاکپتن جیسے اضلاع کے مقدر میں ٹوٹی پھوٹی سڑکیں اور سوریج کاکچھ انتظام نہیں ہے ۔انہوں نے کہا کہ ایسے لگ رہا ہے کہ لاہور کے بعد ملک ختم ہو جا تا ہے جب انتخابات کا وقت آتا ہے تو نمائندے پاکپتن جیسے علاقوں کا رخ صرف اور صرف ووٹ کے حصول کیلئے کرتے ہیں ، پاکپتن کے داخلی اور خارجی راستوں کی سڑکیں ٹوٹ پھوٹ کا شکار ہیں اس حکومت اور سابقہ حکومت میں پاکپتن میں کسی قسم کا کوئی بڑا منصوبہ نہیں شروع کروایا گیا ہے ، منتخب نمائندہ ووٹ لینے کے بعد نظر تک نہیں آتے ،جب انتخابات کا وقت آتا ہے تو نمائندے ووٹ لینے کیلئے اپنے حلقوں کا رخ کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) ایپکا کے 17 محکموں کا اجلاس ،عتیق بٹ ضلعی صدرایپکااور زاہد گوہر ضلعی جنرل سیکرٹری دوبارہ منتخب ہو گئے۔ بتایا گیاہے کہ ایپکا کا اجلاس منعقد ہوا جس میں بلدیہ پاکپتن ، محکمہ ہیلتھ ،محکمہ ایجوکیشن، مارکیٹ کمیٹی، ایکسائز سمیت 17 محکموں کے ملازمین نے شرکت کی۔ ملازمین کی اکثریتی رائے سے محمد عتیق بٹ کو ایپکا ضلعی صدر اور زاہد گوہر کو ضلعی جنرل سیکرٹری منتخب کردیا گیاہے۔ اس موقع پر محمد عتیق بٹ نے ممبران ایپکا کا شکریہ اداکرتے ہوئے کہا ہے کہ ایپکا اپنے مطالبات کی منظوری کیلئے جدوجہد جاری رکھے گی کسی کو ملازمین کے حقوق سلب نہیں کرنے دیں گے۔انہوں نے حکومت پنجاب سے مطالبہ کیاکہ وہ ایپکا کے چارٹر آف ڈیماینڈ پر عمل درآمد کو یقینی بنائیں۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) پاکستان سوشل ایسوسی ایشن کے سیکرٹری جنرل حکیم لطف اللہ نے روزنامہ اوصاف کے چیف ایڈیٹر مہتاب عباسی کی والدہ کی وفات پر اظہارکرتے ہوئے کہا ہے کہ غم او ر دکھ کی اس گھڑی میں مہتاب عباسی کے ساتھ کھڑے ہیں ،ہماری اللہ سے اس بات کی دعا کرتے ہیں اللہ ہمارے بھائے مہتاب خان کو صبر جمیل عطا ء فرمائے۔ انہوں نے کہا کہ ہمارے بھائی مہتاب خان اپنی والدہ اورمحسن بلال اپنے دادی کی وفات کے صدمہ میں ہیں ، اس کائنات کی ہر چیز نے مو ت کا ذائقہ چکھنا ہے ۔انہوں نے مرحومہ کی بخشش کیلئے دعا مغفر ت کرتے ہوئے مہتاب خان اور محسن بلال کیلئے صبر جمیل کی دعا کی۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکپتن (ڈسٹرکٹ رپورٹر) پانچ افراد نے گھر میں گھس کر خاتون کو تشدد کا نشانہ بنا کر اس کا چار سالہ بیٹا اغواء کر لیا۔ بتایا گیاہے کہ غلام محمد ٹائون کی رہائشی مریم بی بی گھر میں سوئی ہوئی تھی کہ اسکے خاوند کے سابقہ سسرالی لیاقت علی وغیرہ پانچ افراد گھر میں گھس گئے جنہوں نے خاتون کو تشدد کا نشانہ بنا کر اس کے چار سالہ بیٹے عامر علی کو اغواء کرکے فرار ہو گئے۔پولیس نے مقدمہ درج کر لیا ہے۔۔۔۔