حویلی لکھا (نیوز ڈسک) محبت میں ناکامی پے نوجوان نے موت کو گلے لگا لیا، شہزاد نے اپنی کزن (ن) سے کورٹ میرج کی تھی تاہم گزشتہ روز برادری والوں کی مداخلت اور دباو کے باعث شہزاد کو طلاق دینا پڑی جس سے دل برداشتہ ہو کر شہزاد نے زہریلی گولیاں نگل کر زندگی کا خاتمہ کر لیا۔ محلہ پیر اسلام کا رہائشی نوجوان شہزاد کا اپنی کزن (ن) سے معاشقہ چل رہا تھا اور دونوں نے کچھ عرصہ قبل گھر سے بھاگ کے کورٹ میرج کر رکھی تھی تاہم شہزاد پے اُس کے والدین اور برادری والوں کا شدید دباو تھا کہ وہ اپنے عشق کو خیر باد کردے جس پے شہزاد احمد نے گزشتہ روز اپنی کزن کو طلاق دینے کے ساتھ ساتھ اِس امر سے دلبرداشتہ ہوکر زہریلی گولیاں نگل کے موت کو گلے لگا لیا،مرحوم کے جنازہ میں شہر کے تمام مکاتب فکر کے لوگوں کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حویلی لکھا(نیوز ڈسک)اسسٹنٹ کمشنر کی غیر موثر کاروائی کے باعث اندرون شہر میں قا ئم ہوٹلوں اور مٹھائی کی دوکانوں پے صفائی کے ناقص انتظامات،عطائیوں کی سرگرمیاں دوبارہ تیز بغیر لائسنس کے میڈیکل سٹور مالکان ،جعلی لیب ٹیکنیشنوں اور دندان سازوں سمیت نیم حکیموں اور جعلی نرسوں کی بھی چاندی ہوگئی ،کئی جگہوں پے ملاوٹ شدہ دودھ کی بھاری مقدار کی تیاری اور لاگر بیمار جانوروں کا گوشت فروخت ہونا بھی معمول کے مطابق جاری ،وزیر اعلیٰ پنجاب فوری طور پے ازخود نوٹس لیں ،اہلیان علاقہ کی پُرزور اپیل۔اسسٹنٹ کمشنر دیپالپور امتیاز خان کچھی نے مذکورہ معاشرتی ناسوروں سے نمٹنے کے لئے بہتر کارکردگی کا مظاہرہ کیا تاہم اُن کے فریضہ حج کی ادائیگی کے لئے سعودی عرب روانگی کے ساتھ ہی ایک بار پھرحویلی لکھا میں اندرون شہر ہوٹلوں ،لیبارٹریوں عطائیوں اور قصابوں گوالوں کے خلاف آپریشن غیر موثر ثابت ہورہا ہے جس کے باعث شہر کی کئی جگہوں خصوصاً قریبی دیہی علاقوں میں ملاوٹ شدہ دود ھ کی بھاری مقدار ایک وقفہ کے بعدمعمول کے مطابق تیارکی جارہی ہے جبکہ اندرون شہر عطائیوں جعلی لیباٹریوں نام نہاد نرسوں دونمبر دندان سازوں کی بھی چاندی ہوچکی ہے ،شہر میں قائم ہوٹلوں اور مٹھائی کی دوکانوں پے ناصرف مضرِ صحت اشیا ء فروخت کی جارہی ہیں بلکہ صفائی کے بھی انتہائی ناقص انتظامات ہیں ، قصابوں نے بھی تاحال لاگر اور بیمار جانوروں کے ساتھ ساتھ پانی ملا گوشت فروخت کرنے کا سلسلہ بلا خوف جاری رکھا ہوا ہے اسی طرح شہر بھر سے تجاوزات کے خاتمے کا شو بھی بُری طرح فلاپ ہوچکا ہے،اہلیان حویلی نے وزیر اعلیٰ پنجاب میاں محمد شہباز شریف سے فوری طور پے ازخود نوٹس لینے کی اپیل کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری فتح اللہ نواز بُھٹہ نمائندہ جیو نیوز اردو حویلی لکھا ضلع اوکاڑہ ۔0300.6692536.0333.6991643
Email.fatehullah.nawaz.bhutta@gmail.com
dated8.9.2016
راولاکوٹ کی خبریں 8/9/2016
راولاکوٹ : رات کے اندھیرے میں چور مہران کار چوری کر کے لے گئے