لاہور (جیوڈیسک) پاکستان اور بین الاقوامی سیاست میں بھونچال لانے والے پاناما لیکس کا دوسرا دھماکا کل ہونے جا رہا ہے۔
پیر کو نئی دستاویزات سامنے آئیں گی جن میں چار سو سے زائد پاکستانیوں کے نام بھی منظر عام پر آسکتے ہیں ۔ دو لاکھ سے زائد آف کمپنیوں کا ریکارڈ بھی آن لائن دستیاب ہو گا۔ پاناما لیکس کا ہنگامہ ابھی تک نہیں ہوا پرانا۔
اب سب کو ہے پیر کا انتظار کیونکہ نئے انکشافات میں چار سو سے زائد پاکستانیوں کے نام بھی منظر عام پر آنے کا امکان ہے ۔ ان میں زیادہ تعداد کاروباری شخصیات کی ہے اور ان میں سے بھی زیادہ تر کا تعلق کراچی اور لاہور سے ہے ۔ آئی سی آئی جے کا کہنا ہے کہ دو لاکھ سے زائد آف شور کمپنیوں کا ریکارڈ جلد آن لائن ڈیٹا بیس پر دستیاب ہو گا۔
تاہم صارفین کو آف شور کمپنی کے مالکوں کے متعلق مخصوص معلومات تک رسائی ہوگی ۔ پاناما لیکس کی پہلی قسط آنے پر پاکستان سمیت کئی ممالک میں خوب ہلچل مچی ۔ آئس لینڈ کے وزیر اعظم کو آف شور کمپنیاں رکھنے کے باعث استعفیٰ دینا پڑا جبکہ برطانیہ میں ڈیوڈ کیمرون کے خلاف ہزاروں افراد نے ریلیاں نکالی ۔ کئی ملکوں کے رہنما ابھی بھی اپنی صفائیاں پیش کر رہے ہیں۔
ایکشن سے بھرپور فلم وار کرافٹ کا ٹریلر جاری کر دیا گیا
آمر کو جھوٹے میڈیکل سرٹیفکیٹ پر بیرون ملک بھیج دیا گیا :پرویز اشرف