آج پھر پاناما کیس کی سماعت ہو گی، کپتان کی نئی قانونی ٹیم پیروی کرے گی

Supreme Court

Supreme Court

اسلام آباد (جیوڈیسک) پاناما لیکس پر ایک اور ہنگامہ خیز دن کا آغاز ہونے کو ہے۔ نون لیگ اور پی ٹی آئی کے ایک دوسرے سے سوال و جواب آج پھر عدالت میں زیر بحث آئیں گے۔

چیف جسٹس انور ظہیر جمالی کی سربراہی میں سپریم کورٹ کا پانچ رکنی لارجر بینچ شریف فیملی کی آف شور کمپنیوں، منی لانڈرنگ اور ٹیکس چوری سے متعلق درخواستوں کی سماعت کرے گا۔

حامد خان کی معذرت کے بعد اب نعیم بخاری ایڈووکیٹ تحریک انصاف کے کیس کی پیروی کریں گے۔ بنی گالا میں عمران خان سے شیخ رشید نے ملاقات بھی کی اور کیس پر تبادلہ خیال کیا۔ پی ٹی آئی چیئرمین کا کہنا تھا کہ حکومت کو ٹف ٹائم دیا جائے گا، اچھی خبریں آئیں گی۔

عمران خان اور جہانگیر ترین کے خلاف نون لیگ کے رہنماء حنیف عباسی کی درخواست کی سماعت بھی آج ہو گی۔ درخواستوں کو چیف جسٹس کی سربراہی میں تین رکنی بینچ سنے گا۔

ادھر قومی اسمبلی میں اظہار خیال کرتے ہوئے وزیر قانون زاہد حامد نے کہا کہ وزیر اعظم پہلے ہی خود کو احتساب کے لئے پیش کر چکے ہیں۔