کراچی (جیوڈیسک) یوم پاکستان کی تقریب کے موقع پر جسٹس امیر ہانی مسلم کا کہنا تھا کہ پوری قوم کو ذمہ داری ادا کرنی ہوگی یہ نہ سمجھیں کہ 17 جج پورے ملک کو ٹھیک کر لیں گے۔
ذوالفقار علی بھٹو لاء یونیورسٹی میں یوم پاکستان کے موقع پر جسٹس امیر ہانی مسلم کو بطور مہمان خصوصی مدعو کیا گیا تھا۔ جسٹس امیر ہانی مسلم نے طلبا سے خطاب کرتے ہوئے کہا کہ ملک کی ترقی کے لئے خود کو ٹھیک کرنا ہوگا، ہم چاہتے ہیں کہ خود ٹھیک نہ ہوں لیکن معاملات ٹھیک ہوجائیں ۔ 17 ججز ملک کو سدھار لیں گے یہ سوچنا زیادتی ہے۔
تقریب کے شرکا سے خطاب کرتے ہوئے انہوں نے کہا کہ ہماری سب سے بڑی کمزوری تعلیمی معیار کا خراب ہونا ہے۔ شہریوں کو انصاف صرف عدالت میں نہیں بلکہ ہر جگہ ملنا چاہِے۔
سپریم کورٹ کے جج امیر ہانی مسلم نے کہا کہ ملک کے مختلف شہروں سے چھوٹے سے چھوٹے لاکھوں کیسز سپریم کورٹ میں آتے ہیں جنہیں حل کرنا مشکل ہے۔ لوگ خود کو ٹھیک کرلیں تو عدالت آنے کی ضرورت نہیں پڑے گی۔
کشمیر سمیت تمام مسائل کے حل سے بھارت سے تعلقات امن کی راہ پر آئیں گے، پاکستان
سپریم کورٹ کے احکامات کی روشنی میں ہی تقرریاں اور تبادلے کیے جائیں گے، قائم علی شاہ