اسلام آباد (جیوڈیسک) وزیر مملکت مریم اورنگ زیب کا کہناہے کہ بلاول کو ان کا میڈیا سیل یہ بھی بتا دے کہ پاناما دستاویزات میں وزیر اعظم کا نام نہیں ہے البتہ بھٹو خاندان کا ذکر ضرور ہے۔
وزیر مملکت اطلاعات مریم اورنگ زیب نے ایک بیان میں کہا ہےکہ بلاول کے سیاسی استاد شاید ان کی بھلائی نہیں چاہتے، بلاول جب اخلاق سے گری باتیں کریں گے تو لوگ انہیں بچہ سمجھ کر نظر انداز کریں گے۔
انہوں نے کہا کہ بلاول کے آج اخلاق سے گرے ہوئے بیان نے آکسفورڈ کی تعلیم کو شرمندہ کر دیا، بلاول کو ان کا میڈیا سیل یہ بھی بتا دے کہ پاناما میں وزیر اعظم کا نام ہے ہی نہیں جبکہ بھٹوخاندان کا ذکر ضرور ہے۔
مریم اورنگزیب نے کہا کہ اپنے دورے میں کوئی جلسہ نہ کر سکنے والے آج کھلے عام جلسے کر رہے ہیں یہی مسلم لیگ ن کی فتح ہے۔
اردن : مسلح افراد کا پولیس پارٹی پر حملہ، غیرملکی سمیت 5 ہلاک
ملک کے بیشتر علاقوں میں موسم سرد اور خشک رہنے کی پیشگوئی